Prokuroria

Një nen që parashikon dënimin e gazetarëve nëse me komentet apo raportimin e tyre ndikojnë në pavarësinë e prokurorëve i formuluar në ligj si "influencë e papërshtatshme" rezulton të jetë i përfshirë edhe në Ligjin për Prokurorinë e Zakonshme. Debati nisi pasi u zbulua se ky nen ishte pjesë e projekligjit për Prokurorinë Speciale SPAK, por nënkryetari i Komisionit të Reformës në Drejtësi zbuloi sot se ky formulim pasqyrohet edhe në ligjin e Prokurorisë së Zakonshme.

Gjykata e Apelit të Vlorës ka urdhëruar lirimin nga burgu të biznesmenit Fatmir Kuci, i dyshuar si personi që me skafin e tij dëmtoi për vdekje turistin rus, Denis Kiamov në plazhin e Himarës. Ndryshimi i masës erdhi pasi Prokuroria e Policia nuk arritën të provojnë se ai është autori i dëmtimit me skaf të turistit rus.

Prokuroria ka vendosur pushimin e hetimeve për ministrin e Energjisë, Damian Gjiknuri dhe Avokates së Shtetit, Alma Hiçka. Burime të konfirmuara i thanë gazetës “Panorama” se Kontrolli i Lartë i Shtetit është njoftuar për vendimin e prokurorit të çështjes dhe po bën përgatitjen e ankimit kundër këtij vendimi në Gjykatën e Lartë. Gjiknuri dhe Hiçka u paditën në Prokurori nga Kontrolli i Lartë i Shtetit me akuzën se me negociatat për zgjidhjen me mirëkuptim të mosmarraveshjeve me kompaninë çeke, CEZ i shkaktuan shtetit shqiptar një dëm prej 479 milionë eurosh.

Reforma në drejtësi i heq shumë kompetenca thelbësore për hetimin, Prokurorisë së Përgjithshme. Me ndryshimet që pritet të materializohen në ligjet përkatëse, Byroja Kombëtare e Hetimit dhe Struktura e Posaçme Antikorrupsion, fitojnë të drejta esenciale në përgjimin dhe vëzhgimin e subjekteve që dyshohen për veprat e korrupsionit.

Disa media kanë publikuar sot një raport, i ashtuquajtur sekret, i hartuar nga Kontrolli i Lartë i Shtetit, sipas të cilit në Bankën e Shqipërisë, janë vjedhur në fakt 21 milionë euro nga 713 milionë lekë që u deklaruan. Sipas këtij raporti, me burim nga “shqiptarja.com” e Carlo Bollinos, në skemën vjedhjes janë përfshirë banka të nivelit të dytë, punonjës të thesarit, çka e bën përgjegjësinë e ish-Guvernatorit automaitike. Vjedhja është realizuar përmes deklarimit të rremë të parave që nxirren nga qarkullim dhe rimbursimit të bankave të nivelit të dytë në këmbim të “asgjësimit” fiktiv.

Prokuroria kërkoi sot 3 vjet burg për ish-ministrin e Mirëqenies Sociale, Spiro Ksera. Ai akuzohet nga prokuroria për vjedhjen e 300 milionë lekëve të vjetra në aktivitete të zhvilluara për romët dhe shtresat në nevojë. Nëse gjykata do të pranojë kërkesën e Prokurorisë, ish-ministri do të vuajë vetëm 2 vite burg për shkak të gjykimit të shkurtuar dhe uljes së 1/3-es së dënimit. Për tre vartësit e tij Elda Kozaj, Artevis Nene dhe Elisabeta Dodbida u kërkua 1 vit e gjashtë muaj burg, dënim i cili ulet në 1 vit për shkak të gjykimit të shkurtuar.

Dita e sotme ka qenë e ngarkuar me zhvillime politike që përqendrohen te deklaratat e kreut të LSI-së, Ilir Meta. Koalicionit qeverisës i mungon tanimë baza mbështetëse, mungon vullneti i një pale konstituive të tij, që ka ndasi thelbësore, pse jo interesa të kundërta me palën tjetër, konkretisht PS-në.

Por ndërkohë që brenda mazhorancës priteshin lëvizje të tilla, Partia Demokratike mbajti në axhendë dy çështje që lidhen me të njëjtin person: ministrin e Brendshëm, Sajmir Tahiri.

Prokuroria e Përgjithshme ka njoftuar sot përmes një konference për shtyp se në përfundim të një hetimi, gjyqtarja e Gjykatës së Lartë, Majlinda Andrea, dyshohet për përfshirje në një skemë korruptive. Prokuroria sqaroi se ka lëshuar një urdhër pezullimi për gjyqtaren dhe urdhër arresti bashkëshortin e saj, Odisea Andrea, për shkak se dyshohet se kanë marrë 50 mijë euro për një vendim gjyqësor.

Supriza e kësaj çështjeje: Gjyqtarja është larguar nga Shqipëria bashkë me bashkëshortin.

“News24” raporton për një situatë të sikleteshme për ministrin e Brendshëm Saimir Tahiri, pas daljes nga prokuroria. Sipas këtij televizioni, një gazetare e Televizionit Shqiptar ka pyetur dhe folur me ministrin për një urdhër arresti ndaj tij. Në fakt kjo ka kohë që flitet, por më poshtë po sjellim atë që ka ndodhur sipas News24:

Ministri i Brendshëm, Sajmir Tahiri do të pyetet të premten në Prokurori lidhur me akuzat që ka bërë pak javë më parë ndaj gjyqtarit Arjan Aliaj. Burime nga organi i akuzës bëjnë ditur për panorama.al se gjatë paradites së nesërme, ministri do të japë shpjegime lidhur me akuzat e ngritura në media.