greqi

Ish ministri grek i rendit ka denoncuar publikisht ekzistencën e një plani për eliminimin politik dhe fizik të tij, duke lënë të kuptohet se ky plan është hartuar nga elementë të inkriminuar, ku të janë implikuar edhe politikanë. Jani Panousis, ministër i rendi, në qeverinë e parë të Aleksis Tsipras, thotë në një intervistë për gazetën greke “Proto Thema”, se detajet e këtij plani, por edhe të dhëna të tjera, i ka përmbledhur në një tekst, të cilin e ka depozituart tek prokurori. I pyetur se përse e ka bërë këtë, Panpousis thotë: “Është një veprim për sigurinë time.

Deputeti grek i Demokracisë së Re, Jorgos Kumucakos provoi në lëkurë indinjatën e një grupi protestuesish që dolën në rrugë kundër deklaratave të zv/ministrit të Arsimit Nikos Filis për spastrimin etnik të grekëve të Pontit, të cilin nuk pranoi ta quajë genocid. Prezenca e tij në tubim nuk u prit mirë nga protestuesit që nuk i kursyen grushtat ndaj deputetit të parlamentit grek, i cili kërkoi ta shfrytëzojë politikisht indinjatën e tyre. Akti u komentua gjerësisht në mediat vendase dhe faktori politik që e lexuan në këndvështrime të ndryshme këtë shprehje të demokracisë.

Para disa ditësh në media doli lajmi se shefit të Kabinetit të ministrit të Jashtëm, Pirro Vengu, i ka ardhur thirrja për ushtar nga Greqia. Një kërkesë kjo që lidhet patjetër me posedimin e nënshtetësisë greke nga personi në fjalë. Sot kjo çështje është diskutuar edhe në Komisionin Parlamentar me Jashtë, ku ndër të tjera, zv.ministri i Jashtëm, Selim Belortaja ka deklaruar si më poshtë: “Unë di vetëm sa di media. Është lajm i paverifikuar. As personi vetë nuk e di çfarë po ndodh. Pranon që ka marrë më parë një njoftim të tillë dhe e ka refuzuar në mënyrë kategorike”.

Parlamenti grek miratoi sot gjatë orëve të para të mëngjesit një tjetër buxhet të shtetit me masa shtrënguese, ku qeveria e re e kryeministrit Aleksis Cipras kishte pasqyruar marrëveshjet e arritura me kreditorët ndërkombëtarë. “Ky buxhet përmban masa të tjera të vështira”, deklaroi dje kryeministri Cipras. Ndërkohë, televizioni shtetëror grek, tregoi pamje të njerëzve të cilët demonstronin jashtë ndërtesës së parlamentit kundër masave të reja shtrënguese.

Viktimat e valës migratore drejt Europës ngjan se nuk mbarojnë. Dje një varkë drejtuar në Lesvos të Greqisë është mbytur pas përplajes me një anije të Rojës Bregdetare, si pasojë e detit të keq. U shpëtuan 31 persona, por 7 mbetën të vdekur. Fotot e mëposhtme sjellin pamjet e aksidentit dhe janë realizuar për “reuters” nga fotografi George Moutafis. 

Qeveria e dytë e kryeministrit grek, Aleksis Cipras mori përgjatë mbrëmjes së djeshme votëbesimin e parlamentit grek. Në favor të saj votuan të 155 deputetët e maxhorancës me koalicion, nga 300 që ka parlamenti grek. “Do të kalojmë shumë shpejt pengesat dhe do të konkludojmë shumë shpejt çështjen e rëndësishme të rikapitalizimit të bankave dhe të borxhit”, deklaroi Cipras, i cituar nga agjencia Reuters online. “Do të procedojmë me një ritëm të moderuar për ndryshimin e Greqisë”, theksoi ai.

Adonis Georgiadis është kandidat për të drejtuar Demokracinë e Re në Greqi. Komiteti zgjedhor në këtë parti e rishikoi vendimin për të mos pranuar kandidimim e tij për shkak të vonesave proceduriale. Georgiadis shihet si kandidat për kryetar dhe siç shprehet vetë “ai nuk ka oponentë në parti”. Në një prononcim për mediat, Georgiadis u shpreh se nëse zgjidhet ai do të ketë kundërshtarë vetëm Syrizan dhe Tsipras që do t’i mundë.

Baneri në fjalë është fotografuar në Greqi. Thirrja, dëshpëruese: Votoni Askushin - Mos votoni njeri. Sepse vetëm kështu do të keni garanci se premtimet mbahen. Në fakt, zgjedhjet provuan se dëshira për të ecur përpara, është më e madhe sesa përballja me realitetin, aq sa gënjeshtrat bashkëjetojnë fare mirë me një kategori njerëzish që i denoncojnë ato. Pas një viti zhvillimesh dramatike në Greqi, shumëkush mund të pyesë: Çfarë ndodhi? Për çfarë u bë e gjithë kjo zhurmë?

Alexis Tsipras është fituesi i zgjedhjeve të parakohshme greke, duke u konfirmuar kështu si aktori kryesor i skenës politike në fqinjin tonë jugor. Mediat greke raportojnë për një rezultat që shkon në 35% të marrë nga Syriza, ndërkohë që Demokracia e Re ka marrë 28%, kurse Agimi i Artë renditet parti e tretë me 7,2%. Këto janë të dhëna paraprake, por siç shkruan gazeta greke “Protothema”, ky rezultat, nëse konfirmohet zyrtarisht i hap rrugë koalicionit të Syrizas me Grekët e Pavarur të Panos Kammenos.

Unioni i Ateistëve të Greqisë u bërë thirrje partive politike në vend që të shprehin pozicionin e tyre për çështje të ndjeshme si arsimi, administrimi publik dhe Kodi Penal. Disa prej këtyre shqetësimeve publike, referuar edhe qeverisë së mëparëshme të Syrizas, janë heqja nga Kushtetuta e frazës “Në emër të Trinisë së Gjithëshenjtë e të Pandashme”, sikurse të frazës “Zoti ynë Jezu Krisht”. Sipas këtij unioni kjo frazë nuk përfaqëson të gjithë njerëzit.