bota

Ndryshe nga sa mund të kenë menduar disa, administrata Biden duket se nuk ka ndërmend të ndryshojë nga paraardhësja sa i takon qasjes ndaj gjigantit kinez të teknologjisë, Huawei.

Komisioni Federal i Komunikimit (FCC) e ka konsideruar Huaëei-n një kërcënim për sigurinë kombëtare amerikane.

FCC njoftoi të premten se firma, si dhe katër kompani të tjera kineze, paraqesin "një rrezik të papranueshëm për sigurinë kombëtare të SHBA ose sigurinë dhe sigurinë e shtetasve amerikanë".

Tre punonjës të sistemit shëndetësor në Norvegji, të vaksinuar kohët e fundit me AstraZeneca, po trajtohen në spital për hemorragji, mpiksje të gjakut dhe rënie të nivelit të trombociteve.

Norvegjia ndaloi të enjten shpërndarjen e vaksinës AstraZeneca, pasi të njëjtën gjë bëri edhe Danimarka. Islanda u bë vendi i tretë që ndoqi shembullin e tyre.

"Ne nuk e dimë nëse rastet janë të lidhura me vaksinën", tha Sigurd Hortemo, një mjek i vjetër në Agjencinë Norvegjeze të Barnave në një konferencë për shtyp.

Të tre individët që patën efekte anësore janë nën 50 vjeç.

Në 1989, një ekip mercenarësh britanikë, të udhëhequr nga skocezi Peter McAleese, udhëtoi për në perandorinë kriminale të njeriut më të rrezikshëm në botë, me qëllimin për ta ekzekutuar.

Pablo Escobar ishte udhëheqësi i kartelit të drogës Medellin në Kolumbi dhe një nga kriminelët më të pasur në histori.

Ai ishte prodhuesi dhe shpërndarësi më i madh i kokainës në botë, përgjegjës për deri në 80% të tregtisë globale të drogës në atë kohë.

Ish-operativi i SAS-it, McAleese, u rekrutua nga një kartel rival kolumbian për të vrarë Escobar-in.

Uashingtoni ka refuzuar një kërkesë të kompanisë farmaceutike AstraZeneca për t’i dhënë BE-së një pjesë të rezervave të vaksinës në SHBA - që nuk mund të përdoren ende atje. Kërkesa vjen në një kohë kur në Bashkimin Europian, AstraZeneca nuk po arrin të përmbushë objektivat e furnizimit me vaksinë.

Presidentja e përkohshme që mori detyrën në Bolivi pas rrëzimit të Evo Morales është arrestuar me dyshimin e organizimit të një kryengritjeje.

Jeanine Anez u vu në pranga pasi gjykata lëshoi të premten urdhrin e arrestimit të saj, njoftoi ministri Carlos del Castillo në Twitter. Ai e cilësoi arrestimin si një hap përpara për t'i dhënë popullit bolivian drejtësinë e merituar.

Testet bërthamore që Franca ka kryer dikur në shkretëtirën algjeriane, tani po kthehen në Europë.

Pluhuri radioaktiv i Saharasë ka kaluar mbi Francë që nga shkurti, njoftoi Shoqata për Kontrollin e Radioaktivitetit në Perëndim.

Pluhuri zhvendoset nga era dhe po rrit ndotjen në disa pjesë të Evropës Jugore. Shkencëtarët konfirmuan se pluhuri është radioaktiv pasi mblodhën mostra.

Nivelet aktuale të rrezatimit nuk konsiderohen të rrezikshme.

Administrata Biden ndryshon qasjen në raport me Bashkimin Europian. Presidenti Joe Biden është i vendosur të rikthejë partneritetin SHBA-BE dhe ka rënë dakord të pezullojë tarifat që erdhën si pasojë e mosmarrëveshjes Boeing-Airbus dhe të punojë për ta zgjidhur çështjen me Organizatën Botërore të Tregtisë.

Lajmin e bëri të ditur Shtëpia e Bardhë, pas thirrjes telefonike midis presidentit amerikan dhe presidentes së Komisionit Evropian, Ursula von der Leyen.

Duket si një vizion i pamundur, një megaqytet në shkretëtirë pa makina apo rrugë, por me makineri të njohjes së fytyrës.

Princi Mohammed bin Salman është i bindur t’i shkojë në fund projektit të tij me vlerë 500 miliardë dollarë, që synon të diversifikojë ekonominë e Arabisë Saudite. Në kuadër të këtij projekti pritet të punësohen 700 persona gjatë këtij viti.

Por ndërkohë që ky projekt, i emërtuar NEOM, po shitet si vizioni i një të ardhmeje të ndritur,  investitorët ndërkombëtarë kanë disa sfida përpara.

Origjina e virusit SARS-CoV-2 mbetet ende e paqartë. Pavarësisht se një ekip i OBSH-së kreu hetime Vuhan, qytetin kinez ku u shfaq për herë të parë virusi, nuk ka ende një përgjigje përfundimtare për pyetjen: Nga erdhi virusi?   

Raporti përfundimtar që ekipi hartoi pritet të hidhet poshtë.  Një ekip nga Organizata Botërore e Shëndetësisë po planifikon ta eliminojë raportin e përkohshëm mbi misionin e fundit në epiqendrën e pandemisë në Kinë.

Presidenti francez, Emmanuel Macron, ka pranuar për herë të parë se forcat e vendit të tij "torturuan dhe vranë" luftëtarin algjerian të lirisë, Ali Boumendjel, në 1957.

Macron e bëri këtë rrëfim "në emër të Francës" gjatë një takimi me nipërit e mbesat e Boumendjel, duke dhënë një shpjegim të sinqertë dhe zyrtar për vdekjen e tij mbi 60 vjet më parë, një ngjarje që deri deri më tani është klasifikuar si vetëvrasje.

Një deklaratë zyrtare nga Pallati Elysee konfirmoi që Boumendjel u torturua dhe më pas u vra më 23 mars 1957, pasi u arrestua gjatë betejës së Algjerit.