libia

Turqia e Recep Tayyip Erdogan është duke kërkuar rrugët e një marrëveshjeje detare e Izraelin. Në një opinion publikuar në qendrën studimore izraelite, Besa Center, kolumnisti Burak Bekdil shkruan se memorandumi me Libinë është një model të cilin Ankaraja po synon ta aplikojë edhe me TelAvivin. 

Rusia dhe Turqia po tentojnë të përsërisin në Libi atë që realizuan në Siri. Dy rivalët Sarraj dhe Haftar janë takuar në Moskë ku raportohet se janë njohur me një draft marrëveshje armëpushimi.

Agjencia ruse “Sputnik" raporton se dokumenti parashikon ndalimin e të gjitha operacioneve ofensive ushtarake dhe lidhur me këtë pikë Haftar ka kërkuar kohë deri të martën dhe mandej është larguar nga Moska pa firmosur. 
I njëjti dokument parashikon krijimin e një komisioni të përbashkët, krijimin e një linje beteje dhe shmangien e goditjeve të qyteteve kryesore. 

Në rrugën e Erdogan qëndrojnë vetëm fuqi rajonale. Memorandumi i Turqisë me qeverinë libiane të Tripolit për delimitimin e ujërave detare nuk ka sjellë mobilizimin diplomatik të ShBA siç pritej së paku nga Qipro dhe Greqia. 

Takimi i fundit i kryeministrit Mitsotakis me presidentin amerikan Donald Trump u provua si i papërmbushur në objektivin e arritjes së mbështetjes së pakushtëzuar amerikane për synimet dhe interesat greke. Trump nuk ka shprehur asnjë qëndrim të prerë në këtë drejtim duke e lënë fushën bosh dhe me aktorë që nuk janë në gjendje ta kërcënojnë presidentin turk. 

Disa media të njohura kanë publikuar pak orë më parë tituj të ngjashëm sipas të cilëve lexohet se parlamenti libian ka votuar kundër dislokimit të trupave turke në vend. Gazeta greke “Kathimerini” shkruan madje se parlamenti ka votuar edhe kundër memorandumit mes Turqisë dhe Libisë për delimitimin e ujërave detare. 

Kur kalon titullin dhe hyn në tekst, sheh se bëhet fjalë jo për parlamentin libian, por për Dhomën e Përfaqësuesve me qendër në Tobruk, aty ku vepron gjenerali Khalifa Haftar. Çfarë është votuar dhe çfarë vlere ka një gjë e tillë? 

Turqia do të dërgojë trupa ushtarake në Libi. Presidenti i vendit, Recep Tayyip Erdogan ka njoftuar se qeveria do të kërkojë nga Parlamenti miratimin e mocionit për këtë çështje.

Do të shkojmë aty ku jemi ftuar. Përderisa ka në ftesë ne do ta pranojmë

tha Erdogan gjatë një takimi me krerët e degëve të partisë së tij, Drejtësi dhe Zhvillim.

Në media ka rrjedhur një dokument zyrtar që hedh dritë mbi pretendimet e Turqisë në Egje. Diplomati turk, Çağatay Erciyes tregoi në datën 2 dhjetor një hartë ku tregohen kufijtë e pretenduar për shelfin kontinental nga Turqia, sipas asaj që mendohet se është një marrëveshjeje delimitimi mes saj dhe Republikës së Qipros Veriore firmosur në vitin 2011. Po ashtu aty paraqitet edhe vija e mesme e rënë dakord mes Turqisë, Egjiptit dhe Libisë.

Osama libiani. Kështu thirret personi në foto që mendohet se është një ndër personat e përfolur për torturat në kampin e burgosjes në Zavajash. Në Libi kampet e refugjatëve që duan të kalojnë drejt Europës janë bërë shpesh objekt hetimesh dhe akuzash për krime dhe trajtim çnjerëzor ndaj personave  që hyjnë në to.

BBC-ja raporton sot mbi disa akte që ajo i quan krime shumë të rëndë lufte kryer në Libi nga forcat e drejtuar nga gjenerali rebel, Khalifa Haftar që synon rrëzimin e qeverisë së Tripoli. Në videon e përcjellë nga BBC-ja paraqiten njerëz të Haftar që dhunojnë trupat e viktimave, një akt që paraqitet në mediat online.

Sot Libia e përfshirë në konflikt civil sheh se Haftar, me mbështetje edhe nga shumë aktorë në Perëndim, t’i afrohet pushtetit. Akuza e publikuar në median në fjalë zbulon natyrën e konfliktit në botën arabe ku duket se fitilat e luftës po rindizen.

Banka e dytë më e madhe franceze, Societe Generale, do të duhet të paguajë 1.1 miliardë euro gjobë si pasojë e sanksioneve të SHBA-së. Radio France International raporton se banka në fjalë është ekspozuar ndaj disa padive gjatë kohëve të fundit dhe po lufton që të mbyllë çështjet e hapura.

Ish-presidenti francez Nikolas Sarkozi u arrestua nga autoritetet franceze të martën në mëngjes. Sipas mediave franceze, Sarkozi u arrestua jashtë stacionit të policisë Nanterre ku u ishte thirrur për të dëshmuar lidhur me financimet e fushatës së tij presidenciale nga Libia në vitin 2007.