australi

Bashkëthemeluesi i WikiLeaks, Julian Assange, është liruar nga burgu i sigurisë maksimale në Belmarsh në Mbretërinë e Bashkuar. Assange rifitoi lirinë si pjesë e një marrëveshjeje për pranimin e fajësisë me Departamentin e Drejtësisë të SHBA.

Ai ka kaluar pesë vjet i izoluar në Londër ndërsa kundërshtonte ekstradimin në SHBA, ku akuzohet për marrjen dhe zbulimin e paligjshëm të materialeve të sigurisë kombëtare që hedhin dritë mbi krimet e dyshuara të luftës amerikane.

Aksesi i kompanive të sigurimit në informacionin shëndetësor të klientëve të tyre po çon në atë që ka marrë emrin diskriminim gjenetik. Përparimi i teknologjive mjekësore ka bërë të mundur që shumë t’u drejtohen atyre për testimin gjenetik, nga i cili mund të mësohet predispozita për sëmundje të rënda si kanceri.  

Por njëkohësisht me personin që e kryen këtë testim, rezultatet mund të arrijnë edhe te kompanitë e sigurimit, të cilat më pas refuzojnë sigurimin e jetës për klientë të tillë dhe familjarët e tyre.

Një pikturë holandeze 400-vjeçare me vlerë deri në 5 milionë dollarë është gjetur në një pronë në Uellsin e Ri, Australi. “Natyrë e qetë” i përket shekullit XVII dhe paraqet një tavolinë luksoze tipike të epokës së artë holandeze dhe mendohet të ketë qenë vepër e Gerrit Willemz Heda.

Megjithatë, disa ekspertë besojnë se mund të jetë një bashkëpunim me babain e tij, mjeshtrin holandez Willem Claesz Heda, veprat e të cilit vlerësohen  sot në miliona dollarë.

Paleontologët australianë kanë identifikuar një specie të re dinosaurësh, më i madhi i gjetur ndonjë herë në Australi dhe një prej më të mëdhenjve në botë.

Australotitan ose ndryshe titani i jugut,  mendohet të ketë pasur një gjatësi rreth 25-30 metra dhe lartësi 5-6.5 metra, praktikisht sa një fushë basketbolli i gjatë dhe sa një ndërtesë dykatëshe i lartë. Rezultatet e kërkimit u publikuan në revistën shkencore "PeerJ".

Shqipëria ka hapur ambasadën e saj në Canberra të Australisë. Lajmi është publikuar edhe në mediat australiane që raportojnë se në ceremoninë e rastit kanë marrë pjesë edhe pjesëtarë të komunitetit shqiptar në Australi.

Drejtues i misionit është i Ngarkuari me Punë Edmond Trako që ka qenë më parë në Lisbonë dhe në Argjentinë.

Tani është radha juaj, e Australisë që të hapni ambasadën në Shqipëri, sepse mbulimi i Shqipërisë vijon të bëhet nga Italia

citohet të jetë shprehur Trako.

Ikaria wariootia, kështu quhet ajo që shkencëtarët e shpallin si paraardhëse të të gjitha kafshëve, përfshirë njeriun. Krijesa duket si një krimb dhe konsiderohet bilateriani i parë, pra krijesa e parë me dy anë simetrike, një pjesë të parme dhe të pasme, një fillim dhe fund të lidhur nga një zorrë.

Një tjetër kryebashkiak i Queensland në Australi u arrestua si pjesë e një hetimi për donacionet politike nga zhvilluesit e pronës. Kryebashkiaku i Logan, Luke Smith akuzohet se gënjeu Komisionin e Krimit dhe Korrupsionit (KKK) në një seancë lidhur me hetimin e donacioneve.

Smith është akuzuar për korrupsion zyrtar dhe dëshmi të rreme. KKK thotë se 48-vjeçari gënjeu për Operacionin Belcarra, i cili po hetonte nëse Smith kishte ndikuar në vendimet e zhvillimit të pronave nga të cilat përfitonin donatorët e fushatës.

Drejtuesja e të djathtës ekstreme në Australi Pauline Hanson ka veshur burka në sallën e seancave të senatit Australian. Akti i saj ka provokuar reagime dhe ministri George Brandis ka bërë thirrje që të shmangen fyerjet ndaj grupeve të ndryshme. Sipas tij këto veprime mund të prekin rreth 500 mijë australianë që klasifikohen si aderues të besimit islam. Hanson është e angazhuar në ndalimin e burkës në mjedise publike, por Brandis ka deklaruar prerë se kjo gjë nuk do të ndodhë.

Disa dëshmi okulare të dhëna në Queensland kanë nxitur shkencëtarët që të nisin ekspedita kërkimore për tigrin e Tasmanisë, i menduar se është zhdukur 80 vite më parë. Sipas të dhënave të derisotme, thylacine e fundit vdiq në vitin 1936 në Hobart, ai është zhdukur nga Austrialia 2000 vjet më parë, por siç raportohet, dëshmitë që flasin për “kafshë që duken si qenë, por që nuk janë as dingo dhe as dhelpra”, mund të ndryshojnë diçka.

Një “ngjarje” e pazakontë në Melburn të Australisë. Një artist rruge ka pikturuar një mural me Hillari Clinton të paraqitur në kostum banjoje dhe me 100$ futur mes tyre. Këshilli i qytetit ka reaguar duke paralajmëruar me gjobë dhe ndjekje penale poseduesin e mjedisit ku ndodhet muri, gjithnjë me arsyetimin se murali është fyes dhe bie ndesh me ligjin përkatës. Kjo sepse disa banorë janë amkuar, por edhe sepse ai bie ndesh me politikën e këshillit për barazi gjinore. Pas kësaj, artisti me pseudonim Lushux ka kaluar “në të kundërt”.