parlamenti

Zgjedhjet në Britaninë e Madhe nuk kanë sqaruar ndonjë gjë për të ardhmen e vendit. Konservatorja në detyrën e kryeministrit, Theresa May nuk ka arritur të sigurojë dot shumicën prej 326 vendesh në Parlament, duke humbur 17 vende krahasuar me prezencën e deritanishme të partisë së saj.

Laburisti Jeremy Corbyn ka marrë 30 vende më shumë, 258 vende, ndërkohë që në total aleanca e laburistëve ka 304 vende. Shumica e nevojshme për krijimin e qeverisë është 326 vende në një parlament prej 650 vendesh.

Mediat raportojnë disa incidente me armë në kryeqytetin Iranian, Teheran. Në parlamentin e këtij vendi dhe në mauzoleumin e Ayatollah Khoeminit raportohet se disa persona kanë hapur zjarr ku thuhet se është plagosur një roje, ndërkohë që nuk kuptohet mirë se çfarë ka ndodhur. Sipas disa raportimeve në mauzolelum kanë hyrë tre persona, dy prej të cilëve kanë qëlluar mbi vizitorët, kurse i treti ka shpërthyer në një sulm kamikaze. Sipas agjencisë IRIB në parlament ka patur disa persona të armatosur me AK -47 dhe sulmet në të dy vendet ndodhën në të njëjtën kohë.

Ishin, janë dhe do jenë! E nisën jetën parlamentare më 1991-1992 dhe vijojnë të kenë mandate parlamentare edhe më 2017-2021. Vetëm 6, tre të majtë dhe tre të djathtë. Berisha, Ruçi e Shehu nga 1991; Majko, Ulqini dhe Shehi më 1992. Ruci ka bërë një ndërprerje më 1996, Berisha pa ndërprerje, Shehu bëri shkëputje më 2001 dhe 2013, Ulqini pati një ndërprerje në mandatin e parë të Ramës dhe Shehi gjithashtu me disa vite ndërprerje pas ndarjes nga PD. Por kanë mbetur në lojë dhe sot janë drejtues në parti ose aktiv në politikë. Bilanci i jetës së tyre parlamentare?

Parlamenti malazez ka votuar dje në mënyrë unanime anëtarësimin e vendit në NATO. Me një opozitë minimale dhe një protestë të vogël jashtë sallës, Mali i Zi bëhet vendi tjetër ballkanik që merr pjesë në aleancë duke mbyllur vijnë perëndimore të rajonit që kalon tërësisht në “territor politik” të Perëndimit. Votën e kanë dhënë 46 anëtarët e partive malzaze, boshnjake dhe shqiptare, ndërkohë që duke iu referuar ngjarjeve të vitit 1999, ish-kryeministri dhe ish-presidenti Milo Gjukanoviç, kryetar i partisë kryesore tha ndër të tjera: 

Tensionet në Maqedoni i janë afruar ndjeshëm konfliktit civil kur Talat Xhaferri u zgjodh kryetar i Parlamentit. Pamjet flasin për dhunë edhe në sallën e Parlamentit, Zoran Zaev shikohet i gjakosur, ndërkohë që gjendja ka precipituar. Diplomatët perëndimorë kanë bërë thirrje për qetësu ar situatën. Pamjet flasin vetë se deri ku mund të mbërrijnë punët.

Ish-deputeti socialist, Ervin Koçi, është votuar nga Parlamenti në krye të Autoritetit të Mbikëqyrjes Financiare, pas shkarkimit të Enkeleda Shehit. Parlamentoi votoi me 71 vota, 2 kundër dhe 3 abstenime. AMF monitoron të gjithë tregun financiar jo bankar në vend, që nga sigurimet, pensionet private deri tek fondet e investimeve. Nën drejtimin e Shehit, AMF-ja u ekspozua keq në raport me zhvillimet në tregun e sigurimeve të automjeteve.

Ka nisur një përpjekje e madhe nga sazaxhinjtë mediatikë të pushtetit, apo edhe nga “inelektualë” të ndryshëm kundër protestës së organizuar nga PD-ja. Në veprim është hedhur i gjithë arsenali i teorive të konspiracionit të kafeneve të para 96-ës, kur Sazanin desh e morën amerikanët, e kur UDB-ja kishte plane nga më të çuditshmet në Shqipëri.

Debate të forta kanë përfshirë Dhomën e ulët të parlamentit britanik rreth vizitës së kryeministres Theresa May në SHBA. Përfaqëesuesi i laburistëve, Jeremy Corbyn, ka deklaruar që kryeministrja të distancohet nga deklaratat e Trump për disa çështje. Po kështu ai ka bërë thirrje që të tërhiqet ftesa për vizitën e Trump në Britani. May ka qenë e vendosur në mbrojtjen e qëndrimeve të veta kur ka thënë se në disa tema presidenti amerikan ka ndryshuar qëndrim.

Konferenca e Kryetarëve në Kuvend nuk ka marrë në shqyrtim një kërkesë të PDIU-së për ngritjen e një komisioni për ngjarjet në Çamëri pas Luftës së Dytë Botërore. Pengesa për këtë nismë të partisë së Idrizit ka qenë Lëvizja Socialiste për Integrim, e cila ka kërkuar më shumë kohë për të shqyrtuar kërkesën. Kjo është përplasja e radhës mes dy partive që janë në garë se kush do të mbajë vendin e dytë në koalicionin e majtë.

Parlamenti turk ka votuar së fundmi amendamentet kushtetuese që i japin fuqi të reja presidentit të vendit. 
Detyrat e presidentit, kërkesat për të qenë kandidat për president dhe kufizimet e parlamentit për të ushtruar mbikëqyrje, të gjitha janë votuar duke hapur rrugën që Turqia të kthehet gati në një Republikë Personale e Reccep Tayyip Erdogan, të paktën siç raporton Hurriyet.