Vucic

Diçka serioze ka ndryshuar në Ballkan dhe Serbia duket se po regjistron veten në krahun e fituesit. Pas një dekade izolimi dhe akuze për projektimi dhe zbatim planesh të spastrimit etnik, Beogradi zyrtar gjendet sot në rolin e një protagonisti të paqes dhe stabilitetit. Madje duke u cilësuar nga aktorët ndërkombëtarë si vendi kyç për këtë gjë. Përveç aftësive manovruese të Serbisë, një rol ka këtu edhe ndryshimi i qëndrimeve të komunitetit ndërkombëtar.

Presidenti i Serbisë, Aleksandër Vuçiç, ka deklaruar se pa njohjen, apo normalizimin zyrtar të marrëdhënieve me Prishtinën, anëtarësimi i plotë i vendit në Bashkimin Europian, nuk do të jetë i mundur. 

“Ju duhet të normalizoni situatën, na thonë. Cilido qoftë interpretimi, kjo është se çfarë pret BE-ja”, tha Vuçiç gjatë një fjalë në Arandjelovac.

“Nuk është një njohje, askush nuk flet në atë mënyrë. Ata flasin mes rreshtave, por jo në atë mënyrë , por kjo është ajo çfarë mund t’ju them”, shtoi presidenti serb.

Beogradi zyrtar nuk e ka përtypur dot deklaratën e presidentit boshnjak, Bakir Izetbegoviç për Kosovën, dhënë gjatë një interviste për Deutsche Welle. Izebegoviç deklaroi se Bosnja do ta njohë Kosovën, por se këtë gjë e ndalon Republika Srpska. Më vonë Izetbegoviç e ndryshoi  qëndrimin duke u shprehur se ai “shpreson se Sarajeva do ta njohë Kosovën”.

Ambasadori i Shqipërisë në Beograd, Ilir Boçka, i ka dhënë së fundmi një intervistë revistës “Cord”. Intervista konsumon deri diku të gjithë pikëpyetjet që kanë të bëjnë me raportet mes Serbisë dhe Shqipërisë, nisur nga standardi i ri i vendosur me vizitën e Edi Ramës në Serbi, në vitin 2014. Boçka e cilëson këtë moment si pikë kthese, si një “moment politikë domethënës vendosmërie në kapërcimin e pengesave që ekzistojnë për një kohë të gjatë”.

SHBA duket se i kanë prerë drutë shkurt kësaj radhe me Beogradin zyrtar. Përmes zv.ndihmës sekretarit të Shtetit, Hoyt Brian Yee, Washingtoni ka përcjellë për presidentin serb mesazhin e qartë dhe të prerë se “Kosova nuk preket”. Hollësi të takimit janë rrëfyer nga Aleksancëer Vuçiç për Tv Pink, ku ai ka thënë se takimi nuk ka qenë i lehtë.

Rusia e Turqia kordinojnë lëvizjet për të forcuar lidhjet me Serbinë. Shefi i Kremlinit, Vladimir Putin raportohet se pati një bisedë telefonike me presidentin e Serbisë, Aleksandar Vuçiç, ku ka vlerësuar se Serbia nuk është në një situata të thjeshtë.

Presidenti serb Aleksandër Vuçiç ka deklaruar se qëndrimi aktual i Serbisë synon drejt zgjidhjes “njëherë e mirë” të raporteve serbo-shqiptare.

“Dua t’u them serbëve se ne jetojmë në një realitet, në një të shkuar mitike. Por ne nuk kemi humbur gjithçka. Realiteti qëndron larg këtyre dy pozicioneve. Është e rëndësishme që të zgjidhen çështjet serbo-shqiptare njëherë e mirë”, tha ai.

Presidenti serb, Aleksandër Vuçiç ka shpjeguar para serbëve arsyet pse këshilloi Listën Serbe t’i bashkohet qeverisë së Ramush Haradinajt. Në një konferencë për shtyp edhe pse e quajti Haradinajn kriminel ai la të kuptohet se për serbët ish-komandanti i UÇK-së është e keqja më e vogël në kushtet e një opozite si Vetvendosja që kërkon bashkim me Shqipërinë.

Presidenti serb Aleksandër Vuçiç ka deklaruar se e ardhmja e Serbisë varet deri diku edhe nga ecuria e dialogut të brendshëm për Kosovën. 
"Ne do të vazhdojmë me bisedat mes nesh, do të ketë diskutime me shoqërinë civile, autositetet qeveritare, kishat, parlamentin, komitetet parlamentare…Kudo ku mund të diskutojmë. Kjo është një çështje e të gjithëve ne, në një pjesë të mirë, e ardhmja jonë varet nga kjo”, tha ai raporton agjencia “B92”. 

Presidenti serb Aleksander Vuçiç ka hedhur poshtë si të paarsyeshëm aplikimin e modelit qipriot për Kosovën. Duke folur nga qyteti i Vladicin Han, Vuçiç tha se modeli qipriot do të thotë konflikt i ngrirë edhe për 100 vjet.

“Njerëzit tanë kanë qejf ta dëgjojnë modelin qipriot, atë izraelito – jordanez dhe të Shën Pjetrit. Pa përmendur modelin e dy Gjermanive...Qipro...dhe ne do të kemi këtë gjendje për 200 vjet të tjera. Problemi nuk do të zgjidhet sepse është një betejë për territor”.