rinas

Ish-zëvendës Komandant i Forcave Detare, Artur Meçollari, thotë se dy prona të tjera të ushtrisë pritet t’i jepen privatit. Në studion e MCN, ai dha detaje për dy raste që nuk janë bërë ende publike, por që përbëjnë shkelje flagrante të ligjit. Meçollari tha se ka dijeni se deri më 28 janar, nga Rinasi duhet të lëvizë si komanda e Forcës Ajrore, edhe Policia Ushtarake.

Gjithë këto lëvizje bëhen vetëm për ta çliruar këtë pronë. Bëhet fjalë për komandën e Forcës Ajrore ku gjendet jo vetëm komanda, por edhe qendra e komandimit të NATO-s.

Në datën 5 gusht kryemimistri inauguroi skanerat e rinj dixhitalë në Rinas që sipas tij kontrollojnë automatikisht pasaportat. Fotoja këtu është nga njoftimi. 

Në fakt skanerat janë për biletat dhe nuk është se ulin kohën e kontrollit edhe aq në një aeroport që edhe më parë shërbimin nuk e kishte keq. Por sërish shumë mirë. 

Fluks qytetarësh në qendrën ku bëhen tamponë për Covid 19, e cila ndodhet brenda aeroportit “Nënë Tereza”. Mosnjohja e vaksinës nga shtete të tjera ka bërë që të krijohet kjo dyndje dhe radhë. Kryesisht qyetarët që paraqiten për të bërë tamponin, udhëtojnë për në Itali.

Nëse ke kryer të dyja dozat e vaksinës, dhe do të udhëtosh jashtë vendit, duhet të sigurohesh nëse të nevojitet tampon. Të shumtë janë qytetarët që janë paraqitur vetëm me certifikatën e vaksinimit, por janë detyruar të kryejnë edhe tamponin pranë një laboratori privat.

Deri sot veshët e qytetarëve shqiptarë kishin dëgjuar fjalën koncesion të përsëritej papushim thuajse për çdo shërbim publik. Por koncesion brenda koncesionit është ndoshta hera e parë.

Është fjala për shërbimin e transportit të brendshëm në aeroportin e Rinasit që çon pasagjerët nga avioni në terminal dhe anasjelltas. Deri më sot siç e dimë, ky shërbim është falas dhe mendohet se përfshihet në kontratën e menaxhimit të aeroportit, por tashmë kjo do t’u faturohet klientëve dhe pasagjerëve që hyjnë apo dalin në Shqipëri përmes Rinasit.

U desh një grabitje e përsëritur në Rinas që qeveria shqiptare të vërë në lëvizje një procedurë juridike që synon me gjasë zgjidhjen e kontratës koncesionare për aeroportin “Nënë Tereza”. Ose më saktë rishikimin e termave të kontratës. Përmes një vendimi Këshilli i Ministrave ka autrorizuar Avokaturën e Shtetit të kontraktojë kompani të huaja për të bërë mbikëqyrje juridike të kontratës.

Në Rinas u krye një grabitje spektakolare. U vodhën miliona euro. Personat ishin të armatosur. Qeveria përmes ministrit të Brendshëm deklaroi se nuk është cenuar siguria kombëtare. E megjithatë ajo urdhëroi  - aktet përkatëse nuk janë bërë ende publike – vendosjen e ushtrisë në aeroportin ndërkombëtar, duke vlerësuar kështu rëndësinë e objektit.

Sa herë i duhet të justifikojë diçka për ta interpretuar se nuk është ajo që duket, kryeministrit i kthehen në bumerang teorizimet që bën lartë e poshtë. Të gjithë e dëgjuam sesi u shfaq si turist televiziv në Porta a Porta duke thënë se protestat e opozitës  shtrihen në një perimetër  jo shumë se kilometër në qendër të Tiranës, me pasoja mbi imazhin e vendit në prag të sezonit turistik.

Ja çfarë ka deklaruar Rama për t’u mbushur mendjen gazetarëve italianë se protesta e opozitës është një anormalitet i imponuar në 1 km katror.

Ministri i Brendshëm Sandër Lleshaj doli sot e ia hodhi fajin koncesionarit për grabitjen në Rinas. Duke harruar se në fakt çdo sistem sado i sofistikuar thyhet.

Konçesionari deklaroi se Policia e Shtetit duhet të ruajë çdo metër të këtij vendi.

Në Rinas përsëritet i njëjti skenar i tre viteve më parë kur persona të maskuar hynë me armë brenda rrethimit të aeroportit dhe grabitën valutën e një banke të niveli të dytë që shoqërohej nga kompania e ruajtjes fizike “Nazeri 2000”.

Autorët kanë qenë me një furgon që u gjet i djegur në Tapizë të Fushë Krujës, ndërsa nga përplasja me policinë ka mbetur i vdekur një prej grabitësve.

Biletat nga aeroporti “Nënë Tereza” do të jenë edhe më të shtrenjta. Shkak për këtë është rritja e taksës së terminalit nga agjencia e kontrollit të ajrit Albcontrol për çdo avion që ulet në pistë.Njoftimin që në fakt duhet ta bënte qeveria, e ka bërë Eurocontrol, institucioni që menaxhon rrjetin ajror në Europë. Duke iu referuar këtij dokumenti Tv Klan raporton se nga 158.7 euro për fluturim që ishte më parë, kjo tarifë ka shkuar në 202 euro.