armet

Në një intervistë për revistën gjermane “Spiegel”, zyrtarja kryesore e OKB-së për Çarmatimin, Izumi Nakamitsu, paralajmëron se bota ndodhet më pranë se kurrë një lufte bërthamore. Sipas saj mungesa e dialogut mes shteteve ka provokuar krijimin e një situate jashtëzakonisht të rrezikshme duke vënë gishtin sërish mbi fy fuqitë kryesore nukleare, SHBA dhe Rusia.

Rreziku i përdorimit të armëvë bërthamore, i qëllimshëm apo aksidental, është më i larti që nga ditët më të errëta të Luftës së Ftohtë. Por rreziku më i madh është megjithatë keqllogaritja

Gazeta serbe “Vecernje Novosti” shkruan sot se në portin e Durrësit në Shqipëri pritet të ankorohet një anije e mbushur me armët më të fundit që janë destinuar për ushtrinë e Kosovës. Lajmin në fjalë e referon edhe agjencia “B92”, që shkruan se gazeta citon burime nga shërbimet sekrete serbe sipas të cilave armët moderne janë dërgesë e shërbimit amerikan, CIA. Madje po sipas këtyre burimeve, shërbimi sekret kosovar ka shpërndarë disa armë në pjesën jugore të Mitrovicës ku synohet vendosja e kontrollit të plotë.

Vladimir Putin ka dhënë një tjetër shfaqje në televizionin publik, që ka transmetuar vizitën e tij në një poligon qitjeje. Jo rastësisht shefi i Krellnit ka qenë nga të parët që ka provuar kallashnikovin e ri.

Video tregon se Putin është  mirëtrajnuar me një snajper tip Kallashnikov, teksa shënjestron me kujdes tabelën në një largësi 600 metra.

Statistikisht qeveria thotë se ia ka dalë me krimin, atë të rrugës. Dhe për këtë numëron sa koka më pak ikin nga viti në vit.

Kryeministri del dhe lexon grafikë, duke shpalosur viza që i quan sukses të shtetit ligjor që drejton. Ministri që mori meritat tani është vetë për në burg, ndërsa zgjidhjet që propozohen për të shmangur masakra si ajo e Selenicës janë sërish fushatat publiçitare të modelit Tahiri për mbledhjen e armëve.

"Të gabuar" dhe "absurd" e quan Ministria e Jashtme turke propozimin e deputetëve të Kongresit Amerikan  për të imponuar sanksione mbi sektorin e mbrojtjes.
Ministri i Jashtëm turk ka paralajmëruar se qasja e SHBA ndaj kësaj çështjeje është e papërshtatshme për vendet aleate dhe se Ankaraja do të hakmerret nëse shitjet e armatimeve amerikane për Turqinë do të  ndërpriten.

Rusia pretendon se ka kryer me sukses testimin e një reaktorëve bërthamorë në miniaturë që mund të instalohen në raketat kruiz apo dronët nënujorë. Lajmi bëhet i ditur nga agjencia shtetëore TASS që citon burime të ushtrisë. Sipas tyre raketat e pajisura me këto njësi të energjisë bërthamore do të kenë rreze të pakufizuar veprimi dhe do të përdoren edhe në njësi nënujore në kuadër të një sistemi shumëqëllimësh oqeanik.

Partneriteti Publik Privat do të shtrihet edhe në sektorin e prodhimit të armëve. Kështu të paktën ka deklaruar ministrja e Mbrojtjes, Olta Xhaçka gjatë diskutimeve të buxhetit në Komisionin e Sigurisë. Sipas saj Uzina e Mjekësit në Elbasan do rikthejë aktivitetin e saj në prodhimin e armëve luftarake përmes partneritetit me privatët. Mësohet gjithashtu se për prodhimin e armëve në Mjekës për NATO-n, ka shprehur interes një firmë e njohur italiane e specializuar në prodhimin e armëve dhe municioneve luftarake, por ministrja nuk ka specifikuar emrin e kompanisë.

Katër shtete, mes tyre edhe SHBA, komplotuan për të rrëzuar nga pushteti Bashar al Assadin e Sirisë. Informacioni ka kohë që qarkullon si një e vërtetë jo zyrtare, por së fundmi ai është konfirmuar edhe nga ish-zv.kryeministri i Katarit, Hamd bin Jassim në një intervistë të datës 26 tetor 2017 në televizionin kombëtar të këtij vendi.

Katari, Arabia Saudite dhe Turqia dërguan armët drejt militantëve që luftonin kundër presidentit sirian përmes personelit ushtarak amerikan në rajon.

Gjermania ka pezulluar të gjitha eksportet e armëve drejt Turqisë pas përkeqësimit të situatës me Ankaranë dhe tensionimit të marrëdhënieve të Erdogan me  NATO-n.  Deklarata e ministrit të Jashtëm Zigmar Gabriel erdhi pak orë pasi një zëdhënës i Ministrisë së Jashtme në Berlin njoftoi se një tjetër çift shtetasish gjermanë u arrestuan në Turqi me akuzën e komplotit politik.

Ministri i Brendshëm, Sajmir Tahiri vazhdon fushatën e sensibilizimit për dorëzimin e armëve, përmes një nisme ligjore që synon të amnistojë të gjithë personat që posedojnë armë zjarri. Në parim nisma duhet përshëndetur dhe ndoshta duhej ndërmarrë vite më parë si një prej masave për të reduktuar pasojat e konfliktive me armë zjarri. Por a është vërtet ky problemi kryesor për sigurinë sot?