bota

Koronavirusi mund të mos e ketë origjinën në Wuhan. Shkencëtarët e OBSH-së po mbajnë sot një konferencë për të hulumtimet mbi origjinën e SARS-CoV-2 në Kinë, gjatë së cilës deklaruan se është “jashtëzakonisht e pamundur” që virusi të ketë dalë nga një laborator dhe kanë kërkuar që të mos studiohet më tej në teori. Në vend të kësaj, Peter Embarek, udhëheqësi i ekipit të OBSH-së, tha që studime të mëtejshme duhet të kryhen nëse virusi është importuar në vend - ndoshta përmes mishit të ngrirë të shitur në tregun në Wuhan, nga ku u zbuluan rastet e para të të infektuarve.

Ajri i ndotur u ka marrë jetën 8.7 milionë njerëzve gjatë vitit 2018. Praktikisht, një në pesë vdekje të ndodhura në 2018 ka qenë për shkak të ndotjes së ajrit nga djegia e lëndëve djegëse fosile si qymyri dhe nafta. Studimi i ri që ka dalë në këtë konkluzion përllogarit që më shumë se një në 10 vdekje në SHBA dhe Evropë janë për shkak të ndotjes. Në Azinë Lindore, ku hyn Kina, gati një e treta e vdekjeve janë për këtë shkak. Shkalla e vdekjeve në Amerikën e Jugut dhe Afrikë ishte dukshëm më e ulët.

Në Kubë, për herë të parë shteti do të zgjerojë hapësirat për hapjen e biznesve private në shumicën e sektorëve. Ky hap që shënon një kthesë të madhe në vendin komunist u njoftua nga ministrja e Punës, Marta Elena Feito, sipas të cilës, lista e aktiviteteve të autorizuara zgjerohet nga 127, në më shumë se 2 000. 

"Puna private vazhdon të zhvillohet dhe është objektivi i kësaj reforme", citon Feiton agjencia e lajmeve,  AFP. Ajo tha se masa do të "ndihmojë në çlirimin e forcave prodhuese" të sektorit privat.

Më shumë se 70 europarlamentarë i kërkuan dorëheqjen shefit të diplomacisë europiane pas kthimit të tij nga Moska. Duke e quajtur poshtëruese vizitën e Joseph Borrell në Rusi, 73 eurodeputetë kanë nënshkruar deri më tani një letër, në të cilën i kërkojnë presidentes së Komisionit Europian, Ursula von der Leyen, të marrë masa nëse ai nuk largohet.

Agjencia Europiane e Kufijve është në kaos. Akuza për ngacmime në vendin e punës, keqmenaxhim dhe parregullsi financiare rëndojnë mbi kreun e FRONTEX, Fabrice Leggeri.

Para se t’i kalojë miliarde euro nga fondi i rimëkëmbjes, Bashkimi Europian i kërkon Hungarisë të reformojë ligjet e prokurimit publik. Me frikën e abuzimeve me tenderat, BE kërkon ndryshime direkte në ligjet e prokurimit publik të Hungarisë, sipas një dokumenti që Komisioni ka publikuar më 26 janarit, në të cilin specifikohen ligjet që duhen rishikuar nga qeveria e kryeministrit Viktor Orban. Komisioni Evropian është mandatuar të menaxhojë skemën 750 miliardë euro dhe u ka kërkuar disa shteteve të B-së të rishikojnë propozimet e tyre për mënyrën sesi do të përdoren fondet.

Afrika e Jugut pezulloi përdorimin e vaksinës së AstraZeneca-së pasi të dhënat treguan se ajo jepte mbrojtje minimale kundër infeksionit të shkaktuar nga varianti i koronavirusit që u zbulua pak javë më parë në vend.

Pas testeve të kryera nga universiteti i Witsatersrand-it, të cilat sollën rezultate zhgënjyese, ministro o shëndetësisë tha se qeveria mbetet në pritje të fjalës së shkencëtarëve.

Për herë të parë në historinë e Kishës Katolike, një grua caktohet në një detyrë të rëndësishme.

Papa ka caktuar si nënsekretare e Sinodit të Ipeshkvijve francezen Nathalie Becquart. Ajo do të ketë të ketë të drejte vote në këtë trupë vendimmarrëse, e cili këshillon Papën dhe diskuton disa nga çështjet më të diskutueshme në Kishën Katolike Romake. Zonja Becquart ka punuar me sinodin si konsulente që nga viti 2019.

Microsoft do t’u ndalojë donacionet ligjvënësve republikanë, të cilët refuzuan të certifikojnë fitoren e zgjedhjeve të Joe Biden. Gjiganti i teknologjisë do t’i kanalizojë këto fonde në drejtim të "promovimit të demokracisë".

Në këtë mënyrë, Microsoft ngrin të gjitha kontributet politike si dhe ato për organizatat e lidhura me republikanët që kanë pretenduar për manipulimin e votës, të paktën deri në 2022. 

Gjermania nuk duhet të heqë mbështetjen për projektin e gazsjellësit Nord Stream 2 nga Rusia, pavarësisht qëndrimit në lidhje me burgosjen e liderit të opozitës ruse. Armin Laschet, njeriu që ka më shumë shanse të bëhet kancelari gjerman i radhës, thotë se në politikë duhet të jesh realist.

"Ne duhet ta marrim botën siç është, në mënyrë që ta bëjmë atë më të mirë".