ushtria

Votimi këtë të premte i tre projektligjeve në parlamentin e Kosovës i hapi rrugë transformimit të FSK-së në ushtri të mirëfilltë. Kjo ditë është cilësuar si historike si nga liderët e vendit, po ashtu edhe nga Shtetet e Bashkuara. Transformimi i tërësishëm në ushtri është një proces që mund të zgjasë deri në 10 vite.

ShBA mendon ndryshe nga NATO lidhur me krijimin e ushtrisë së Kosovës njoftuar për t’u formalizuar më 14 dhjetor. Ambasadori i ri amerikan në Kosovë, Philip Kosnett ka deklaruar për RTK se krijimi i ushtrisë është një hap pozitiv. 

Liderët e Kosovës kanë folur për mënyrën sesi Forcat e Armatosura të Kosovës do të marrin pjesë në misionet paqeruajtëse jashtë vendit. Kjo është e mirëpritur. Kosova ka arritur pikën kur në vend se të jetë vetëm konsumator i sigurisë ndërkombëtare, mund të kontribuojë në të

Presidenti serb Aleksandar Vuçiç urdhëroi forcat e armatosura të jenë në shkallën më të lartë të gatishmërisë. Ky vendim ishte një reagim ndaj okupimit nga forcat speciale të policisë së Kosovës së Liqenit të Ujmanit, i cili  deri më tani ishte nën kontrollin e serbëve.

Këtë të shtunë gjashtëdhjetë trupa të Njësisë së Reagimit të Shpejtë të Kosovës morën nën kontroll centralin dhe të gjitha pajisjet në liqenin artificial të Gazivodës.

Siguria kombëtare në plan të parë. Ky është synimi i riorganizimit të ushtrisë gjermane që njoftohet sot nga media vendase. Gazeta “Süddeutsche Zeitung” shkruan për një raport zyrtar sipas të cilit ministrja Ursula von der Leyen synon riorganizmin e ushtrisë, përqendrimin në sigurinë kombëtare pa hequr dorë nga angazhimet jashtë kufirit.

Zyra për shtyp e ambasadës së Izraelit në Tiranë ka përcjellë informacion mbi një takim të ambasadorit me ministren e Mbrojtjes, Olta Xhaçka. Njoftimi nuk jep shumë detaje, por thekson se përveç marrëdhënieve dypalëshe u diskutua për “projekte te perbashketa te mundshme ne fushen e mbrojtjes”. Edhe pse një njoftim me përmbajtje të rezervuar, takimi vjen pak ditë pas Konferencës së Vendeve Islamike që u mbajt në Turqi, ku Shqipëria u përfaqësua me nivel ambasadori dhe ku u vendos njohja e Jeruzalemit Lindor si kryeqytet i Palestinës.  

Vërshimet e ujit bllokuan autostradën Tiranë-Durrës dhe situata përgjatë rrugës ishte e rënduar në maksimum. Me dhjetëra drejtues mjetesh kishin mbetur të bllokuar. Disa prej tyre shprehin shqetësimet që kanë për kameran e TemA TV për mosndërhyrjen e ushtrisë. Ndërsa kryeministri Rama gjatë mbledhjes së Komitetit të Emergjencave tha se do t'i shkohet deri në fund përgjegjësive për bllokimin e autostradës dhe kanalit të kullimit.

Ish-ministri i Brendshëm, Dritan Demiraj, ka deklaruar në emisionin “Top-Story” se në muajin shtator të këtij viti, Ministria e Mbrojtjes ka graduar 160 majorë. Një shifër e lartë kjo që sipas Demirajt është bërë për të promovuar militantë partiakë.  

Demiraj ka akuzuar lidershipin e tanishëm të ushtrisë duke debatuar me ish-shefin e Shtabit të Përgjithshëm, Jeronim Bazo se edhe ikjet ushtria janë të larta. Vetëm këtë vit sipas tij, janë larguar 300 oficerë dhe nënoficerë për shkaqe ekonomike dhe sociale.

I ashtuquajturi dezertim i katër komandove shqiptare pas një stërvitjeje në Uells, ka kapur në befasi Ministrinë e Mbrojtjes, që thjesht sa ka depozituar një kallëzim penal. Pjesën publike, atë të raportit sqarues me opinionin, po e bën deri diku, ish-shefi i Shtabit të Ushtrisë, Jeronim Bazo. Për të lënë mënjanë akuzat politike ndaj tij dhe ish-ministres Kodheli për radarët e mbulimit detar, dosje që është në prokurori, po sjellim një pasazh nga një intervistë e Bazos, dhënë dje për News24.

Robert Mugabe, diktatori jetëgjatë i Zimbabves, është izoluar dhe po mbahet nën ruajtje nga disa segmente të ushtrisë që kanë marrë nën kontroll institucionet dhe de facto pushtetin. Në një dalje për mediat, gjenerali SB Moyo ka deklaruar se ky është nuk është një grusht shteti, apo marrje kontrolli, por se ushtria synon elementët kriminalë që rrethojnë presidentin Mugabe. Gjenerali siguroi qytetarët se presidenti dhe familja e tij janë të sigurt në shtëpinë e tyre duke nënvizuar se sapo të normalizohet situata e rënduar dhe social-ekonomike, çdo gjë do të kthehet si më parë.

Revista “Spiegel” publikonte disa ditë një shkrim mbi një raport të ushtrisë gjermane me të cilin ajo ishe njohur. Dokumenti 120 faqesh titullohet “Perspektiva Strategjike 2040” dhe përmes tij përpunohen gjashtë skenarë të mundshëm që mund të marrin jetë deri në këtë vit e që do të ndikojnë sigurinë e Gjermanisë. Me këtë rast kuptohet se skenarët priret të kenë ndikim në mbarë Europën.