hekurudha

Presidenti serb Aleksandër Vuçiç ka deklaruar sot në një intervistë për gazetën greke “Kathimerini” se Beogradi është shumë i interesuar dhe po lobon për ndërtimin e hekurudhës Budapest-Pire që kalon përmes Beogradit, Shkupit dhe Selanikut në vijën e dikurshme strategjike të komunikimit të Europës Qendrore me Turqinë dhe Lindjen e Afërme. Vuçiç ka sqaruar se Serbia ka zhvilluar bisedime për këtë temë me palën kineze dhe zyrtarët europianë, ndërkohë që ka shtuar se ka patur presione për shkak të marrëdhënieve që Beogradi ka me Kinën dhe Rusinë.

Liderët e Turqisë, Azerbajxhanit dhe Gjeorgjisë kanë përuruar punimet e një linje hekurudhore 826 km të gjatë që do të lidhë Europën me Kinën duke shmangur linjën tradicionale ruse.

Në kryeqytetin azer, Baku, liderët e të trija vendeve kanë vënë simbolkisht binarët e parë të një linje që bën pjesë në aksin kinez të Rrugës së Mëndafshit, por që nuk fsheh synimet strategjike që ta kthejë gjigandin rus në një xhep që qëndron anash atij që mendohet të jetë një korridor tregëtar ndër më të mëdhenjtë në botë.

Muajin që vjen pritet të hapet tenderi për hekurudhën Tiranë-Durrës-Rinas, i cili parashikon një investim 81.5 milionë euro për realizimin e projektit. BERZH pritet te financoje mbi 40% te saj, ndersa e gjitha vlera eshte hua qe do te paguhet nga qeveria shqiptare raporton Abc Neës
Per fazen e ndertimit pritet te angazhohen gati 1400 punonjës direkt dhe indirekt, ndërsa ne fazën e operimit, numri do të arrijë në rreth 2,200 punonjës.

Samiti i Berlinit ishte një sukses për Shqipërinë. Aty Shqipëria mori financime për projektin e lidhjes energjetike me Maqedoninë dhe siç thotë zv.ministrja e Jashtme, Odeta Barbullushi, janë lëvruar këstet e para nga KFW gjermane. Po sipas zv.ministres edhe Samiti i Parisit ka rezultuar i suksesshëm për Shqipërinë. Në një intervistë për TemaTv, Barbullushi tha se vendi ynë, i përfaqësuar në këtë samit nga kryeministri Edi Rama, ka marrë financime për hekurudhën Tiranë-Durrës dhe zgjatjen e saj deri në Rinas.

Ministria e Financave ka kërkuar një kredi sovrane nga BERZH për përmirësimin e linjës hekurudhore Tiranë-Durrësi dhe ndërtimin e një linje hekurudhore që do të lifh kryeqytetin me aeroportin ndërkombëtar të Rinasit. Vetë BERZH njofton se  “është duke shqyrtuar dhënien e një kredie sovrane  për Hekurudhën Shqiptare. Kredia do të financojë rehabilitimin dhe përmirësimin e linjës hekurudhore 34.7 km  që lidh Tiranën me Durrësin dhe ndërtimin e një linje hekurudhore 7.4 km nga Tiranë, aeroporti i Rinasit”

67 vjet pas ndërtimit të linjës së parë hekurudhore në Shqipëri, Durrës-Peqin vendi nuk ofron më shërbimin e transportit me tren. Asnjë vagon udhëtarësh nuk ka lëvizur prej katër ditësh. Mungesa e karburantit dhe borxhet e akumuluara të ndërrmarjes janë shkaqet kryesore të kësaj situate, siç pohojnë për abc neës drejtues të hekurudhës Nga  situata e krijuar është paralizuar jo  vetëm transporti i udhëtarëve por edhe ai i mallrave. Drejtori i Përgjithshëm i Hekurudhave shqiptare Genc Alizoti, pranoi paralizimin e transportit të udhëtarëve, por premtoi se do te kete nje zgjidhje të shpejtë.

Partia Demokratike denoncoi sot dhënien me konçesion për 25 vjet të hekurudhës Ballsh-Fier-Vlorë djalit të Valentina Leskajt me një vlerë tenderimi 200 mln dollarë. Ministria e Transporteve nuk sheh asgjë të paligjshme në këtë konçesion dhe ka sqaruar për shqiptarët pse këtë konçesion e fitoi djali i deputetes së Partisë Socialiste.

Sqarimi:

Një koncesion i ri është dhënë së fundmi nga qeveria shqiptare. Fjala është për hekurudhën Fier-Ballsh dhe Fier-Vlorë. Synimi i koncesionit është rehabilitimi, operimi dhe transferimi i linjave dhe është fituar nga “ALB-STAR” sh.p.k & “MATRIX KONSTRUKSION”. Vlera e tij është 2.4 miliardë lekë dhe sasia mesatare e transportuar e mallrave / mineraleve për vit kalendarik pritet të jetë 2.5 milionë tonë dhe numri i pasagjerëve 307 mijë në vit/Monitor 

Hekurudha është një formë transporti që ka pasur një ndikim të rëndësishëm në ekonominë e shumë vendeve të botës. Ndërkaq, për hekurudhën shqiptare mbetet shumë për të bërë, për ta kthyer atë në një mënyrë të transportit publik, që të jetë efikase dhe fitimprurëse. Sipas programit të qeverisë “Rama”, për hekurudhën parashikohet që ajo të marrë një karakter përdorimi rajonal. Në vitin 2013 Banka Botërore, në kuadrin e akordimit të huasë, i paraqiti qeverisë shqiptare disa rekomandime për zhvillimin e hekurudhës.

Shqipëria është përcaktuar që më parë të ndërtojë linjë hekurudhore me Maqedoninë sesa me Kosovën. “Koha Ditore” shkruan se në afat të shkurtër, lidhjen nëpërmjet binarëve me Prishtinën e ka jashtë planeve. Për pasojë, projekti për hekurudhën Kosovë - Shqipëri, i proklamuar prej vitesh, nuk do të zërë vend në diskutimet e Samitit të Vjenës, ku gjashtë kryeministrat e vendeve të Ballkanit Perëndimor do të diskutojnë më 27 gusht për infrastrukturën rrugore që lidh kryeqendrat e rajonit.