mashtrimi

Nëse ballafaqon Erion Veliajn me veten, rasti i tij është klinik. Personazhi që  ka  ngritur një lapidar meritash për punën e tij si kryebashkiak ka vetëm një mënyrë për të justifikuar dështimet dhe mungesën e sinqeritetit, të mashtrojë publikisht  pa teklif, aq sa ka filluar t’i besojë edhe vetë gënjeshtrat që artikulon publikisht.

Këtu i jep dorë terreni ku vepron, pasi shoqëria është një fazë që nuk i kushton vëmendjen e duhur paqëndrueshmërive të këtij karakteri, aq më tepër kur demostrohen publikisht nga një kryetar bashkie. 

I zënë gafil në dy tendera ministri i Infrastrukturës, Damian Gjiknuri doli për të konfirmuar skandalin që fshihet pas kompanisë DH Albania, e cila është shpallur fituese në tenderin për Lotin 1 të Unazës së Madhe dhe  tenderin e OST ndërtimin e linjës së re Burrel – Peshkopi.

Dy tenderat, pas të cilave qëndron 26-vjeçari Avdiol Dobi i cili ka punuar si recepsionit në Spitalin Amerikan kapin vlerën e 30 mln eurove.

Gjiknuri i cili minimalisht duhet të ishte nën hetim dhe pa imunitet, i justifikohet publikut me një analogji shumë domethënëse.

E mbani mend kur Spartak Ngjela thoshte në emër të Partisë Socialiste se tre të vdekur nuk janë gjë. Se madje duhen 13 mijë? Po kur socialisti Edi Rama tregonte 21 janarin? Sesi ai kishte qenë një demonstratë për lirinë. Është mirë të kujtohet kjo neveri për të mos lejuar elegjiakët e rremë, vajtocat e shtirura të katër gishtave të një policeje të moralizojnë. Është mirë të kujtohet kjo edhe nga ata që janë në protestë që ndoshta sot procedohen në bazë të ligjit aq e kaq, se asgjë nga këto nuk ka vlerë, pos faktit se ne kuptojmë mirë, deri në kockë, se shtëpia mbrohet vetëm me një mënyrë.

Pak orë pasi mediat në Kosovë kanë publikuar listën e emrave të 20 mijë veteranëve mashtrues të UÇK-së, ato e kanë fshirë lajmin nga faqja e vet online. Gazeta “Zëri” dhe lajmi.net, dy faqet që e publikuan listën të plotë, duket se kanë hequr materialin, i cili siç u tha janë pjesë e aktakuzës së Prokurorisë.

Gazeta “Zëri” në Kosovë publikon sot emrat e atyre që i quan 20 mijë mashtrues. Fjala është për të ashtuquajturit veteranë të Luftës së vitit 1999 të cilët me ndihmën e establishmentit politik në krye të të cilit qëndron Hashim Thaçi dhe shpura e tij bashkë me Haradinajn, Kadri Veselin dhe Fatmir Limaj, janë trajtuar me pension të posaçëm.

Abonentët e operatorëve të telefonisë celulare paguajnë për shërbime që nuk i përfitojnë. Shqetësimi është ngritur në Komisionin e Veprimtarisë Prodhuese, ku kryetari i AKEP-it, Ilir Zela e ka justifikuar këtë me vështirësinë e dhënies së lejeve të ndërtimit të kullave për mbulim më të mirë me valë.

Në vitin 2015 u hoq nga presidentin e UEFA-s dhe iu ndalua çdo përfshirje në futboll, për shkak të skandaleve financiare. Tre vjet më vonë, Mishel platini lëshon  një tjetër bombë ... , duke folur për ndeshje të manipuluara në Kupën e Botës të vitit 1998 në Francë.

Trofeun e  atij viti e fitoi  vendi organizator, Franca duke mundur 3-0 Brazilin në finale. Por për të arritur këtë qëllim Platini  pranon se ishte ndërhyrë që dy kombëtaret të mos përplaseshin në raundet e mëparshme, por vetëm në finale.

Dyshime për oligopol mes tre kompanive të mëdha celulare. Ky është përfundimi i hetimit paraprak të Autoritetit të Konkurrencës. Raporti i Hetimit Paraprak në tregun me pakicë të shërbimeve celulare, të cilin "TemA Tv" e disponon, thekson se “nuk u gjetën prova direkte apo indirekte që të provojë një marrëveshje apo sjellje të bashkërenduar në kundërshtim me ligjin”, por dyshohet për sjellje oligopoli. Prandaj, thekson raporti, “Autoriteti i Konkurrencës ka vendosur të monitorojë tregun me pakicë të shërbimeve celulare për një periudhë 1 (një) vjeçare, e cila fillon nga data 1 Tetor 2017”.

Lulzim Bashës i erdhi zëri. Shoku i parë kaloi. PD-ja humbi, por ai jo edhe aq. Mirë do të ishte që të mos mbërrinte deri këtu, por ndodh. Ditë pas dite, demokratët duhet të mësohen se pa kryetar nuk rrihet. Ideja tjetër më mashtruese, ajo nga e cila vuan gjithë shoqëria jonë në mënyrën e të menduarit, është se pa kryetarin aktual, vjen shkatërrimi. Dhe këtu nis të ngatërrohen punët. Dorëheqja si standard dhe përmbi të gjithë detyrim i një dështaku, konvertohet në kompromis me domosdoshmërinë për të vijuar përpara. Zgjedhjet e ndershme i lënë vendin apelit për bashkim.

Britania doli nga BE-ja, Shqipëria kërkon me ngulm të hyjë. Por a të bën kjo më pak apo më shumë europian në kuptimin e një kulture politike? Mundet, pasi BE-ja në një farë mënyre është kërbaç që i duhet një vendi pa tradita politike si Shqipëria, ndërkohë që Britania është një nga vendet ku forma moderne e demokracisë ka njohur embrionet e para. Nuk ka vend krahasimi, por meqenëse modeli është i gjithëpranuar atëherë nuk mund të flasim për pretendime.