Franca

Ministria e Punës në Francë ka refuzuar një kërkesë të gjigandit Amazon(filiali i Francës) për fonde e emergjence si pasojë e koronavirusit. 
Për shkak të krizës Amazon Franca ka mbyllur magazinat e veta dhe është goditur në aktivitetin e vet. Në këtë kuadër drejtuesit kanë menduar që të aplikojnë për fondet e krizës, të cilat në Francë mbulojnë 84% të pagës neto të punonjësve që mbeten pa punë.

Prodhimi i Brendshëm Bruto i Francës ra me 5.8% krahasuar me 3 muaj më parë dhe ky katërmujor është i dyti radhazi në rënie pas katërmujorit të fundit të vitit 2019 kur rënia ishte 0.1%. 

Mediat në Francë po shkruajnë për rolin e mjekëve të huaj në këtë pandemi nga e cila ky vend është goditur rëndë. France 24 sjell rastin e një mjekeje jofranceze, Nesrine Mahfoudhi, e cila punon në një njësi spitalore të dedikuar kundër CoVid-19. Por pagesa e saj nuk është e njëjtë me atë të kolegëve francezë, ose më saktë me atë të kolegëve që janë diplomuar në Europë. Është një diskriminim që fshihet pas kërkesave profesionale, por që me këtë situatë doli e pavlerë. 

Kryeministri në detyrë i Kosovës, Albin Kurti ka zhvilluar mbrëmë një bisedë telefonike me presidentin francez, Emmanuel Macron me të cilin ka diskutuar situatën e pandemisë, por edhe dialogun mes Kosovës dhe Serbisë. Zyra për shtyp e kryeministrit njofton se Kurti ka sqaruar masat e marra nga qeveria për përballimin e pandemisë, ndërkohë që ka shtuar se për sa i përket krizës aktuale në Kosovë, zgjidhje janë vetëm zgjedhjet. 

Europa duhet të gjejë mënyra dhe rrugë për mbrojtjen e interesave të vet të sigurisë, pavarësisht qëndrimeve të ShBA. Në krye të kësaj qasjeje qëndron Franca, që së fundmi ka propozuar emrin e ish-ministrit të Jashtëm, Hubert Vedrine, në një panel ekspertësh të NATO-s ku do të flitet për të ardhmen e aleancës.

Statistika italiane e pasojave shëndetësore të koronavirusit nuk është më rast i izoluar. Franca, Spanja dhe SHBA i janë bashkuar listës duke shënuar në përditmëri situatën e rëndë.

Në Francë raportohet se janë të shtruar 24 639 persona, nga të cilët 6107 në kujdes intensiv. 509 njerëz vdiqën në 24 orët e fundit duke e çuar numrin e përgjithshëm në 4032.

Franca kishte para krizës 5000 shtretër dhe për shkak të saj e ka rritur atë në 10000 shtretër.

Shqipëria dhe dy vende të Afrikës Perëndimore janë propozuar për t’u hequr nga lista e vendeve të sigurta të origjinës nga OJF-ja më e madhe për mbrojtjen e të drejtave të refugjatëve në Francë.

Forumi i refugjatëve – Cosi, një shoqatë jofitimprurëse që punon për pritjen e refugjatëve, mbrojtjen e së drejtës së azilit dhe promovimin e shtetit të së drejtës, i ka kërkuar Këshillit të Shtetit, një organ që vepron si gjykatë supreme për drejtësi administrative, largimin e tre vendeve nga lista e vendeve të sigurta të origjinës.

Tensionet mes Greqisë dhe Turqisë në Mesdheun Lindor kanë përshkallëzuar drejt një niveli të ri duke u ndërkombëtarizuar më tej. Mediat greke raportojnë se aroplanmbajtësja francez, Charles De Gaulle po qëndron në Bllokun 8 që është pjesë e Zonës Ekskluzive të Qipros ku dy javët e fundit aty ka zhvilluar aktivitete kërkuese edhe anija turke Yavuz. 

Polonia deklaron se do të ndërtojë së shpejti një central bërthamor për realizimin e të cilit është në bisedime me SHBA, Francën dhe Japoninë. Zëdhënësi i qeverisë Piotr Müller, deklaroi në një intervistë se veprimet për finalizimin e projektit mbyllen vitin që vjen dhe se ndërtimi do të zgjasë dhjetë vjet.

Agjencia Telegrafike Shqiptare, e cila kontrollohet dhe bën politikën e qeverisë shqiptare, raporton sot për një shkrim të gazetës gjermane “Frankfurter Allgemeine Zeitung” sipas së cilës Franca ka hequr dorë nga bllokimi ndaj Shqipërisë dhe Maqedonisë së Veriut për hapjen e negociatave. Për ta argumentuar këtë titull, ATSH, referon një intervistë të Këshilltarit për Çështjet Europiane të presidentit francez Macron, Clement Beuane, sipas të cilit kreu i shtetit f