Llalla

Ngjarjet që dominuan politikën ditët e fundit janë padiskutim dy. Shpërthimi dhe shkarkimi i Ylli Manjanit dhe përplasja mes kryeprokurorit të Përgjithshëm, Adriatik Llalla dhe ambasadorit amerikan Donald Lu.  A janë dy ngjarje të veçuara apo të lidhura me njëra tjetrën?

Shtetet e Bashkuara të Amerikës diskreditojnë edhe publikisht atë që sot mban detyrën e Kryeprokurorit të Përgjithshëm të Republikës së Shqipërisë, shkëlqesinë e tij, Adriatik Llalla. Ambasadori amerikan Donald Lu foli pa dorashka për kreun e organit të akuzës në Shqipëri, zyrtarin e parë të piketuar nga ndërkombëtarët që ka vepruar kundër reformës në drejtësi.

Ky është një shkrim i publikuar më datë 10 maj me titull: Do kalojë nga zyrat e Llallës. Sot KQZ-ja bër fakt heqjen e mandatit të Elvis Roshit dhe kryeministri u detyrua ta shkarkonte nga detyra e Kryetarit t Bashkisë Kavajë. NJë vendim pas një mbrotjeje kompromentuese. PO risjellim shkrimin bashkë videon ku flet Roshi si një kujtesë për firmëtarin Edi Rama. 

***

Gjykata e Tiranës u ka dhënë dje një goditje të fortë hetimeve të nisura nga Prokuroria e Tiranës ndaj Inspektoriatit të Lartë të Deklarimit dhe Kontrollit të Pasurisë. Në gjashtë vendime radhazi Gjykata ka pranuar kërkesën e ILDKPKI për “heqje të masës së sekuestros” ndaj dokumenteve që Prokuroria kishte bllokuar pas nisjes së hetimeve ndaj ILDKPKI.

 Në të dhënat e bëra publike prej Gjykatës së kryeqytetit, theksohet se palë paditëse apo kërkuese në vendimin e dhënë ka qenë Inspektoriati i Lartë i Deklarimit dhe Kontrollit të Pasurive dhe Konfliktit të Interesave në Tiranë.

Gazetari Bledi  Mane ka postuar të tjera foto që sipas tij tregojnë jetën e luksit të familjes Llalla, thënë ndryshe kryeprokurorit. Në foto shfaqen fëmijët adoleshentë të Prokurorit të Përgjithshëm në makina luksoze. Deri më tani asnjë prej fakteve të publikuara nuk është përgënjeshtruar, ndërsa jo të gjitha mediat i kanë bërë jehonë zbulimit të këtyre fakteve për jetën luksoze të familjes Llalla dhe pikëpyetjet e mëdha që ngrihen me publikimin e tyre.

Vetë gazetari i ka shoqëruar fotot edhe me disa postime që tregojnë kërcënimet ndaj tij pas publikimit të këtyre fotove:

Edhe Adriatik Llalla ka dyshime se në grabitjen në aeroport ka dorë policia. Burime nga Prokuroria thanë për Panorama.al se kreu i akuzës ka nisur një hetim të hollësishëm për krerët e policisë, të cilët janë përgjegjës për vjedhjen e djeshme.

Sot u raportiua se kreu i Shërbimit Informativ Shtetëror, Visho Ajazi Lika është takuar me Prokurorin e Përgjithshëm, Adriatik Llalla. Në takim kanë qenë të pranishëm edhe Prokurori i Krimeve të Rënda, Besim Hajdarmataj dhe ai i Tiranës, Petrit Fusha. “Vizion Plus” referon burime nga organi i akuzës sipas të cilave, “kreu i SHISH i dorëzoi një raport të imtësishëm Llalles, për informacionet e mbledhura në terren dhe lëvizjet e automjetit në të cilin mbahej pajisja përgjuese “IMSI Catcher”.

Prokuroria njoftoi sot për një takim të kryeprokurorit Adriatik Llalla me ambasadorin italian në Tiranë, Alberto Cutillo. Arsyeja që diplomati italian ishte në zyrën e Llallës lidhet me hetimin që po kryen Prokuroria për pajisjen e Interforcës italiane që dyshohet se është përdorur për qëllime përgjimi nga policia shqiptare.

I gjithë shteti është i eskspozuar ndaj rastit flagrant të mosarrestimit të Klemend Balilit, zyrtarit të LSI-së që nga zyrat e Drejtorisë së Transporteve drejtonte trafikun ndërkombëtar të drogës. Implikimi i strukturave ligjzbatuese nuk është vetëm në faktin pse Balili nuk u arrestua apo ndalua, por edhe sepse ai u la i lirë të arratisej. Publikisht ministri i Brendshëm pohoi në emisionin Top Story se për arrestimin e Balilit u bë pengesë Prokuroria.

Partia Demokratie ka dalë sot zyrtarisht me një qëndrim për çështjen e të ashtuquajturës pajisje e përgjimit që pretendohet se është në përdorim të paligjshëm nga Policia e Shtetit. Një ditë më parë, ish-kryeministri Sali Berisha publikoi një listë të personave që sipas tij përgjohen në këtë mënyrë. Sot, kryetarimi PD-së, Lulzim Basha, ka ecur më tej, kur ka paralajmëruar thirrjen në Komisionin Parlamentar të Sigurisë, të ministrit Sajmir Tahiri, që do të jetë përballë Prokurorit të Përgjithshëm dhe Shefit të Shërbimit Informativ Shtetëror.