turqi

Në Turqi kanë nisur diskutimet për ndryshimet e reja kushtetuese që pritet të sjellin pasoja të rëndësishme për vendin. Gazeta e njohur turke “Hurriyet” publikon sot një opinion të Mehmet Y. Yilmaz që I kushton vëmendje edhe faktit se ndryshimet po trajtohen në një mosnjohje të madhe.

“36% e qytetarëve që do të votojnë në një referendum të mundshëm nuk kanë asnjë informacion për ndrhyshimin e kushtetutës. 28% kanë shumë pak njohuri dhe 14% kanë pak njohuri”, shkruan autori.

Xhihadistët e Shtetit Islamik kanë marrë përsipër përgjegjësinë e sulmit vdekjeprurës në klubin Reina të Stambollit, ku mbetën të vrarë  39 persona dhe u plagosën 64 të tjerë. Shteti Islamik e quan autorin e masakrës si një ushtar të kalifatit. Autoritetet kanë arritur në përfundimin se autori është një i ri  rreth 25 vjecc, ndërsa fakti që nuk fliste mirë turqisht hedh dyshime se origjina e tij mund të jetë Kyrgyzstani ose Uzbekistan. Më herët kurdët e PKK e kishin bërë të qartë se nuk kishin asnjë lidhje me sulmin.

Një një vizitë të programuar që përkoi me disa ngjarje me sfond terrorist në Turqi, presidenti shqiptar Bujar Nishani shprehu mbështetjen për pushtetin në Ankara, duke dënuar si sulmet terroristëve të ditëve të fundit, por edhe grushtin e shtetit të muajit korrik.

Ambasadori i Rusisë në Turqi, Andrei Karlov u sulmua me armë nga një oficer i policisë turke, teksa ndodhej në një ekspozitë arti në Ankara. Sipas CNN Turk, diplomati rus ndërroi jetë pak momente pasi u qëllua. Karlovy u sulmua  teksa ishte duke mbajtur fjalimin në këtë ekspozitë në kryeqytetin turk. Sulmi vjen një ditë para se ministri i Jashtëm turk të shkojë në Moskë për bisedime homologun rus dhe iranian mbi situatën në Siri. 

Seb-i Arus – Nata e Bashkimit është një ceremoni e dervishëve mevlevi që kujtojnë vdekjen e Rumit – Mevlana Jalaluddin al – Rumi, poeti dhe mistiku i madh pers. Ai ishte edhe një teolog dhe jurist i kohës së vet, por sot, 743 vjet nga vdekja bota e njeh më së shumti si poet.

Shqipja ka qenë me fat që ka në pronësi të vet disa përkthime brilante të poezisë së Rumiut nga Vexhi Buharaja, Sejfulla Malëshova, apo Dhori Qirjazi.
Fotot janë nga ceremonia e këtij viti në Stamboll në Gallata aty ku dervishët fluturues japin spektaklin e tyre të famshëm.

Një autobus me ushtarë është hedhur në erë mëngjesin e sotëm në Anadoll. Nga shpërthimi raportohet se ka 13 të vrarë dhe 55  të plagosur. Autobusi mësohet se ishte parkuar jashtë një Universiteti, në pritje për të transportuar disa ushtarakë të veshur civilë që kishin marrë lejen e fundjavës.

Shpërthimi ndodhi kur një makinë autobombë e parkuar afë autobusit u hodh në erë. Ky akt vjen vetëm pak ditë pas shpërthimit të dyfishtë  në Stamboll ku mbetën të vrarë dhjetra persona. Përgjegjësinë për këtë sulm e mori një degë e Partisë Punëtore të Kurdistanit.

Askush nuk di të thotë se cili është qëllimi i vërtetë i vizitës së ministrit të Jashtëm, Ditmir Bushati në Turqi. Sipas njoftimeve zyrtare shohim një zyrtar të shtetit shqiptar që takon homologun e tij, Cavushoglu dhe më tej, presidentin e vendit, Reccep Tayyip Erdogan. Ministria e Jashtme e Shqipërisë njofton ndër të tjera se në takimin me Erdogan “ministri Bushati shprehu solidaritetin dhe mbështetjen e plotë me popullin dhe qeverinë turke për angazhimin në vendosjen e rendit kushtetues në vend”.

Qeveritë e Shqipërisë dhe Turqisë mund të zhvillojnë një mbledhje të përbashkët në kuadër të partneritetit strategjik që promovohet si nga Tirana ashtu edhe nga Ankaraja. Lajmi vjen pas vizitës në Turqi të ministrit të Jashtëm, Ditmir Bushati dhe takimeve me homologun Mevlüt Çavuşoğlu, kryeministrin Yildirim dhe kryetarin e Kuvendit Kahraman. Top Channel raporton se në këto takime është rënë dakord për nënshkrimin sa më të shpejtë të marrëveshjes së partneritetit strategjik si dhe mbajtjen e një mbledhje të përbashkët mes dy qeverive.

Shkollat turke do të kenë që nga viti i ardhshëm gjuhën shqipe dhe atë boshnjake si lëndë me zgjedhj. Lajmi raportohet nga Agjencia Telegrafike Shqiptare e cila referon “Anadolu Agency” duke shtuar se “programi dhe materialet e lëndës të gjuhës shqipe dhe boshnjake që do të vendosen në programin mësimor do të përgatiten nga Universiteti Trakya”.

Vala e spastrimeve pas grushtit të shtetit në Turqi, nuk ka të ndalur. BBC-ja raporton se së fundmi janë pushuar 13 mijë policë vetëm për diçka më shumë sesa dy muaj që nga korriku. Mes policëve janë edhe 2500 oficerë ndërkohë që autoritetet njoftojnë se gjendja e jashtëzakonshme e vendosur në korrik përfundon më 19 tetor.