emigrantet

Emigrantët krijuan një zinxhir njerëzor në kufirin greko-maqedonas, në shenjë proteste për mbylljen e kufirit nga Maqedonia. Shkupi nuk lejon kalimin e tyre drejt Europës, çka ka krijuar një situatë të vështirë humanitare në kampet e pritjes në Greqi. Të shtunën autoritetet maqedonase lejuan vetëm 22 emigrantë të kalojnë kufirin, ndërsa mijëra të tjerë presin ende. 

Dramatike zhvillimet e orëve të fundit në Greqi. 25 mijë emigrantë ndodhen të bllokuar në shtetin fqinj në pamundësi për të kaluar drejt Europës Qëndrore. Maqedonia, Sllovenia dhe Austria, Serbia dhe Kroacia kanë limituar në maksimum numrin e emigrantëve që u lejohet të kalojnë përmes territoreve të tyre. Në deklaratën e përbashkët të policive të këtyre vendeve thuhet se ato janë të detyruara të kufizojnë numrin e emigrantëve që depërtojnë nga vendet e Ballkanit Perëndimor, për të mundësuar kontrollin e tyre sipas kritereve të zonës Shengen.

Për herë të parë një vend europian do të zhvillojë një referendum për kuotat e detyrueshme të BE-së për emigrantët.  Qeveria hungareze ka kundërshtuar planin, sipas të cilit, vendi duhet të presë rreth 2300 emigrantë, nga shpërndarja e 120 mijë emigrantëve në të gjithë kontinentin. Në një konferencë për shtyp, kryeministri hungarez, Viktor Orban tha se “askush nuk i pyeti popujt europianë, nëse i mbështesnin kuotat detyruese”.  Autoritetet hungareze kanë ngritur një gardh në kufirin me Serbinë dhe Kroacinë, për të ndaluar emigrantët që synojnë të mbërrijnë në Europën Perëndimore.

Kreu i Partisë Bashkimi për të Drejtat e Njeriut, Vangjel Dule, ka kërkuar që projektligji për regjistrimin e emigrantëve shqiptarë të tërhiqet dhe të riprezantoihet në kuadër të reformës zgjedhore. Duke folur në Kuvendin e Shqipërisë, Dule deklaroi se emigrantët nuk duhen vlerësuar vetëm mbi kriterin e remitancave, por edhe për të drejtën e votës. “Duhet që t’u garantojmë të drejtën themelore, ajo e votës. Jam kundër shikimit të emigrantëve vetëm nga xhepat e remitancave. Kanë potenciale intelektuale që mund të jenë në shërbim të vendit tonë.

Presidenti i këshillit Europian, Donald Tusk, ka deklaruar nga Athina se një dalje e mundshme e Greqisë nga zona Shengen, nuk e zgjidh problemin e refugjatëve.“Duhet të përmirësojmë ruajtjen e kufijve të jashtëm të BE-së, kryesisht në Greqi. Nevojitet më tepër mbështetje dhe më shumë përpjekje nga ana e Greqisë”, deklaroi Tusk në një konferencë për shtyp me kryeministrin grek Aleksis Tsipras, pas takimit që zhvilluan të martën në Athinë.

Një video amatore e njërit prej pasagjerëve në metronë e Mynihut, tregon momentin e përplasjes mes një grupi emigrantësh dhe dy gjermanëve të vjetër në moshë. Pasi shpërndau regjistrimin në rrejtin social Facebook, autori i videos Tom Roth, shpjegoi se emigranti po besdiste një vajzë pasagjere, madje edhe duke e prekur ne pjeset intime

Në Komisionin e Sigurisë, Ministri i Brendshëm, Sajmir Tahiri prezantoi projektligjin e qeverisë për regjistrimin e të gjithë emigrantëve shqiptarë që jetojnë jashtë. Ai tha se emigrantëve do t’u lihet 6 muaj kohë për t’u regjistruar, në të kundërt do penalizohen. “Sigurisht që ka sanksione, pra ka një periudhë më duket se është më shumë se 6 muaj kur emigranti duhet të regjistrohet pa patur asnjë sanksion, por nëse kalojnë 6 muaj atëherë kjo ka sanksion. Nuk mund të vazhdosh jetën tënde normalisht, palidhur këtë marrëveshje me shtetin shqiptar.

Merkel sheh popullaritetin e saj në rënie për shkak të menaxhimit që Gjermania i bëri krizës së emigrantëve. Të dhënat e sondazhit më të fundit konsiderohen dramatike për kancelaren që drejton për një mandata të tretë Gjermaninë. 40% e gjermanëve është shorehur pro dorëheqjes së kancelares për mënyrën sesi ajo trajtoi çështjen e emigrantëve që mësynë në Europë nga Lindja.
Një trend në rënie i mbështetjes për Merkel që vazhdon të konfirmohet me shpejtësi muajt e fundit.

Qeveria ka prezantuar sot projektligjin e ri për regjistrimin e shtetasve shqiptarë që jetojnë jashtë Shqipërisë, Ministri I Brendshëm, Sajmir Tahiri, ka sqaruar përfitimet e dyanshme që rrjedhin nga regjistrimi, i cili do “të përputhë Shqipërinë në letër me atë reale”. Një shifër e dhënë prej tij flet qartë: janë të regjistruar 4.4 milionë shtetas, por nuk dihet sa realisht jetojnë brenda vendit.

Këto shuplaka që u detyruan t’I japin  njër-tjetrit një emigrant shqiptar dhe shoku i tij nga Kazakistani në një rajon të policisë greke kanë vlerë 150 mijë euro.Pas 8 vitesh process gjyqësor ndaj shefit të policisë që i detyroi ata të dhunojnë njëri-tjetrin Gjykata vendosi dëmshpërblimin e tyre nga shteti në vlerën e 150 mijë euro me shpjegimin se organet e rendit duhet të respektojnë të ndaluarit dhe t’I trajtojnë ata me të gjitha të drejtat që u takojnë pa ushtruar asnjë formë dhune.