borxhi

Një nga kritikat që i adresohen qeverisë është se nuk ka bërë asnjë bilanc të politikave ekonomike dhe se i ikën këtij diskutimi me vetëdije të plotë. U desh shpërbërja e koalicionit që në publik të dalin shifra dhe bilance të pjesshme mbi situatën ekonomike të vendit. Shifrat janë dhe këto i di shumë mirë kryeministri, ministri i Financave por edhe kryetari i Kuvendit Ilir Meta. Ndonëse pjesën më të madhe në diskutimet publike e zënë intrigat politike shkarazi përmenden edhe shifra që tregojnë se realiteti nuk është ai që na përcillet për një rimëkëmbje të Ekonomisë.

Kredia prej 100 milionë dollarë për qeverinë shqiptare nga Banka Botërore është dhënë si mbështetje buxhetore, pas fuqizimit të sistemit fianciar. Kështu e ka vlerësuar zëvendësministri I Financave, Erion Luçi, huanë me terma të butë të Bankës Botërore. Në një intervistë për "Tema Tv", Luçi thotë se ky fond pritet të ulë nivelin e kredive me problem, të rrisë kreditimin në ekonomi, por thekson se kjo kredi nuk ndikon në rritjen e borxhit, pasi ai është i parashikuar me ligj në buxhet.

Përmes një serie deklaratash politike dhe disa tubimesh mes militantësh, kohët e fundit po promovohet në publik me germa të mëdha “One Billion Project” – një miliard dollarë më shumë që do t’u shtohen investimeve publike gjatë katër viteve në vazhdim. Efektivisht, duke shtuar dhe investimet publike të programuara sipas rregullave normale buxhetore, investimet publike pritet të shkojnë në 1 miliard dollarë në vit! Kjo është gjëja më e dëshirueshme dhe që publiku sigurisht që e mirëpret.

Ish-Kryeministri Sali Berisha ka deklaruar në një intervistë për "AbcNews" se Fondi Monetar Ndërkombëtar nuk duhet të largohet para zgjedhjeve. Ky është një qëndrim që bie disi ndesh me sjelljen e tij më parë, por Berisha thotë se ikja e FMN-së në kushtet e një borxhi 73% krijon pasiguri për investimet e huaja. Berisha ka shtuar se në kohën e tij FMN-ja u largua vetë për shkak të sigurisë që krijoi qeveria e tij. Një debat që pritet të jetë jo i vogël.

Fondi Monetar dhe Banka Botërore raportohet se kanë dhënë miratimin për rritjen e pagave dhe pensioneve dhe financimin e Reformës në Drejtësi me buxhetin e 2017-s. Ministri i Financave, Arben Ahmetaj, i cili ndodhet në SHBA, ku po mbahen takimet vjetore të Fondit Monetar Ndërkombëtar dhe Bankës Botërore, tha dje për “Top Channel” se se rritja e pagave dhe pensioneve nuk do të sjellë rritje të borxhit. “Për vitin tjetër buxhetor jemi afër dakordësisë për të financuar një sërë reformash, si atë në drejtësi, atë territoriale, atë në administratën publike dhe rritjen e pagave dhe pensioneve.

Autostrada Tiranë-Elbasan, një nga investimet më strategjike të qeverisë së kaluar rrezikon të mbetet e papërfunduar. Kompania greke "Aktor", e kontraktuar nga qeveria shqiptare për ndërtimin e rrugës, rezulton të ketë dhjetëra milionë euro borxhe.

“Të dhënat e saj financiare, pranë Qendrës Kombëtare të Biznesit tregojnë se borxhi i “Aktor” në fund të vitit të kaluar ishte 7.4 miliardë lekë, ose 54 milionë euro. Më shumë se gjysma e këtij borxhi, rezulton të jetë ndaj furnitorëve të shoqërise”, raporton “Abc News”.

Ditët e fundit, në mediat shqiptare u raportua se borxhi publik shqiptar u rrit këtë vit. Javët e fundit, në mediat amerikane u raportua se numri i njerzve me ngjyrë të vrarë nga policia është përpjestimisht më i lartë se i të bardhve.

Të dyja raportimet janë të sakta, por tregojnë vetëm gjysmën e së vërtetës – ato bazohen vetëm në numëruesin e thyesës, duke lënë në hije emëruesin e saj.

Nuk do të ketë rritje pagash dhe pensionesh për vitin 2016. Ky fakt është konfirmuar nga sekretarja e Përgjithshme e Ministrisë së Financave, Geraldina Prodani, gjatë një interviste në emisionin “Ekopolitikë” në “Ora-News”. “Në korrik, kur do të bëhet rishikimi i buxhetit, nuk është parashikuar rritje pagash dhe pensionesh, pasi objektivi do të jetë ulja e borxhit. Nuk do të ketë rritje të pagave dhe pensioneve në rishikimin e buxhetit në korrik. Rritja e pagave dhe pensioneve mund të jetë pjesë e buxhetit 2017”, u shpreh Prodani.

Ministrat e financave të eurozonës kanë arritur një marrëveshje për lehtësimin e borxhit grek, si dhe çlirimin e 10,3 miliardë eurove nga kredia e akorduar për shpëtimin e Greqisë. Pas 11 orë diskutimesh, ministrat kanë vendosur që transhi i kredisë të jepet në disa duar dhe pjesa më e madhe, me vlerë 7,5 miliardë euro të disbursohet në muajin qershor.

Ekspertët gjermanë të zhvillimit tërheqin vëmendjen për zhvillime të reja të rrezikshme lidhur me krizën e borxheve shtetërore në vendet në zhvillim dhe ato në ekspansion. “Ne shohim prej vitesh një përkeqësim dramatik të situatës së borxheve në hemisferën jugore në përgjithësi”,- deklaroi Jürgen Kaiser nga organizata “Erlassjahr.de” gjatë paraqitjes së raportit të borxheve 2016 të përpiluar bashkërisht me organizatën e ndihmës Misereor.