rusia

Dy oficerë të Inteligjencës Ushtarake ruse, e  njohur edhe si GRU akuzon Britania për helmimin me noviçok të ish-agjentit Sergei Skripal dhe vajzës së tij, Julia. Kryeministrja Tereza i tha parlamentit se misioni i tyre ishte miratuar në nivelet e larta të udhëheqjes së Kremlinit.

Rusia pretendon se ka vrarë apo nxjerrë jashtë luftimit në Siri 86 mijë militantë të Shtetit Islamik  apo Al Nusras sindhe 830 drejtues bandash. Lajmi përcillet nga Ministria ruse e Mbrojtjes e cila sqaron se mes militantëve të vrarë përfshihen edhe 4 500 imigrantë nga Federata Ruse  dhe nga Bashkimi i Vendeve të Pavarura.

Ministrja e Jashtme e Austrisë, Karin Kneissl është martuar. Në moshën 53 vjeçare ajo ka vendosur të lidhë kurorë me multimilionerin Wolfgang Meilinger. Dasma e pazakonshme është përcjellë edhe nga mediat, për shkak të pjesëmarrjes së politikanëve. Kancelari Sebastian Kurz dhe presidenti rus Vladimir Putin ishin dy nga të ftuarit e rëndësishëm, duke konfirmuar kështu përpjekjen e Rusisë për të rihyrë në Europë nga dera e saj historikisht e preferuar: Austria. Putin madje ka bërë edhe xhentëllmenin duke kërcyer me nusen që është shfaqur e lumtur edhe në krahët e bashkëshortit.

NATO pritet të zhvillojë në muajin tetor stërvitjen më të madhe që nga fundi i Luftës së Ftohtë. Lajmi raportohet nga agjencia gjermane  e lajmeve, Deutsche Welle, sipas të cilës në stërvitjen që nis më 25 tetor do të marrin pjesë 40 mijë trupa të Aleancës përfshirë edhe nga vendet partnere si Suedi dhe Norvegjia.

Vendi i zhvillimit të stërvitjes është Norvegjia, ajo do të drejtohet nga një brigadë gjermane, ndërkohë që lajm më vete përbën edhe fakti se Gjermania do të angazhojë në të 8 mijë trupa. Agjencia thekson disa elementë që i japin kontekstin stërvitjes.

Athina zyrtare ka përsëritur qëndrimin e saj për të ratifikuar marrëveshjen e Prespës për emrin e Maqedonisë, duke refuzuar çdo presion të Rusisë. Mesazhi është përcjellë për Bloomberg nga Costas Douzinas, kryetar i Komitetit Parlamentar për Marrëdhëniet me Jashtë, i cili ka paralajmëruar edhe Kremilinin. 

Nëse rusët do të përpiqen ta pengojnë, reagimi do të jetë i fortë

citohet Douzinas në një artikull në median në fjalë. 

Ecuria e dialogut Prishtinë-Beograd që mund të çojë në një marrëveshje dypalëshe, ka krijuar premisat e duhuara për abrogimin e Rezolutës 1244 të Këshillit të Sigurimit të Organizatës së Kombeve të Bashkuara, që u miratua në vitin 1999. Florian Bieber i universitetit të Graz në Austri mendon se çdo formë marrëveshjeje do të duhet të merret me njohjen ndërkombëtare të Kosovës  çka e bën atë jetike për të dyja vendet.

Përpjekje të Rusisë për të sabotuar referendumin për emrin në Maqedoni ka denoncuar kryeministri Zoran Zaev, duke folur për përfshirje të biznesmenëve të fuqishëm grekë në nxitje trazirash, por pa përmendur emra.

Zaev tha në një intervistë për Buzzfeed se qeveria e tij ka marrë shumë ankesa se "biznesmenët grekë me lidhje të ngushta me  Rusinë  kanë paguar nga 13 000 deri në 21000 dollarë për të nxitur "incidentet të dhunshme "para referendumit.

Sekretari amerikan i Mbrojtjes, James Mattis ka deklaruar se roli i Rusisë në rajonin e Europës Juglindore ka një element destabilizues.

Ata kanë zgjedhur të minojnë strukturën demokratike të kombeve që janë të rinj në proceset e veta demokratike duke shpërndarë informacione false, duke marrë masa ekonomike dhe duke u përzierë në punët e tyre

Situata e krijuar me marrëveshjen e emrit për Maqedoninë e kthen këtë të fundit në një pikë kritike tensioni në Ballkan, që do të testohet në muajt në vijim. Lajmi se Rusia do të kërkojë bllokimin e marrëveshjes në OKB, konkretisht në Këshillin e Sigurimit, provon se Kremlini po refuzon të dalë jashtë loje në një zonë ku duket se nuk po prek dot suksesin prej kohësh.

Moska nuk do të mjaftohet me dëbimin e diplomatëve grekë nga Rusia si kundërpërgjigje ndaj vendimit të Athinës, por ka paralajmëruar se do të bllokojë në Këshillin e Sigurimit marrëveshjen për emrin e Maqedonisë.

Mediat greke zbulojnë se ka patur një telefonatë të tensionuar mes ministrit të jashtëm rus Sergei Lavrov dhe shefit të diplomacisë greke, Nikos Kotzias.  Ky i fundit i ka treguar homologut rus vijat e kuqe që Athina nuk lejon të tejkalohen, duke folur për vende të treta që janë angazhuar në sabotimin e marrëveshjes për çështjen e emrit.