ukraina

Sekretari i Përgjithshëm i NATO-s, Jens Stoltenberg i bën thirrje Gjermanisë që të rrisë shpejt shpenzimet e saj për mbrojtjen. Për gjermanen “Der Spiegel”, ai thotë se pret që së shpejti të ketë një debat nëse do të furnizohet Ukraina me avionë luftarakë.

Bakhmut, qyteti në juglindje të Ukrainës, që për muaj të tërë u kthye në skenën e një beteje të ashpër, është tërësisht nën kontrollin e rusëve. Lajmin e dha fillimisht Ministria ruse e Mbrojtjes, e cila njoftoi se kjo u bë e mundur falë operacionit ofensiv të skuadrës Wagner, i mbështetur nga artilieria dhe forcat ajrore.

Pak minuta më vonë, edhe presidenti ukrainas konfirmoi humbjen e Bakhmutit, duke nënkuptuar se ajo që kanë në dorë rusët janë vetëm rrënojat e qytetit.

Gjuhëtari Noam Chomsky ka qenë shpesh kritik i zëshëm i politikës së jashtme. Për herë të parë, në vitin 1967, eseja e tij «Përgjegjësia e intelektualëve» botuar në New York Review of Books, akuzoi klasën intelektuale amerikane se po u jepte tone të buta veprimeve të qeverisë amerikane dhe mizorive të kryera në Vietnam.

Ministri i Jashtëm rus, Sergey Lavrov, ka lënë të kuptohet se lufta në Ukrainë nuk ka gjasa të mbyllet as këtë vit. Gjatë një konference për shtyp në New York, Lavrov ka deklaruar e në Perëndim po mbizotëron një logjikë skizofrenike. Sipas tij mbështetja masive për Ukrainën në kuadër të “një kundërofensive për të kërkuar mandej negociime me Rusinë” është tërësisht e pambështur.

Ne nuk duam asnjë kërcënim nga territori i Ukrainës dhe këto kërcënime ishin akumuluar aty prej vitesh, sidomos pas grushtit të shtetit në shkurt të vitit 2014

Sekretari i Përgjithshëm i NATO-s, Jens Stoltenberg ka vizituar për herë të parë Ukrainën që nga nisja e sulmit ushtarak rus dhe që nga Kievi ka folur për anëtarësimin e saj në Aleancë.

Vendi i drejtë i Ukrainës është në NATO dhe me kalimin e kohës mbështetja jonë do t’ju ndihmojë që kjo të bëhet e mundshme

i është shprehur ai presidentit ukrainas, Volodymyr Zelenskiy.

Ministri i Jashtëm i Britanisë së Madhe, James Cleverly ka bërë thirrje që anëtarët e NATO-s të shmangin në këtë moment diskutimin apo konsiderimin e kërkesës së Ukrainës për t’u anëtarësuar në aleancë. Në një intervistë për “Politico”, Cleverly ka vënë në dukje se anëtarësimi është një derë e hapur në planin aftagjatë, por ky nuk është momenti për të konkretizuar gjërat.

Prioriteti tani është vetëmbrojtja. Mendoja se radha e gjërave ka rëndësi – dhe sot puna konsiston në ndihmën e Ukrainës për të mbrojtur veten

Komisioni Evropian pret të gjenerojë fitime prej rreth 2.6 për qind nga investimi i aktiveve që i përkasin bankës qendrore të Rusisë, të ngrira si pasojë e sanksioneve të BE-së. Shifra del në një dokument, të cilin e ka siguruar POLITICO.

Rusia ka shfrytëzuar rastin e njoftimit se Britania e Madhe do të furnizojë me municion me uranium të varfëruar Ukrainën për të tematizuar me forcë mundësinë e përshkallëzimit të konfliktit aktual drejt një lufte bërthamore. Presidenti Vladimir Putin e hodhi në tryezë opinionin e tij gjatë konferencës për shtyp me homologun kinez, Xi Jinping, pasi mori njoftimin duke u përpjekur të kontekstualizojë konfliktin me Perëndimin si një çështje që tashmë adresohet si shqetësim i partneritetit të ri strategjik me Kinën.

Polonia do të furnizojë Ukrainën me avionë Mig-29 nga flota e vet ajrore për të fuqizuar kapacitetet mbrojtëse të këtij vendi përkundër Rusisë.

Mund të ndodhë në katër apo gjashtë javët e ardhshme

është shprehur kryeministri polak, Mateusz Morawiecki në një konferencë për shtyp.

Rusia vazhdon të furnizojë Europën me gaz përmes territorit ukrainas. Gazprom, kompania e njohur ruse ka njoftuar se po vijon furnizimin përmes stacionit të pompimit në Sudzha në volumin e 39.3 milionë metrave kub në ditë. Pala ukrainase ndërkohë ka refuzuar kërkesën për të hapur një rrugë kalimi edhe nga stacioni i Sokhanovkas.

Rruga ukrainase mbetet e vetmja për gazin rus në Europë pasi Nord Stream është bllokuar tërësisht, kurse rrugët e jugut, si Turkish Stream apo Blue Stream janë dedikuar për vendevt e Europës Jugore.