armo

Raportimi i ministrit të Financave në mbledhjen e grupit parlamentar socialist, i ideuar si vitrinë televizive e arritjeve ekonomike të qeverisë për 6-mujorin e fundit rrëshqiti edhe në pyetje të paparashikuara që Arben Ahmetaj nuk u dha përgjigje.

Nisi të ndërtohej në vitin 2007, përfundoi në vitin 2011, kushtoi 130 milionë euro dhe nuk u vu për asnjë ditë në punë.

Kjo është me pak fjalë historia e Termocentralit të Vlorës, një vepër e kushtueshme, e projektuar për të krijuar burime alternative energjetike, por që mbetet një stok jofunksional për shkak të një garancie bankare që shkon në 4 800 000 euro.

Situata juridike dhe gjyqësore e tij është një shfaqje absurde, ku dalin në dritë një sërë institucionesh që veprojnë ose nuk veprojnë, që veprojnë keq, apo edhe që luajnë lojëra interesash të paqarta.

Rezart Taçi vijon të ketë problem me drejtësinë. Kësaj radhe është Prokuorira e Tirans që ka dërguar na Apel për gjykim Taçin me akuzën e mospagesës së TVSH-së, akcizës dhe taksës së karbonit gjatë kohës që ka patur në administrim kompaninë “Armo”. Lajmi bëhet i ditur nga Top-Channel dhe sipas asaj që raportohet bëhet fjalë për 8 milionë euro.

Sipas prokurorisë, shmangia e këtyre detyrimeve kap një vlerë që shkon mbi 8 milionë euro.

Falimentimi i rafinerisë së ARMO-s ka vendosur qeverinë përballë naftëtarëve, të cilët kanë nisur një protestë, duke bllokuar rrugën. Zhgënjimi është dyfish, pasi naftëtarët janë votues të Partisë Socialiste siç shprehen.

1 vit pas rivënies në punë nga një firmë amerikane e regjistruar në ishujt britanikë Virxhin në bashkëpunim me një firmë shqiptare Rafineria e vetme përpunimit të naftës në Shqipëri ARMO është mbyllur, ndërsa grupi investitor IRTC Oil është larguar.

Albetrol, kompania shtetërore e naftës, ka vënë nën sekuestro për shkak të detyrimeve të pashlyera, 25 prona të ARMO-s mes të cilave troje, linja teknologjike Rafinerisë së Fierit dhe objekte.

Lajmi bëhet i ditur nga “Report Tv” sipas të cilit akti i sekuestros është ndërmarrë më 30 nëntor të këtij viti.

Ministri i Financave, Arben Ahmetaj tha sot se qeveria shqiptare ka arritur në parim dakordësinë me Fondin Monetar Ndërkombëtar, për fshirjen e plotë të detyrimeve të bizneseve në Tatime e Dogana të para vitit 2010 dhe për thjeshtimin e borxhit nga 2010 -ta në 2014 -ën.
Nga sa kuptohet ka një dakordësi në parim që ministri kërkon ta promovojë, duke lënë pas shumë pikëpyetje mbi këtë kërkesë të qeverisë shqiptare për të fshirë detyrimet tatimore e doganore para vitit 2010 si dhe për të amnistuar kamatat e gjobave dhe detyrimeve përgjatë periudhës 2010-2014.

Para dy ditësh u njoftua dalja për herë të dytë në ankand e rafinerisë së naftës “ARMO”. Meqenëse ankandi i parë dështoi pasi nuk pati shprehje interesi, në raudnin e dytë është njoftuar përgjysmimi i çmimit të ofertës. Mirëpo siç raporton sot “Vizion Plus” edhe ky ankand rrezikon të dështojë për shkak të statusit të komplikuar të rafinerisë. Televizioni në fjalë raporton se disponon të dhëna se Grupi i Punës i ngritur në Ministrinë e Ekonomisë për këtë çështje nuk ka ende një alternativë se çfarë do të bëjë me “ARMO”.

ARMO do të kalojë sërish në ankand më 23 mars.  Ky proces zhvillohet për llogari të Bankës Raiffeisen, pasi ARMO është debitore ndaj saj në vlerën e 20 milionë eurove. Ankandi i parë u zhvillua më 19 shkurt, por aty nuk u paraqit asnjë palë e interesuar. “Burimet nga Shoqëria përmbarimore pohojnë se bazuar në ligjin për ankandin publik, sendi i lënë kolateral në ankandin e dytë del në shitje me gjysmë çmimi. Kështu nga 2.8 miliardë euro pjesët e uzinës (truall dhe ndërtesa në fshatin Drizë), do të dalin në shitje për 1.4 miliardë lekë ose 10 milionë euro”, raportron “Monitor”. 

ARMO, një nga 35 kompanitë e listës së subjekteve që mbajnë rreth 60 për qind të totalit të kredive të këqija, ndodhet nën valën e sekuestrove për llogari të bankave. Shoqëria është njëkohësisht në pronësi të shtetit, në masën 15 për qind. Më 3 mars 2016, u regjistrua një shpallje nën sekuestro nga një bankë e nivelit të dytë për dy kredi të pakthyera në vlerën 2.8 milionë euro që ishin marrë në vitet 2010 dhe 2011. Një bankë tjetër para disa ditësh shpalli vendosjen nën sekuestro të një pjese të aseteve për huan 20 milionë euro raporton gazeta Shqip.