deshtim

Video-instalacioni skulpturor, me autor Driant Zenelin ashtu siç pritej rezultoi një dështim i plotë në Bienalen e Venecias. Një dështim i paralajmëruar në fakt, pasi Shqipëria u përfaqësua me një projekt të përzgjedhur pa konkurs dhe në mungesë të plotë transparence.  Qëkurse u prezantua nga Ministria e Kulturës u akuzua si një projekt klientelist, pas të cilit qëndrojnë lidhjet e shkurtra të çiftit Xoxa-Velaj-Kumbaro.

Një deklaratë me kontekst të qartë për situatën politike që po kalon vendi lëshoi sot zv/ambasadorja amerikane Leyla Moses-One, teksa mori pjesë në një aktivitet për 10-vjetorin e anëtarësimit të Shaipërisë në NATO. Ajo iu referua reformës në drejtësi, duke thënë se gabohet kush mendon se reforma në drejtësi ka dështuar.

Mohimi për 4 vite i situatës me kanabisin mund të ishte një refren që do ta dëgjonim edhe sot nëse përgjimet e Prokurorisë së Katanias nuk do nxirrnin në skenë emrin e ish-ministrit të Brendshëm, Sajmir Tahiri. Që pas këtij momenti, mazhoranca u detyrua të moderojë qëndrimin duke pranuar shtrirjen e fenomenit në të gjithë vendin, madje duke nisur të flasë për drunj të shtrembër brenda radhëve të saj. I fundit që ka komentuar çështjen e drogës është kryetari i parlamentit Gramoz Ruçi me një optikë që ngre shumë pikëpyetje.

12 drejtues dhe punonjës së policisë së Elbasanit u liruan dhe shkarkuan nga detyra për ngjarjen e 18 Shtatorit në Elbasan, mes të cilëve edhe zv/drejtori Gjergj Oshafi, makina e të cilit u godit nga një automjet i blinduar që dyshohet se u godit nga Suel Çela, dhëndri i kryetarit të bashkisë së Elbasanit, Qazim Sejdini. Ishte vetë kreu i Policisë së Shtetit Haki Çako që lajmëroi masat disiplinore dhe pranoi dështimin e plotë të strukturave të policisë së këtij qyteti. 

Deklarata e Çakos

Kryeministri Rama zbuloi detaje të negociatave për takimin  e dështuar mes tij dhe kryetarit të Partisë Demokratike, Lulzim Basha. I ftuar në emisionin “5 Pyetje nga Babaramo” kryeministri ndonëse nuk bëri publike detaje të negociatave la të kuptohet se gjithçka u la pezull kur ishin përcaktuar modalitetet për formatin, orën dhe axhendën e bisedimeve.

Ekonomisti i njohur amerikan dhe  fitues i çmimit “Nobel” në Ekonomi, Joseph Stiglitz ka bindjen se politikat ekonomike që ka ndërmend të ndjekë presidenti i zgjedhur amerikan Donald Trump veçanërisht mbi importet janë të destinuara të dështojnë, duke folur për  perspektivën e një "luftë tregtare", me vende si Kina apo Meksiko.

"Kjo nuk do të funksionojë, unë jam i sigurtë", u tha ai gazetarëve gjatë Forumit Ekonomik Botëror në përgjigje të një pyetje në lidhje me kërcënimet e manjatit amerikan për rritjen e tarifave mbi mallrat e importuara, sidomos automobilëve.

Kreu i opozitës, Lulzim Basha bëri sot një deklaratë të fortë, duke lënë të kuptohet se në dështimin e reformës në drejtësi janë përgjegjës edhe ndërkombëtarët. Sipas tij heshtja pas takimit që pati me Ramën e atyre që në 25 vite kanë ndihmuar Shqipërinë i bën bashkëpërgjegjës në dështimin e reformës.

Me nxitjen e ndërkombëtarëve dhe kryesisht të ambasadës amerikane, kryeministri Rama dhe kryetari i Partisë Demokratike do të takohen të hënën në përpjekje për të gjetur konsensusin e nevojshëm për miratimin e reformës në drejtësi.

Ndërhyrjet e Bankës së Shqipërisë, sidomos me uljen e normës së interesit nuk përcjellin optimizëm. Një nga aktorët ekonomikë në treg, Konfindustria, ka përcjellë sot një vlerësim se politikat e BSH-së janë të paracaktuara të dështojnë. "Konfindustria vlereson, se ulja ne nivel historik te 1.25% te normes baze te interesit per monedhen kombetare me vendimin e muajit maj 2016 te Bankes se Shqiperise, nuk pritet te jape ndikim ne shtimin e nivelit te kreditimit dhe si rrjedhim pamundeson rritjen e domosdoshme te investimeve, konsumit dhe rritjen ekonomike.

Raportuesi për Shqipërinë në Parlamentin Europian, Knut Fleckenstein, shprehet në një intervistë për “Top-Channel” se zgjedhjet lokale ishin një dështim për Shqipërinë. “Pas pushimeve të Krishtlindjes dhe Vitit të Ri do të filloj të përgatis raportin. Nuk kam shumë shqetësime, pasi është e dukshme se ka patur mjaft progres të mirë, por kemi patur edhe dështime, si në rastin e zgjedhjeve lokale. Për momentin, reforma kryesore mbetet ajo e drejtësisë, sigurisht”, thotë Fleckenstein.