bota

“Masakra e shtetit”, një libër i shkruar nga dy skeptikë të vaksinimit ka vënë në qendër të debatit në Itali prokurorin e Katanzaros. Megjithëse duken dy gjëra që vështirë të lidhen bashkë, prokurori i njohur për luftën kundër Ndrangheta-s, është në qendër të polemikës që ditët e fundit ka gjetur hapësirë në mediat e vendit fqinj.

Qeveria polake ka marrë përsipër të mbrojë NATO-n nga Covid-19. 3500 doza të vaksinës Oxford / AstraZeneca - mjaftueshëm për të vaksinuar të gjithë punonjësit e NATO-s në selinë në Bruksel, janë siguruar nga Polonia. Lajmin e konfirmoi sekretari i përgjithshëm i NATO-s, Jens Stoltenberg.

Franca akuzon Rusinë se po e përdor vaksinën e saj, Sputnik V, si një mjet për të përhapur ndikimin dhe mesazhin e Moskës dhe jo si mënyrë për të luftuar krizën globale të shëndetit.

"Për sa i përket mënyrës se si menaxhohet, ajo (vaksina Sputnik V) është më shumë një mjet propagande dhe diplomacie agresive sesa një mjet solidariteti dhe ndihme shëndetësore", i tha ministri i Jashtëm, Jean-Yves Le Drian, radios France Info.

Ndërsa EMA i hapi sërish rrugën vaksinimit me AstraZeneca në Europë, një tjetër pengesë del në SHBA për vaksinën e Oksfordit. Të hënën, AstraZeneca publikoi rezultatet e testeve klinike në SHBA, të cilat tregojnë se ajo është 79% efektive në parandalimin e Covid-19, por Instituti Kombëtar për Alergjitë dhe Sëmundjet Infektive ngriti shqetësimin se këto rezultate mund të jenë të vjetra.

Presidenti francez, Emmanuel Macron, paralajmëron se Turqia mund të ndërhyjë në zgjedhjet e Francës vitin e ardhshëm. Në një intervistë për France 5, Macron tha se nuk mund të qëndrojë indiferent ndaj një përpjekjeje të tillë.

“Mendoj se duhet të jemi të qartë në këtë pikë. Unë mendoj se kjo është e padurueshme. Nuk dua të angazhohem sërish në një marrëdhënie paqësore nëse pas shpine po bëhen manovra të tilla", citohet Macron nga Euronews.

Ministri i Jashtëm rus konfirmoi ndërprerjen e marrëdhënieve me Bashkimin Europian. Lavrov zgjodhi ta bënte këtë deklaratë gjatë një konference të përbashkët shtypi me homologun kinez, Wang Yi.

“E gjithë infrastruktura e marrëdhënieve me Bashkimin Evropian është shkatërruar nga hapat e njëanshëm të ndërmarrë nga Brukseli, kështu që Moska nuk ka më marrëdhënie me atë organizatë”, tha Lavrov.

Kreu i diplomacisë ruse bëri fajtore Europën për prishjen e marrëdhënieve.

SHBA vijon të kundërshtojë gazsjellësin Nord Stream 2. Sekretari i Shtetit, Anthony Blinken, në vizitën e tij të parë në NATO, tha se presidenti Biden e ka bërë të qartë qëndrimin e tij në lidhje me projektin.

“Presidenti Biden ka qenë i qartë. Nord Stream 2 është një ide e keqe për Europën dhe SHBA-të”, tha ai.

Krizat nuk rëndojnë mbi të mëdhenjtë, madje prej tyre ata dalin të fituar. Edhe pse natyra e krizës që shkaktoi pandemia është tjetër nga ajo e recesionit dhe vështirë mund të mendosh se do të ishte fitimprurëse për një prodhues të makinave luksoze, në fakt ka rezultuar e kundërta. Për Lamborghini-n, vitit 2020 ka qenë më fitimprurësi, pavarësisht se prodhuesi italian i mbylli dyert përgjatë dy muajve të karantinës.

Një deputet i CSU-së në Bavari dhe dorëheqjen pas akuzave për konflikt interesi, që lidhet me fushatën e ish-kryeministrit maqedonas, Nikolla Gruevski, pesë vjet më parë.   

Tobias Zech, nga radhët e CSU, partia motër e partisë CDU të Angela Merkel, u dorëhoq të enjten, raportuan Passauer Neue Presse dhe Münchner Merkur.

Siria akuzon SHBA-të se po plaçkitin burimet e naftës në vend. Ministri sirian i Naftës dhe Burimeve Minerale, Bassam Tomeh, tha për televizionin al-Ikhbariyah në Siri, se SHBA kontrollon 90 për qind të rezervave të papërpunuara në verilindje të Sirisë të pasur me naftë.

"Amerikanët dhe aleatët e tyre ia kanë vënë syrin naftës siriane dhe cisternave të saj njësoj si piratët", është shprehur ai.