emerimi

Një muaj më parë në Gramsh u kapën në befasi tre rusë që mbahen ende sot nën akuzën mediatike të spiunazhit. Top-Channel raportoi disa herë se rusët u zbërthyen duke treguar se kishin filmiar Bovillën, ndërkohë që kryeministri Rama provoi se ka më shumë imagjinatë se Muhamed Veliu: sipas tij, rusët krijuan një ngjarje për të tërhequr vëmendjen nga diçka tjetër.
Se nga cila ngjarje kjo nuk dihet për shkak se këtu skandali i lë radhën skandalit e vështirë se ka ngjarje të cilës t’i zgjasë jetëgjatësia e vendit të parë mbi dy ditë.

Sot mediat kanë raportuar se kryeministri Edi Rama ka emëruar në detyrën e zv.ministrit të Financave, Besart Kadinë, i trajtuar si ekspert ekonomie dhe me funksione në Partinë Demokratike. Kadia është i disati zyrtar “opozitar” që merr funksione publike nga qeveria e z. Rama,  e cila sipas një zhargoni të Qëndrestarëve do të duhet të njihet si qeveria e Neobllokmenëve. Në fillim Visho Ajazi që shkoi ambasador, më tej Ridvan Bode në Bankën e Shqipërisë, tani Kadia. Siç mund të shihet z. Rama nuk heq dorë nga bashkqeverisja. Jo me PD-në, aboslutisht jo. Por me ekselentët.

Ish-ambasadori i Britanisë së Madhe në Turqi, Richard Moore është emëruar drejtues i shërbimit sekret, MI6 – shërbimi i jashtëm. Përmes një deklarate qeveria britanike konfirmoi pozicionin e Moore që pason në detyrë Sir Alex Younger që ka mbajtur detyrën për gjashtë vjet.

Moore ka lindur në Libi dhe është diplomuar për filozofi në Oxford. Ai ka hyrë në shërbim në vitin 1987 dhe konsiderohet si një spiun i kualifikuar në komunitetin e shërbimeve.

Sot Presidenti i Republikës ka propozuar Bahri Shaqirin për pozicionin e kryetarit të Kontrollit të Lartë të Shtetit. Deputetët socialistë dhe mediat e pushtetit u lëshuan me paragjykimin se Shaqiri është njëri i afërt i Metës duke i hapur luftë personit që dikur me propozim të socialistëve u bë drejtor i Shërbimit Informativ. 

Për të kuptuar arsyet e largimit të Ftmir Xhafajt ndoshta nevojiten sqarimet e atij vetë, jo vetëm brenda partisë por edhe publikisht. Qytetarët kanë të drejtë të dijnë pse ai hoqi doë nga beteja "pa kompromis" me krimin, për më tepër që ai kishte refuzuar kërkesën e opozitës për t'u doëhequr për çështje që implikonin vëllain e tij. 

Shumë eurodeputetë shprehën indinjatë dhe zemërim të hënën për emërimin e papritur dhe të errët të Martin Selmaier, në postin më të lartë “burokratik” në Komisionin Evropian, atë të Sekretarit të Përgjithshëm të Komisionit Evropian. Selmaier, kreu i zyrës së Presidentit të Komisionit Evropian Juncker  që nga viti 2014, u emërua në postin strategjik muajin e kaluar në një proces ku shumë prej eurodeputetëve nuk hezituan për ta karakterizuar "grusht shteti" që ka goditur rëndë besueshmërinë e të gjithë BE-së.

Gazeta “Panorama” raporton se Arben Isaraj, është emëruar së fundmi drejtor i Drejtorisë së Përgjithshme të Shërbimeve të Transportit Rrugor. A duhet të lodhemi për të kuptuar se çfarë përfaqëson në karrierën e zotërisë një drejtori e tillë? Ndoshta jo, ndoshta po. Në zhargonin e përfoljes së politikës, entet që mbarojnë me “transport” zakonisht asociohen me tendera dhe shumë para në qarkullim. Për të qenë malinj deri në fund, ndoshta edhe ky emërim shpjegohet në këtë mënyrë. Nëse lëmë mënjanë humorin, ka edhe një hipotezë tjetër: ndoshta, z.

Në media po qarkullon së fundmi një listë kandidatësh të Partisë Socialiste për zgjedhjet e përgjithshme të 18 qershorit. Lista siç thuhet zyrtarisht është vendim i mbledhjes së kryesisë, që u parapri nga disa dorëheqje dhe deklarime për moskandidim nga disa deputetë aktualë.

Top-Channel raporton sot se kërkesa e Presidentit të Republikës drejtuar Gjykatës Kushtetuese nuk ka mbërritur akoma në këtë fundit. Pra ajo nuk është protokolluar, duke na zbuluar kështu inteligjencën e Bujar Nishanit, se përse e publikoi kërkesën e tij ditën e shtunë. Nëse kërkesa depozitohet të hënën, atëherë Gjykata  do të duhet të mblidhet sa më shpejt për të vendosur për interpretimin e një çështjeje që është zgjidhur nga vetë praktika e punës që edhe Bujar Nishani ndër të tjerë ka vendosur ndër vite për këtë çështje.

Presidenti i Republikës nuk do të dekretojë emërimin e Arben Ahmetajt në detyrën e ministrit të Financave dhe të Milva Ikonomit në detyrën e ministrit të Ekonomisë, derisa të shprehet Gjykata Kushtetuese. Këtë e raporton Tv Klan, që ka burime të mjaftueshme në Presidencë. “Presidenti i Republikës nuk do t’i dekretojë emërimet e Arben Ahmetajt dhe Milva Ekonomit në Ministrinë e Financave dhe atë të Ekonomisë.