ukraina

Një akademik i njohur britanik, Christopher Clark, i bërë i njohur me një punim të tijin mbi Luftën e Parë Botërore, ka tërhequr vëmendjen duke rekomanduar që të mos vihen analogji mes konfliktit kontinental të 1914-ës dhe luftës së tanishme në Ukrainë, analogji që po gjejnë vend në disa mjedise. 

Nuk ka analogji mes 1914-ës dhe situatës tani në Ukrainë. LIB nisi mënyrë pabesueshmërisht komplekse…Ndërsa në rastin e invazionit në Ukrainë është fare i qartë rasti i prishjes së paqes nga një fuqi vetëm

është shprehur ai. 

Komisioni Europian ka rekomanduar dhënien e statusit të vendit kandidat për në BE për Ukrainën dhe Moldavinë. Lajmin e ka bërë të ditur presidentja e Komisionit, Ursula von der Layen, sipas së cilës Gjeorgjia duhet ende të plotësojë disa kushte.

Ukraina ka treguar qartazi vendosmërinë dhe aspiratën për të jetuar në përputhje me vlerat dhe standardet e BE-së

tha von der Layen.

Ambasada ruse në SHBA ka deklaruar se çdo hamendësim për krijimin e një lloj Gjyqi të Nurembergut për ushtarët rusë është false dhe e papranueshme.

Ne mendojmë se çdo spekullim rreth organizimit të një “gjyqi të ri të Nurembergut” kundër ushtarëve rusë si gjoja përgjegjësi për krime në Ukrainë janë të papranueshme

shkruan ambadada.

Rusia ka nisur në mes të një operacioni ushtarak procesin e aneksimit të territoreve të Ukrainës. Agjencia e lajmeve “Tass” raporton se autoritetet e qytetit të Kherson, kanë ndërmend të shtrojnë çështjen e hyrjes së rajonit në fjalë në Federatën Ruse në një të ardhme të afërt, me synim shndërrimin e tij në një entitet territorial rus. 

Lajmi konfirmohet për agjencinë nga një përfaqësues i rajonit siç prezantohet ai, Kirill Stremousov, zv. Kryetar i Administratës Civilo-Ushtarake të Khersonit. 

Në aspektin, ushtarak, kriza e Ukrainës ka riafirmuar vlerën e dronit turk, “Bayraktar”, duke hapur kështu parantezën e një ere të re në aktorët që e përcaktojnë atë. Droni në fjalë nuk është një alternativë e lirë për forcat ukrainase, përkundrejt sistemeve të fuqive kryesore, ai po shndërrohet në kallashnikovin e ri, për nga masiviteti i përdorimit dhe vlera e tij luftarake.

Irani është një tjetër vend që ka propozuar bisedime mes Rusisë dhe Ukrainës. Agjencia ruse e lajmeve "Tass" citon ministrin e Jashtëm iranian Hossein Amir-Abdollahian i cili e ka shprehur këtë në Samitin e Davosit.

Abdollahain ia ka referuar këtë propozimin ministrit të Jashtëm rus, Lavrov, duke zbuluar kështu nismën iraniane që sugjeron një lëvizje të Teheranit në funksion të rehabilitimit të vet në arenën ndërkombëtare.

Në një intervistë me gazetën italiane” Corriere Della Sera” Papa Françesku tha se "Lehja e NATO-s ndaj Rusisë" solli që "Kremlini të reagojë keq dhe të nisë konfliktin". 

 Megjithatë, hedhja poshtë e komenteve befasuese të Papës mund të jetë një veprim dritëshkurtër për shkak se, sigurisht që disa veprime të SHBA dhe NATO-s shkaktuan në fakt "reagimin e keq" të Kremlinit.

Kryeministri i Greqisë ka afirmuar rreshtimin e Greqisë me Perëndimin në çështjen e Ukrainës. Gjatë punimeve të kongresit të 14-të të partisë që drejton, Kyriakos Mitsotakis ka evokuar vlerat e lirisë dhe demokracisë, si udhëheqëse në vendimet e saj. 

Nëse duam të kuptojmë arsyet që justifikojnë sjelljen e Gjermanisë, mjafton të aplikohet ajo këshilla e përhershme që u jepet gazetarëve: ndiqni paratë.