turqi

Kryeministri i Turqisë, Ahmet Davutoglu ka dhënë dorëheqjen. Mediat njoftojnë për një mbledhje të tensionuar dje mes tij dhe Presidentit Erdogan dje, e cila u cilësua si “përcaktuese për të ardhmen e kryeministrit turk”. Sot Davutoglu mbajti një konferencë për shtyp në të cilën vlerësoi se “ndryshimi në lidershipin e partisë dhe qeverisë do të jetë një gjë e mirë”. Në bazë të statutit të partisë AKP, ai mban edhe detyrën e kryetarit të saj të cilën do ta lërë formalisht pas zhvillimit të Konventës në datën 22 maj.

Zgjedhja që bëri Angela Merkel në rastin kur Presidenti arrogant i Turqisë, Rexhep Tajip Erdogan i kërkoi Gjermanisë që të niste hetimet ndaj një komediani, ishte një variant i dilemës së bërë nga një pengmarrës: Ti plotësosh kërkesën zgjedh problemin imediat, por vendos dhe një precedent të rrezikshëm. Kancelarja Merkel duhet të vendoste mes përmbushjes së kërkesës së guximshme të z. Erdogan ose me shumë mundësi të humbiste marrëveshjen me Turqinë, e cila premtoi disa lehtësira për krizën e refugjatëve.

Ka filluar mëngjesin e të hënës deportimi i emigrantëve të paligjshëm nga brigjet greke për në ato turke. Operacioni është pjesë e marrëveshjes BE-Turqi, e arritur në mesin e muajit mars dhe përfshin emigrantë të paligjshëm, të cilët nuk përmbushin kushtet për marrjen e azilit në vendet europiane.

Udhëheqësit e Bashkimit Europian kanë rënë dakord për një qëndrim të përbashkët për trajtimin nga Turqia të emigrantëve. Marrëveshja e propozuar parashikon që të gjithë emigrantët që zbarkojnë në ishujt e Greqisë të kthen pas në Turqi. Në këmbim të bashkëpunimit, Turqia do të marrë një ndihmë të madhe financiare, dhe udhëtimin pa viza për qytetarët e saj në zonën Shengen. Kancelarja gjermane Angela Merkel tha se Turqia ka për të përmbushur standardet ndërkombëtare të mbrojtjes për të gjithë emigrantët.

Një bombë me telekomandë vuri  në shenjestër-mengjesin e së enjtes disa makinë të ushtrisë turke në provincën juglindore të Dijarbakërit, në Turqi. Të paktë shtatë ushtarë humbën jetën. Ngjarja vjen një ditë pas sulmit me autobombë në Ankara ku humbën jetën 28 persona dhe u plagosën mbi 60 të tjerë, jo shumë larg ndërtesave të ministrive, parlamentit dhe shtabit të përgjithshëm të ushtrisë. Atentatori i sulmit kamikaz quhet Saleh Nexhar (Saleh Nejar) dhe është anëtar i  milicisë kurdo-siriane YPG, që kishte hyrë në Turqi, me valën e emigrantëve.

Një shpërthim i madh ka ndodhur në kryeqytetin turk, Ankara, si pasojë e të cilit kanë humbur jetën të paktë 5 persona dhe janë plagosur 10 të tjerë. Shpërthimi i shoqëruar nga një shtëllungë tymi ka ndodhur në “Eskişehir Avenue”  dhe mendohet se kishte për shënjestër personelin ushatrak që ndodhej në disa autobuzë. Shpërthimi ka ndodhur ndërkohë që mjetet po mbërrinin afër një godine ushtarake ne qytet.

Arkeologët turq kanë zbuluar një kishë shumë të hershme, që daton që në shekullin V . Ajo u zbulua në rajonin e Anadollit Qendror, në një zonë të quajtur Nevsehir. “Afresket paraqesin ngritjen e Jezu Krishtit në qiell dhe vrasjen e shpirtrave të këqinj”, citohet nga mediat kryetari i Bashkisë së Nevsehir. Po kështu disa afreske paraqesin edhe apostujt si dhe shenjtorë nga Testamenti i Vjetër.

http://en.protothema.gr/an-early-christian-church-discovered-in-turkey/

Në muajin prill të vitit të kaluar, opozita akuzoi Kryeministrin Rama se kishte zhvilluar negociata të fshehta për dhënien me koncesion të hidrocentralit të Skavicës.
Në atë kohë Rama ndodhej për një vizitë në Turqi dhe PD-ja aludoi se ai ishte takuar me përfaqësues të kompanisë turke “Suzer & Nurol Group”.
Hidrocentrali i Skavicës është një ndër pikat kyçe të sistemit energjetik shqiptar. I gjendur mbi HEC-in e Fierzës, në majën e kaskadës së Drinit, Skavica është parashikuar të jetë rregullatori i gjithë kaskadës.

Autoritetet turke kanë gjetur trupat e 21 imigrantëve, përfshirë tre fëmijë, në zona të ndryshme të Egjeut. 11 trupa u gjetën në brigjet e Ayvalik, kurse dhjetë të tjerë në rajonin e Dikili. Lajmi bëhet i ditur nga autoritetet turke për agjencinë “Reuters” , ndërkohë që gazeta turke “Hyrriet” ka publikuar pamjet tragjike. 

Mjalti me ngjyrë të kuqe, i cili u gjet nga bletari, Sahin Eser në një nga 45 kosheret, ka befasuar jo vetëm atë, por edhe qytetarët e tjerë në Osmaniye në Turqinë jugore.