Arkiv-Lajme

Në një fjalim mbajtur në kongresin themelues të Aleancës Kuqezi, kryetari i saj Kreshnik Spahiu bëri sot paraqitjen më të zgjeruar të deritashme të programit të kësaj partie të re. Fryma e përgjithshme e fjalimit të Spahiut mund të përmblidhet me fjalët “mosqarkullimi i elitave politike i ka lënë shqiptarët prapa popujve të tjerë europianë”.

Në një pjesë të parkut të kodrave të liqenit, atë në afërsi të Rrugës së Elbasanit, (në foto) po priten me shpejtësi pemët në një sipërfaqe prej 7,000 metrash katrorë. Këshilltarët e majtë bashkiakë kanë dhënë alarmin, dhe thonë që në dijeninë e tyre nuk është marrë asnjë vendim në Bashki. Por Bashkia thotë që po zgjerohet rruga. - “Një masakër që ka ndodhur në Parkun Kombëtar të Liqenit në Tiranë, ku mijëra metra katrorë janë shkatërruar brenda një nate. I kërkojmë Prokurorisë së Tiranës të nisë menjëherë hetimet.

Këshilltarja ekonomike e kryeministrit Suzana Guxholli Pani është divorcuar nga bashkëshorti, inxhinier Besnik Pani. Deri këtu gjithçka normal, por... Në përpjekjet e kuptueshme për të përfituar sa më shumë nga ndarja e pasurisë pas divorcit, znj.Guxholli-Pani (në foto me “ministrat e parave” Bode e Ruli) ka kërkuar t’i provojë gjykatës që kontributet e saj gjatë viteve të martesës janë shumë më të larta se ato të bashkëshortit të saj, rrogëtar i thjeshtë.

Ditën e fundit të Majit, pra pak ditë para votimit të Presidentit të ri, presidenti Topi ka firmosur një tjetër dekret për dhënie shtetësie shqiptare. Ndryshe nga dekretet e tjerë kur në listë ka patur një, dy apo tre persona, kësaj here lista është e gjatë. Janë 39 emra. Dhe mos mendoni se bëhet fjalë vetëm për shtetas nga Kosova, siç mendohet zakonisht. Po t'u hedhësh një sy emrave, nuk i shpëton dot ngasjes për t'i bërë vetes pyetje të tilla: Cili të jetë, p.sh, Panagiotis Matheos Tzelis (me gjasa, grek), Arzu Kanber Işik (me gjasa, turk), Robert Wright, Jr.

Shefi i Agjencisë kosovare së Privatizimit, Dino Asanaj vrau veten, apo e vranë? Pak momente pas vdekjes së tij, mediat dolën me tituj të llojit “Dino Asanaj theret në zyrën e tij”, dhe me këtë u referoheshin plagëve të shumta të gjetura në trupin e tij. Por tani ka dalë teza e vetvrasjes. Deri të enjten të gjithë, policë, prokurorë, ekspertë mjeko-ligjorë, flisnin për vrasje, por të premten ky version ra. Papritur, Instituti i Mjekësisë Ligjore mbron variantin e vetvrasjes.

Është pritur me shumë befasi botimi i disa SMS-ve të fotografuara në ekranin e celularit të kryeministrit Berisha gjatë seancës së votimit të Presidentit të ri të Republikës. Në botimin e mëparshëm, për arsye të kuptueshme,  e kishim fshirë numrin e mesazh-dërguesit që shfaqej në ekranin e BlackBerry- t kryeministror. Por një gazetare e “Shekullit” i ka rënë pas kësaj pune. I ka telefonuar dje atij numri që dallohej qartë në shkrepjet e foto-reporterit Franc Zhurda. "Pas disa thirrjeve pa përgjigje, më në fund nga ana tjetër e receptorit, u përgjigj një zë burri me theks vlonjat.

Pasi dështoi në tentativën për t’u bërë president në 2007-ën, Fatos Nano filloi një lëvizje për shpëtimin e PS-së nga “uzurpuesi” Edi Rama. Lëvizjes së tij iu bashkua Petro Koçi, një nga themeluesit e PS-së në vitin 1991. Pasi zhvilluan takime në disa qytete së bashku, Nano u kthye në Vjenë dhe ia la gjithë barrën Petro Koçit, i cili themeloi eventualisht Partinë Socialiste të Vërtetë 1991 (PSV-91).

Këto ditë, Nano ka filluar një lëvizje të ngjashme, pasi dështoi përsëri në tentativën e tij për t’u bërë president. Edhe kësaj radhe duket se ai e ka gjetur një “Petro Koç”.

Troll është një term i gjuhës angleze, dhe sipas Wikipedia-s, “troll-i është një person që ndërvepron me persona të tjerë të komunitetit online, dhe që lëshon mesazhe provokativë, ngacmues, jashtë teme apo pa pikë kuptimi. Qëllimi i një troll-i është thjesht të pengojë e të bezdisë gjatë komunikimit, apo të ndezë gjakrat e të tjerëve, duke mbetur vetë anonim”. Ja, fjala vjen, në website-in respublica.al ka sa të duash troll-a, të cilët futen në këtë site jo me qëllimin për të komunikuar, por me qëllimin për të fyer e bezdisur të tjerët.

Pasi kandidati socialist për kryetar komune në Dajç të Lezhës denoncoi 8 komisionerë zgjedhorë për shpërdorim detyre dhe falsifikm në zgjedhjet vendore të 8 majit 2011, Prokuroria e Lezhës i provoi akuzat dhe ka kërkuar 15 vite burg dhe 2.4 milione lekë gjobë si dënim për 8 komisionerët, ndër të cilët 3 ishin përfaqësues të PS-së. Sidoqoftë, prokuroria provoi vetëm se komisionerët kishin mbushur kutitë me vota të emigrantëve që nuk ishin fare në Shqipëri, por nuk sqaroi motivet që i shtynë komisionerët për të kryer këtë vepër penale.