clinton

Shëndeti i Hillary Clinton është tashmë çështje e ditës në fushatën presidenciale amerikane. Rivali i saj direkt, Donald Trump, ka folur për këtë temë në “Fox&Friends” dhe ka dhënë një përgjigje diplomatike:

“Diçka ka, por unë shpresoj që ajo të bëhet mirë dhe të kthehet dhe të shihemi me të në debat”, tha Trump.

Ai e ka akuzuar Clintonin javë më parë se ka fshehur probleme shëndetësore, akuza për të cilat u stigmatizua. Koha i dha të drejtë, por kësaj radhe Trump ka zgjedhur të jetë më njerëzor.

Hillary Clinton, kandidate e Partisë Demokratike për zgjedhjet presidenciale amerikane ka humbur ndjenjat gjatë ceremonisë së 15 vjetorit të 11 shtatorit. Ajo ka braktisur ceremoninë para kohe e shoqëruar nga truprojat. Video e kapur nga një apara celular me sa duket flet qartë se Clinton nuk ndihet mirë, edhe pse Zyra e SHtypit deklaroi se nuk kishte asnjë problem. Rivali i saj, Donald Trump ka folur më herët se Clinton ka probleme dhe shëndeti i Presidentit të SHBA-së, është një çështje jo pa rëndë dhe jo pa ndikim në zgjedhje.

Autoritet amerikane kane publikuar disa dokumente ne lidhje me hetimet e kryera per përdorimin e adresës private te postes elektronike nga kandidatja demokratike Hilari Klinton, ne kohen kur ajo shërbente si sekretare e shtetit. 58 faqet e publikuara përfshijnë intervistat per emërimin presidencial te Klintonit nga demokratet, si edhe detaje te tjera per serverin e saj privat ne rezidencën ne Nju Jork. Ne muajin korrik, FBI-ja i dha fund nje hetimi te gjate 1-vjeçar per te verifikuar nese ish-sekretarja amerikane e shtetit kishte shkelur ligjin me përdorimin e serverit privat.

Nga sondazhi më i fundit Washington Post/ABC News, rezulton se 59% e amerikanëve që janë regjistruar për votim kanë opinion negativ për Hillary Clinton-in. (Qytetarët amerikanë regjistrohen për votim në mënyrë vullnetare – ata që nuk duan të regjistrohen, nuk votojnë). Në të njëjtën kohë, 60% e amerikanëve që janë regjistruar për votim kanë opinion negativ për Donald Trump-in.

Portali american RealClearPolitics perditëson rregullisht rezultatet e sondazheve kombëtare dhe të shteteve kryesore të SHBA-së, në lidhje me garën për Shtëpinë e Bardhë. Gjithashtu , ky portal raporton edhe mbi mesataren e koeficintëve të kompanive kryesore të basteve. Aktualisht mesataret e koeficientëve janë 1.25 për fitoren e Hillary Clinton-it dhe 3.8 për fitoren e Donald Trump-it. Këto koerficientë përkthehen afërsisht në 80% probabilitet për Clinton-in dhe 20% për Trump-in.

E.Z.

Mevlut Çavusoglu ftoi Rusinë të kryejë operacione të përbashkëta me Turqinë kundër Shtetit Islamik në Siri. Deklaratat e Çavusoglu në lidhje me operacionet e përbashkëta turko-ruse kundër Shtetit Islamik në Siri vijnë pas takimit mes Rexhep Tajip Erdogan dhe Vladimir Putin në Shën Petersburg, ku të dyja palët folën për një ri fillim të ri pas krizës diplomatike që shkaktoi rrëzimi i avionit luftarak rus nga forcat turke në Siri.

Dokumentet e Panamasë hapën një dritare tjetër në sistemin botëror të korrupsionit financiar, duke treguar mënyrën sesi liderët politikë dhe bizneset përdorin kompani sekrete në parajsa fiaskale si Ishujt Virgin të Britanisë dhe në shumë shtete amerikane, për të fshehur korrupsionin dhe krime të tjera. Përveç fshehtësisë, sistemi i korrupsionit varet nga një faktor tjetër, që është dhe më i rëndësishë: pandëshkueshmërinë. Mosndëshkim do të thotë që të pasurit dhe të pushtetshmit nuk dënohen edhe kur shkeljet e tyre bëhen publike.

Fushatën elektorale të Amerikës po e ndjek gjithë Shqipëria me vëmendje. E them këtë sepse portalet postojnë vazhdimisht zhvillime në lidhje me zgjedhjet në Amerikë. Në youtube kam ndjekur televizionet kryesore në vend (Tv Klan, Top Channel) me kureshtje dhe kam parë sesi lajmet në lidhje me fushatën elektorale në Amerikë marrin views (shikueshmëri) më shumë sesa shumë lajme apo zhvillime të vendit tonë.

Një “ngjarje” e pazakontë në Melburn të Australisë. Një artist rruge ka pikturuar një mural me Hillari Clinton të paraqitur në kostum banjoje dhe me 100$ futur mes tyre. Këshilli i qytetit ka reaguar duke paralajmëruar me gjobë dhe ndjekje penale poseduesin e mjedisit ku ndodhet muri, gjithnjë me arsyetimin se murali është fyes dhe bie ndesh me ligjin përkatës. Kjo sepse disa banorë janë amkuar, por edhe sepse ai bie ndesh me politikën e këshillit për barazi gjinore. Pas kësaj, artisti me pseudonim Lushux ka kaluar “në të kundërt”.

Në një deklaratë të padëgjuar më parë nga ndonjë kandidat për president të Shteteve të Bashkuara të Anerikës, Donald Trump hodhi dyshime se zgjedhjet e ardhshme presidenciale në SHBA  mund të jenë të manipuluara.

Duke folur në Ohio, Trump  shprehu shqetësimin për intimidim të procesit pa dhënë më shumë shpjegime. Por kur u pyet më pas nga Fox Neës tha “Më 8 nëntor, duhet të jemi  të kujdesshëm, sepse këto zgjedhje do të jenë të manipuluara, dhe unë shpresoj që republikanët t’i monitorojnë nga afër, përndryshe do të na i marrin”.