fjala

Dëgjojeni ministren e Jashtme Olta Xhaçka sot në Parlament. Zonja njofton se flet për Politikën e Jashtme dhe në fakt bën replikë me opozitën, mbron e lavdëron kryeministrin, më tej, ngre ne qiell imazhin e Shqipërisë dhe diskuton në dy fjali analiza që i quan strategjike. Tani njeriu e ka të vështirë të kuptojë mençurinë e zgjedhjes së zonjës Xhaçka në një pozicion të tillë, nëse do të ishte për herë të parë në Shqipëri. Sepse ministër I Jashtëm është një pozicion pune me rëndësi, edhe në vende të vogla si yni.

Kryeministri i Shqipërisë Edi Rama ka disa ditë që ka nisur atë që mund të quhet një fushatë përgënjeshtrimi personal dhe publik të lajmeve të ndryshme sidomos nga Top-Channel. Së fundmi z. Rama ka reaguar edhe ndaj qëndrimeve të Ilir Metës pro “asaj ministres britanike që akuzon shqiptarët”, ndërkohë që sot, përmes një statusi akuzon kreun e PD-së, Sali Berisha për qëndrimet e veta përcjellë për “Daily Mail”:

Një koleg i një televizioni më thoshte se kishte kërkuar intervistë me dy përfaqësues të Partisë Demokratike. Fjala është për Partinë Demokratike në Shqipëri. Dhe përgjigja që kishte marrë nga të zgjedhurit e popullit, apo që supozohet se do jenë të tillë nesër ishte: Dakord, por duhet të marr leje nga Elona. Ose nga Desada.

Akuzat dhe shqetësimet e shumta për situatën në spitalet publike të Shqipërisë ku po trajtohen njerëz të prekur nga CoVid-19 janë administruar nga kryeministri I vendit si materie për propagandë. Përtej videos skandaloze sot në Sanatoriumin e Tiranës, ku mbetej që pacientët t’ia merrnin këngës pse ishin në spital, z. Rama ka shpërndarë në Facebook edhe një mesazh ku shfaqet si njeriu që është në anën e shqiptarëve në këtë betejë. Ndërkohë që kushdo që e kundërshton, vë në dyshim seriozitetin e angazhimit të tij është thjesht një armik I progresit dhe të mirës.

Ish-zëdhënsi i UÇK-së Jakup Kransiqi është shfaqur i emocionuar në seancën gjyqësore në Dhomat e Specializuara nga Hagë ku ai ndodhet për shkak të aktakuzës për krime lufte. Në fjalën e tij, Krasniqi ka akuzuar për keqtrajtim autoritetet e Gjykatës duke cilësuar se në jetën e tij nuk ka trajtuar asnjë njeri siç e trajtuan atë.

Nuk kam trajtuar askënd kurrë në jetën time në asnjë rast të vetëm, as kaq sa e si më trajtuat mua nga ndërtesa e burgut e deri në këtë ndërtesë.

Në mdiat turke po qarkullon video e një prifti ortodoks në Greqi, Evangelos Papanikolau të Kishës së Rafinës sipas të cilit ata që sot qajnë për Shën Sofinë bëjnë mirë të pranojnë të vërtetën historike. Duke meshuar, Papanikolau ndër të tjera ka deklaruar se vendimi i Erdogan për kthimin e Shën Sofisë në xhami është pozitiv edhe në raport me mbajtjen e atij tempulli si muze.

Kryeministri i Shqipërisë Edi Rama është shfaqur sot i irrituar në mënyrë ekstreme me vendimin e Gjykatës Ndërkombëtare të Hagës për të thirrur presidentin e Kosovës, Hashim Thaçi në intervistim për akuzën e 100 vrasjeve. Në një fjalë që ka zgjatur 54 minuta, z. Rama ka bërë gjyqtarin e Gjykatës, e njoftimit të saj duke folur për anën e drejtë dhe të gabuar të historisë.

Kryeministri Edi Rama ka folur sot në Parlament për situatën në të cilën ndodhet vendi dhe gjendjen e pandemisë. Sipas z. Rama, Shqipëria e ka fituyar betejën në frontin e shëndetësisë dhe tani mbetet para beteja në ekonomi. Duke folur për aspektin teknik dhe profesional të trajtimit të epidemisë, kryeministri ka deklaruar se vendi ynë nuk k apse të ketë zili askënd:

Kryeministri Edi Rama ka sqaruar sot në Parlament, sipas asaj që ai mendon se është sqarim, amnistrinë e re fiskale dhe penale që pritet të miratohet për pasuritë e paformalizuara. Fjala e kreut të qeverisë paraqet disa probleme serioze për atë që quhet funksionim i shtetit të së drejtës dhe ligjit. 

Së pari z. Rama ka dhënë premtimin solemn se “ligji do miratohet me 84 vota” duke siguruar kështu idenë e vet se amnistia është e pakthyeshme. 

Presidenti amerikan Donald Trump nuk ka munguar të japë një tjetër shfaqje personale teksa në seancën e zhvilluar me rastin e fjalës së tij drejtuar Kongresit. Në momentin e dorëzimit të fjalimit të tij drejtueses së seancës, demokrates Nancy Pelosi dhe zv.presidentit Mike Pence, Trump ka refuzuar ose nuk ka parë në të ëvrtetë dorën e zgjatur të Pelosit duke krijuar ilaritet në sallë.

Në fund të fjalimit Pelosi është parë të grisë fjalimin e Trump dhe siç raporton CNN, njerëz pranë saj kanë pranuar se demokratja ka qenë e irrituar nga veprimi i presidentit.