politike

Në një intervistë për MCN TV, Priamo Bollano, kryetar i shoqatës “Himara e Himariotëve” thotë se kryeministri Rama po ndërhyn politikisht në Himarë për t’u ndarë toka Ben Blushit dhe Artan Gaçes.

Arrestimi i Fredi Belerit, sipas tij, nuk ka të bëjë me shitblerjen e votës, por me “neutralizimin” e një kundërshtari të fortë të dhënies së bregdetit oligarkëve dhe miqve të kryeministrit.

Tokat në Himarë prodhojnë flori. Janë këta duke nisur që nga Ben Blushi, burri i ministres së Jashtme etj. kanë marrë toka dhe krijojnë resorte dhe ngrehina në Himarë.

Gazmend Bardhi është kryetari i ri i grupit parlamentar demokrat pas dorëheqjes së Enkelejd Alibeajt një ditë më parë. Me 23 vota pro, mes të cilave edhe ajo e Lulzim Bashës, Bardhi do të drejtojë grupin parlamentar të asaj që njihet ndryshe si “PD e vulës”.

Mbushja e vakancës së lënë nga dorëheqja e Alibeajt nuk sjell asnjë shkrirje akujsh me pjesën tjetër të demokratëve. Rithemelimi njeh në të njëjtin pozicion Luçiano Boçin, i cili humbi garën për kryebashkiak të Elbasanit të dielën e kaluar.

Humbjen e thellë në zgjedhjet e 14 majit, opozita e shpjegon me blerjen dhe manipulimin e votës. Një ditë pasi deklaroi se një votë ishte shitur nga 300-500 euro, Sali Berisha tregoi edhe , sipas tij, të dorëheqjes së Enkelejd Alibeajt nga kreu i komanduar i Partisë Demokratike.

Në mbledhjen e sotme, qeveria vendosi sot rritjen e pagave për një kategori punonjësish. Kabineti i Ramës ka rënë dakord për projektligjin për rritjen e pagave, falë të cilit paga mesatare do të shkojë nga 563 euro, në 900 euro.

Në kategoritë që përfitojnë rritje të pagës bien në sy mësuesit, të cilët kanë paga edhe më të ulëta se homologët në Malin e Zi dhe Kosovë.

Rritje pagash do të ketë edhe për infermierët, një kategori profesionistësh që prej disa vitesh janë orientuar drejt tregut të punës në Gjermani dhe vendet e tjera të Europës.

Gjykata e Arbitrazhit refuzon të rishqyrtojë dëmshpërblimin 108 milionë euro, që qeveria shqiptare duhet t’i shlyejë biznesmenit italian, Françesko Beketi. Kërkesa për rishikim e palës shqiptare, e depozituar pranë Qendrës Ndërkombëtare për Zgjidhjen e Mosmarrëveshjeve të Investimeve në Bankën Botërore, u hodh poshtë me argumentin se nuk ka bazë ligjore.

Vendimi për dëmshpërblimin e Beketit nga qeveria shqiptare është marrë në vitin 2019, por sipas trupës gjykuese gjatë kësaj kohe, Shqipëria e përfaqësuar nga Avokatura e Shtetit, nuk ka paraqitur asnjë fakt të ri.

Jakov Milatoviç është presidenti i ri i Malit të Zi. Fillimisht exit pollet, e më pas edhe rezultatet paraprake, treguan një epërsi të thellë të Milatoviç. Shtabi elektoral i Milatovçit shpalli fitoren vetëm pak pas nisjes së numërimit, ndërsa rivali Milo Gjukanoviç pranoi humbjen.

Zyra e Departamentit të Thesarit të Shteteve të Bashkuara për Kontrollin e Pasurive të Huaja (OFAC) shtoi shtatë emra të rinj nga katër vende të Ballkanit Perëndimor, në listën e personave non grata.

Nga Shqipëria, non grata rishtas janë ish-deputeti socialist, Aqif Rakipi dhe pronari i Ora News, Ylli Ndroqi.

Sot, Gjykata e Tiranës ka hequr masën e pezullimit për kreun e Federatës së Futbollit, Armando Duka. E njëjta masë është marrë edhe për zyrtarin tjetër të FSHF-së, Ilir Shulku.

Merr fund kështu zyrtarisht një diskutim politik dhe institucional disamujor me dështimin e shumicës qeverisëse që hoqi dorë nga tentativa për të larguar Dukën.

Kush është Armand Duka do pyesë shumëkush? Ai është gjithçka ka tranzicioni shqiptar, por në kuadrin e betejës së tanishme, ai është fituesi. Në Shqipëri, kjo ka rëndësi.

Tre të mandatuarit për identifikimin e kandidaturave për kreun e ri të shtetit janë takuar sot në selinë e Kuvendit. Kreu i grupit parlamentar socialist, Taulant Balla, dhe deputetët Damian Gjiknuri dhe Elisa Spiropali zhvilluan sot takimin e radhës, i pari që prej nisjes 28 marsit, kur maxhoranca njoftoi sot nisjen e përgatitjeve për zgjedhjen e presidentit të ri të vendit.

Baza e të dhënave të votuesve shqiptarë, e cila u bë publike para zgjedhjeve të 25 prillit 2021, përbën cenim të rëndë të të drejtave të njeriut. Në raportin vjetor, Amnesty International nxjerr në pah skandalin e patronazhistëve si dhe rrjedhjen e listës së pagave dhe të dhënave të tjera si raste flagrante të shkeljes së të drejtave të njeriut përgjatë 2021-shit.