berisha

Tom Doshi, kryetar i Partisë Socialdemokrate është paraqitur sot në SPAK. Arsyet nuk dihen, por emri i këtij personi pëshpëritej prej kohësh se ka çështje të hapur. 

Zoti Doshi është kandidat në Shkodër për 11 majin, por me thirrjen në SPAK ecuria e mëtejshme nuk është e qartë. Megjithatë këtu ka vend për një vërejtje, nëse i konsiderojmë akuzat e Sali Penxheres si të vërteta.

Doshi, Benet Beci dhe Pëllumb Gjoka ishin sipas Berishës njerëzit e PS-së në Shkodër. 

Ka një përpjekje të pakuptimtë nga disa aktorë të opozitës për të krahasuar rastin e Donald Trump me atë të Sali Berishës. Në aspektin gjyqësor dhe mandej atë politik, duke supozuar se njësoj si Trump në ShBA edhe Berisha qëndron i vetëm përballë establishmentit në Shqipëri. 

Nëse heqim kullat e Tiranës, ky krahasim edhe mund të kalonte si një argument i mendjeve të irrituara të asaj që sot edhe z. Berisha e quan “partia më e madhe e opozitës” në mbështetje të një teorie viktimizimi dhe analogjie të Davidit me Goliatin. 

Gjykata e Lartë kundër Krimit dhe Korrupsionit vendos sot për kërkesën që SPAK ka dërguar në lidhje me masën e sigurisë për ish-kryeministrin Berisha.

Pasi mori autorizimin nga Kuvendi, institucioni më i lartë i akuzës në vend iu drejtua GJKKO-së me kërkesën për të ashpërsuar masën e sigurisë ndaj Berishës, nga detyrim paraqitjeje në arrest shtëpie me mbikëqyrje policore.

Ish-kryeministri është nën hetim për korrupsion në privatizimin e ish-klubit sportiv “Partizani”.

Mesazhi i fundit zgjedhor në vitin 1991. Sali Berisha si drejtues i PD-së, asokohe në opozitë, përballë Ramiz Alisë, president dhe drejtues i Partisë së Punës së Shqipërisë. Tani, për kuriozitet dhe këqyrje e stilit duhet të vërejmë se Alia është teknikisht më afër politikanit të sotshëm dhe se Berisha nuk ka ndryshuar në qasjen "ju do votoni për ne për arsyet që ua them unë". Thjesht kuriozitet sesi ca gjëra nuk ndryshojnë. 

Në një reagim të vetin kreu i Rithemelimit Sali Berisha ka deklaruar se largimi i Damian Gjiknurit nga detyra e Sekretarit të Përgjithshëm përfaqëson një vetëakuzë të asaj që ai e quajti “kupolë” të PS-së.

Gjiknuri është një kufomë e pakallur politike në hetim ndërkombëtar

ka thënë Berisha.

Ish-kryeministri Sali Berisha ka dalë sot në një konferencë për shtyp përmes së cilës ka akuzuar ambasadorin aktual të Britanisë së Madhe në Tiranë, Alastair King Smith dhe paraardhësin e tij, Norman Duncan, se kanë përcjellë për Home Office informacione të rreme përmes të cilave është realizuar vendimi për shpalljen e tij non grata nga Londra zyrtare.

Sot në Parlamentin e Shqipërisë është diskutuar për Kosovën dhe situatën në veri. Siç mund të pritej, kërkesa e opozitës formale që të flitet për situatën është hedhur poshtë nga shumica parlamentare e cila është e detyruar t’I nënshtrohet qëndrimit të kryeministrit Edi Rama, që e mohoi ditën me diell vëllazërinë që aq shpesh e shpall, pse sipas tij Shqipëria ka rreshtim euroatlantik.

Saliu sot ka ka kërkuar nga krerët e grupeve të partisë së tij që të gjejnë prova për manipulimin zgjedhor. Tha edhe se me zgjedhjet e fundit koalicioni i tij shpëtoi Shqipërinë nga monizmi bashkiak.

Më tej në daljen publike akuzoi mediat që kërkojnë prova për manipulimin si skllave të mafies.

Shqipëria ka sot dy probleme themelore: një qeverisje kriminale në kuptim të implikimit në korrupsion dhe e dyta; kjo qeverisje konfirmohet me votë. Për shkak të një opozite që nuk arrin dot të përfaqësojë tashmë veçse historinë e vet që po e ezauron si ekzistencë në mbijetesë. 

Skënder MInxhozi ka këshilluar sot në distancë kolegët e vet në media që të mësojnë ta shohin si duhet rrezikun “Berisha”. Nisur nga një lapsus i Berishës për emrin e një kandidati – a thua kanë rëndësi kandidatët në këto kohë – Minxhozi vë në dukje se ironizimi i Berishës në këtë rast është gabim, pasi ish-kryeministri nuk është problem si një politikan sklerotik. Përkundrazi, MInxhozi na kujton se Berisha ka shumë energji dhe se ai përfaqëson një rrezik pasi nuk ka ndryshuar asgjë nga stili i vet.