Basha

Partia Demokratike duket se nuk do të kërkojë ndryshim të sistemit zgjedhor, duke lënë në fuqi atë aktual, ku listat e kandidatëve hartohen nga kryetarët e partive sipas marrëveshjes kushtetuese Rama-Berisha të vitit 2008. I pyetur në emisionin “Top Story” për mundësinë e ndryshimit të sistemit sipas ligjit grek ku partia fituese merr një bonus deputetësh që i sigurojnë mazhorancën e thjeshtë, Basha tha se opozita i mëshon një vullneti të ri politik dhe jo përmirësimeve teknike në ligj.

Partia Demokratike po vendos së fundmi disa precedentë jo shumë pozitivë në skenën politike, edhe kështu e dërrmuar në imazh publik. P.sh po vihet re se kritikën dhe kërkesën për një analizë të humbjes më 21 qershor e bën ish-kryeministri Sali Berisha dhe njerëz që kanë qenë afër tij përherë. Më e pazakonta është koha kur po zgjidhen këto insinuata që krijojnë presion të madh mbi kryetarin e PD-së, Lulzim Basha është zgjedhur pikërisht pasi afera e CEZ-it kaloi.

Situata në Partinë Demokratike është e rënduar dhe po reflekton mosaprovimin për manovrat e kryetarit të saj. Shenjat e para u dukën që pas zgjedhjeve lokale, ku PD-ja mori një goditje shumë të fortë; u mbulua me heshtje pasi Lulzim Basha, kryetari, shtyu analizën e humbjes me idenë e fitimit të kohës, dhe del sot në sipërfaqe pasi është momenti i përballjes. Shkak është bërë raporti i sugjeruar për analizën e humbjes i cili ka shkaktuar probleme.

Rritet tensioni mes krerëve të PD në rrethe dhe ish-ministrave të kësaj partie. Këta të fundit kanë reaguar në një mbledhje grupi të PD, duke i kërkuar kryetarit Lulzim Basha që të mos lejojë fyerjet dhe sulmet e tyre. I pyetur nga “Panorama”, kreu i PD në Vlorë, Moisi Meminaj thotë: “Ju lutem na lini të qetë të punojmë për fitoren e vitit 2017. Ta riformatojmë, ta sjellim sërish PD-në fituese ashtu siç i takon. Na e latë Vlorën me 3 deputetë në vitin 2013, e çuam në 4 deputetë në vitin 2014, na lini ta çojmë në 5 deputetë në vitin 2015”.

Sot Partia Demokratike shpërndan një njoftim për pjesëmarrjen e kryetarit të saj, Lulzim Basha, në ceremoninë familjare të përkujtimit të ditës së lindjes Ahmed Zogut, monarku i Shqipërisë, në periudhën 1928 – 1939. Zogu është një figurë historike e cila është në shqyrtim e sipër, për të është hedhur shumë baltë dhe puna për nxjerrjen në kontesktin e objektivitetit është ende e madhe. Mirëpo kjo vlen fillimisht për historianët, e mandej për politikën, e cila të paktën aspektin formal e ka për detyrë ta ruajë.

Grupi parlamentar i Partisë Demokratike është përfshirë dje nga debatet e brendshme dhe shkak është bërë sulmi i ditëve të fundit, që disa krerë lokalë po u bëjnë deputetëve dhe ish­ministrave demokratë për mos angazhim në zgjedhjet lokale të 21 qershorit. Pas dy vitesh nën drejtimin e Partisë Demokratike, kryetari Basha është përballur me akuzat se po përkrah një sërë prurjesh të reja në PD, duke lënë në hije, madje edhe duke i cilësuar si pengesë “senatorët e vjetër”.

Para se të linte postin e kryebashkiakut të Tiranës, Lulzim Basha dha një numër të konsiderueshëm lejesh ndërtimi.  Monitor shkruan se nga 99 lejet e ndërtimit që janë lëshuar në të gjithë vendin në tremujorin e dytë vetëm në Tiranë janë dhënë rreth 70 për qind e tyre ose 64 leje. Pjesa tjetër, 23 leje janë në qytetin e Durrësit. Në Berat është dhënë vetëm një leje në Vlorë tre leje, në Fier 4 leje dhe në Shkodër katër leje.

Kreu i PD-së, Lulzim Basha, ka akuzuar kryeministrin Edi Rama se ka favorizuar një klient të vetin me një tender 5 milionë euro. Duke folur nga Lushnja, Basha tha se tenderi është dhënë për rikonstruksionin e godinës së OSHEE-së pavarësisht se oferta ka qenë 750 milionë lekë më e lartë. “Sot është bërë e ditur se tenderi prej 5 milion dollarësh i OSHE të kërbaçit mbi qytetarët, i padrejtësisë, i vetëflijimit të Qamil Zelës ia kanë dhënë, me një dorë ndërtuesit të Sarajeve të Edi Ramës, Eurocol. Kishte ofertën më të lartë, 750 milion lekë më shumë, por ishte oferta e mikut të Edi Ramës.

Lulzim Basha ka këndvështrimin e tij për takimin që mesa duket ka mbyllur përplasjet mes dy partnerëve të koalicionit Rama e Meta. Në një prononcim pas mbledhjes së kryesisë së Partisë Demokratike, Basha bëri komentin e tij për këtë takim:

Kryeministri Edi Rama doli dje kundër idesë së hetimit ndërkombëtar të aferat e CEZ-it. Gjatë intervistës për “Zërin e Amerikës”, kryeministri tha se Shqipëria ka institucionet e veta, të cilat mundet të zbardhin çështjen. Diçka e papritur kur për disa muaj rresht kemi dëgjuar se drejtësia është një bandë që funksionon si korporatë. Një pyetje për personin që sot merr rrogën si kryeministër nga opozita: “Ka dy vjet që shan, mallkon, akuzon dhe shantazhon sistemin e drejtësisë, por kur duhet të mbrojë aferat e tij shndrrohet si askush tjetër në avokat të saj.