projekti

Projekti i stadiumit të ri kombëtar është prezantuar sot nga presidenti i FSHF-së, Armando Duka dhe kryeministri Edi Rama. Kryeministri e ka konsideruar stadiumin, të ngjashëm me atë të Juventusit.
Sipas Ramës, “Arena Kombëtare” do të jetë një nga stadiumet më të bukura në Europë dhe në të mund të luhen edhe ndeshje të ekipeve të huaja, ose finale si ajo e Superkupës europiane. Ndërsa kreu i Federatës zbuloi edhe slloganin e kombëtares për fazën finale të Europianit, ku autobusi do të mbajë thënien, "Ti Shqipëri më jep nder".

Rindërtimi i Sheshit Skëndërbej do t’i kushtojë Bashkisë së Tiranës 6 deri në 7 milionë euro. Të paktën kaq para ka kërkuar bashkia nga Fondi i Zhvillimit të Rajoneve, që është nën administrimin e qeverisë. Kosotoja paraprake është vlerësuar nga specialistë të Bashkisë dhe sipas drejtorit të Urbanistikës Joni Baboçi, shuma finale do të saktësohet nga projekti i zbatimit. Gjithsesi kostoja përfundimtare mund t’i tejkalojë parashikimet.

Në kuadër të programit “Trashëgimia – Motor Zhvillimi” do të zhvillohet edhe projekti “Rrugëtimi i Besimit”, itinerari i kishave të bregut. Sipas Ministrisë së Kulturës, janë gati projektet e restaurimit për 9 kishat më të rëndësishme të bregut në:
1. Dhërmi – Shën Stefanit, Kisha Ipapandisë, Shën Mëria e Panajisë. 2. Vuno – Kisha e Sotirës, Kisha Shën Nikollës, Kisha Shën Mëhillit, Kishës së Shën Mërisë Mesodhi; 3. Sarandë – Kisha e Mesopotamit dhe
4. Orikum – Kisha e Marmiroit.

Çfarë po ndodh te Parku i Liqenit në Tiranë? Kjo pyetje deri më tani ka vetëm një përgjigje të besueshme dhe atë po e japin protestuesit: te Parku i Liqenti Artificial të Tiranës po hidhet beton, po cenohen hapësirat e gjelbra, edhe kështu të reduktuara në kulm, për të sajuar një mjedis argëtues për fëmijët. Një mjedis që po sheh betoniere, makina të mëdha etj, aty ku të gjithë qytetarët e Tiranës kishin strehuar jo vetëm shpresën se Liqeni do të mbetej të paktën i paprekur, por edhe shpresën se te kjo klasë politike ka mbetur një fije arsyeje, vizioni, apo të paktën logjike.

Është zhvilluar në Baku të Azerbajxhanit Këshilli i dytë Konsultativ për Korridorin Jugor të Gazit, në të cilin kanë marrë pjesë një sërë përfaqësuesish politikë nga Ballkani, Italia, ShBA dhe Banka për Rindërtim. Këshilli ka rëndësi edhe për ecurinë e një projekti që i intereson Shqipërisë, siç është gazsjellësi Transadriatik, apo edhe një degëzimi të tij si gazsjellësi adriatiko-jonian.

Ndërkohë që në SHBA, kompania Apple po zhvillon një betejë ligjore me FBI-në për të shmangur dekodimin e një aparati që qëllime hetimore, një lajm tjetër që vjen nga jashtë, e përforcon më shumë pasigurinë që ka krijuar komunikimi elektronik. Brazili ka ndërmend të vendosë në punë një kabëll nënujor për komunikime elektrornik me Europën, i cili shmang SHBA-të. Kabëlli do të kushtojë 250 milionë dollarë dhe do të financohet nga komercializimi i tij, pra nga përdorimi i të interesuarve.

Rruga e Arbrit, siç u shpreh pak ditë më parë ministri i Transportit dhe Infrastrukturës, Edmond Haxhinasto, i thirrur në apel nga një deputet i opozitës, përfaqëson një aset kombëtar. Infrastruktura në tërësi është një pasuri kombëtare, e cila duhet medoemos të qëndrojë e zhveshur nga ngjyrimet partiake, të cilat vetëm sa shtrembërojnë projektimet e reja, aq shumë të nevojshme për përmirësimin e vazhdueshëm infrastrukturor të vendit. Këto investime të mirëstudiuara, mbartin përfitime jo vetëm për lokalitetet që janë përfituese direkte, por kanë impakt edhe në ekonominë në shkallë vendi.

Pas protestave të sotme te Parku i Liqenit, kryeministri Edi Rama, ka postuar një video ku shfaqet sipas tij projekti që do të realizohet. Mirëpo kohët e fundit ka patur spekullime dhe shqetësime se pas këtij projekti fshihet investimi për ndërtime të reja. Ndaj ky video mesazh i kryeministrit ka vlerën e një qëndrimi zyrtar, pas të cilit do të shihet nëse kemi të bëjmë thjesht dhe vetëm me një kënd lojërash.

Inxhinieri kanadez Charles Bombadier ka prezantuar një projekt që synon të shkurtojë në mënyrë radikale kohën e udhëtimit me avion. “Antipode” është emri i projektit që konsiston në një avion me shpejtësi deri në 24 Mach. Sipas asaj që prezantohet avioni merr 10 pasagjerë dhe distancën mes Londrës dhe New Yorkut e kryen për 11 minuta. Ai lëshohet në ajër nga një sistem i ngjashëm me atë të një treni që del nga një tunel nën ndikimin e fushës magnetike dhe mandej me karburante si oksigjen i lëngshëm apo kerosen arrin deri në 10 Mach.

Partia Demokratike shpall anullimin e projektit të stadiumit kombëtar "Qemal Stafa", për të cilin qeveria ka hapur tenderin. Kjo në perspektivën e ardhjes në pushtet që Partia Demokratike e sheh si një ndodhi të sigurtë. Në këtë frymë Partia Demokratike ka lajmëruar të interesuarit dhe sipërmarrësit që janë thirrur të bëhen pjesë e këtij plani, se nuk do e njohë dhe do ta anullojë menjëherë këtë projekt. "Plani i Edi Ramës për stadiumin Qemal Stafa, është një skemë e mirëfilltë korruptive, projekti ndoshta më fitimprurës për të, miqtë dhe klientelën e tij.