britania

Përballja me Shtetin Islamik nuk pritet të jetë e lehtë. Ministria britanike e Mbrojtjes parashikon  se operacioni për të zhbërë xhihadistët do të zgjasë të paktën 3 vjet.

Objektiv i sulmeve do të jenë rafineritë e naftës në veri të Sirisë, aty ky është i përqëndruar aktiviteti ekonomik i Shtetit Islamik.

Ministri Majkëll Falon tha se terroristët do të goditen në zemër të sistemit. Një ditë më parë avionët Tornado të flotës britanike shkatërruan një nga rafineritë më të mëdha të naftës që është në duart e xhihadistëve.

57 minuta pas dritës jeshile nga parlamenti, 4 avionë tornado të flotës ajrore britanike nisën bombardimet kundër Shtetit Islamik. Daily Mail raporton se avionët u ngritën nga baza britanike e Akrotirit në Qipro.

HM Revenue and Custom, autoriteti britanik i taksave ka hartuar një listë prej 90 shtetesh, të cilat brenda janarit të 2016 duhet të ndajnë informacionet bankare me to. Shqipëria gjendet në këtë listë…Kjo iniciativë, e shoqëruar me një fushatë, për të cilën prestigjiozja The Telegraph shkruan se po bëhet me qëllim për të “kapur” shkelësit në të gjithë vendet, nënkupton shkëmbimin e informacioneve bankarë nga këto shtete, vetëm për shtetasit britanikë.

Fakti që ISIS përparon dhe ngjan i pamposhtur lidhet deri diku edhe me axhendat e ndryshme që fuqitë e mëdha kanë në Siri. Shembull i qartë është heshtja e Perëndimit ndaj ndërhyrjes ruse në Siri si dhe miratimi me vonesë i sulmeve të Kremlinit. Mirëpo me kalimin e kohës, në vështrim po vjen paqja dhe periudha që pason pastrimin e Sirisë nga militantët e Shtetit Islamik.

India ka vënë në lëvizje procedurat ligjore për një të drejtë e cila prek një aspekt të veçantë në marrëdhëniet ndërkomëbatre: ajo po kërkon nga Britania e Madhe që t’i kthejë diamantin 105 karatësh që zbukuron kurorën e Elisabetës. Diamanti që në Indi quhet Koh-i-Noor – Mali i Dritës, është vendosur në kurorën e Mbretëresësh Nënë gjatë kurorërizimit të burrit dhe vajzës së saj. Sipas biznesmenëve dhe artistëve inidanë që kanë nisur këtë procedurë, diamanti është marrë në rrethana të dyshimta gjatë periudhës koloniale dhe konsiderohet prej disave si pjesë e kulturës dhe historisë indiane.

“Reaction Engines:”, një kompani britanike ka bërë të ditur se ka marrë financimin për zhvillimin e një avioni supersonic, Sabre. Në bashkëpunim me “BAE Systems”, avioni në fjalë, që parashikohet të udhëtojë 25 herë mbi shpejtësinë e zërit, mendohet të ndryshojë realitetin e udhëtimeve hapësinore. Sekreti është tek motorri që mundëson shpejtësi pesë herë mbi shpejtësinë e zërit duke u nisur nga toka. Kompania thotë se motorri kombinon cilësitë e motorrëve supersonikë me ato të anijeve kozmike.

Ndërhyrja e Rusisë në Siri ka krijuar një terren të ri gjeopolitik, duke detyruar Britaninë të rishikojë qëndrimin e saj për konfliktin në Damask. Kryeministri David Cameron bëri të ditur se do të inkurajojë sërish planin për angazhimin ushtarak të Britanisë kundër Shtetit Islamik.
Cameron deklaroi për Daily Mail se operacionet ushtarake britanike në Siri nuk përjashtohen, duke shtuar se ka arsye që fushatat ajrore të zgjerohen përtej Irakut.

Britania po përballet me kërkesën “e çuditshme” për reparacione dhe dëmshpërblime nga Xhamaika, për periudhën e skllavërisë. Kërkesa vjen pak përpara se kryeministri David Cameron të vizitojë këtë vend dhe e tjetërson të gjithë jehonën e saj. Zyra e kryeministrit britanik ka deklaruar se reparacionet apo kërkesa e faljes nuk janë qasja e duhur.

Shkonim sa para–prapa gjatë gjithë darkës. Po, një i njohuri im e pranoi, planet ekonomike të Jeremy Corbyn – rishtetëzimi i industrisë, vendosja e një “page maksimale” – ishin fantastike. Po, është e vërtetë, simpatitë e Corbyn për njerëzit, të cilët ai i ka përmendur si “miqtë tanë te Hezbollahu”, zor se mund të jenë të shëndosha apo racionale. Dhe, sigurisht, udhëheqësi i ri i Partisë Laburiste mund të mos zgjidhet kurrë kryeministër. Por më pas ai psherëtiu: “Të paktën do të zbavitemi sërish”.

Në fillim vetëm pak vetë i futën këmbët në ujë, pastaj të tjerët ndoqën shembullin e tyre, të gjithë duke parë njëri-tjetrin për mbështetje. Kur Greqia e shkatërruar nga masat shtrënguese u vendos nën kushtet që Janis Varufaqis e quan “pushtim postmodern”, me sovranitetin e përmbysur dhe e detyruar të zbatojë akoma dhe më shumë politika që deri tani nuk kanë arritur asgjë veç shkatërrimit, e majta britanike po kthehet kundër Bashkimit Europian, dhe me shpejtësi.