ambasada e SHBA

Parlamenti ka miratuar sot të ashtuquajturën Marrëveshje të 5 qershorit përmes së cilës kthehen në ligj kërkesat e Partisë Demokratike për Kodin Zgjedhor. 97 vota pro kanë mjaftuar për të përcjellë dhe konfirmuar se negociata e Edi Ramës me opozitën parlamentare ka qenë e suksesshme në kalimin e një reforme të debatuar.

Kryeministri i vendit Edi Rama ndau me Top-Channel sqarimin e vet se nuk i kishte propozuar Lulzim Bashës pazarin kryeministër ai, president për vete. Me një inskenim fare bajat, kryeministri nuk mendoi të shkruante apo fliste në vetë të parë, qoftë edhe në ERTV, por zgjodhi një media të preferuar. Të njëjtën gjë bën sot ambasada amerikane në Tiranë, që përmes burimeve anonime që merren vesh kush janë, njofton popullin përmes këtij televizioni se:

Shikoni se çfarë lajmi përcillet sot:

Shpresoj të takohemi nga afër së shpejti, por për momentin, pata kënaqësinë të takoja virtualisht kryetarët e bashkive të Tiranës, Korçës dhe Fierit dhe prefektin e Durrësit. Faleminderit që i mbani qytetarët të sigurt dhe të shëndetshëm duke zbatuar rigorozisht masat e distancimit social. Le të vazhdojmë me bashkim dhe disiplinë për të mposhtur COVID-19

Qeveria amerikane i ka refuzuar vizën hyrëse ministrit të Jashtëm iranian Javad Zarif që do të fliste në seancën e Këshillit të Sigurimit të Organizatës së Kombeve të Bashkuara. Lajmi raportohet nga mediat ameriakne sipas të cilave misioni iranin në OKB po pret sqarime rreth këtij vendimi.

Nuk kemi marrë asnjë komunikim zyrtar as nga SHBA as nga OKB rrethe vizës së ministrit Zarif

Ambasada e Shteteve të Bashkuara me një postim të saj ka parathënë në një farë mënyre çfarë kërkon nga drejtësia në rastin e Sajmir Tahirit.

Me të njëjtën gjuhë që ka përshëndetur vendimin për dënimin e Emiljanon Shullazit, selia diplomatike e Shteteve të Bashkuara kërkon që Gjykata të dëgjojë prokurorët, siç ndodhi me Shullazin dhe Martinajn.

Nisur nga qëndrimi që kanë mbajtur prokurorët e çështjes, Tahiri duhet të përgatitet për qelinë e burgut.

Ndonëse votoi pro rezolutës turke në Organizatën e Kombeve të Bashkuara, Tirana zyrtare ka vendosur të mos e bojkotojë ceremoninë e përurimit të ambasadës amerikane në Jeruzalem. Mediat e Izraelit njoftojnë se nga ftesat e dërguara për përfaqësuesit e 86 vendeve të ndryshme, vetëm 33 e kanë pranuar atë, ndërkohë që pjesa më e madhe ka vendosur të bojkotojë. 

Reagimi i ambasadës amerikane për arrestin e Shtëpisë së Saimir Tahirit kaloi pa shumë vëmendje, por në thelb ai parathotë një happy end për ish-ministrin e Brendshëm, i cili pret mesa duket pret vetëm fundin e skenarit të parashikuar për të. Siç thotë ambasada amerikane, gjykimi do të jetë i drejtë për një çështje korrupsioni, siç e cilëson ajo çështjen në ngarkim të ish-ministrit të Beendshëm.

Partia Demokratike informoi këtë të mërkurë mbi një takim të kryetarit të saj Basha me ambasadorin amerikan në Tiranë, Donald Lu.  Deklarata nuk lë vend për hamendësime, të paktën sa i takon qëndrimeve që do të mbajë PD në vijim. Hendeku mes palëve duket se është zmadhuar sidomos pas qëndrimeve që ambasada amerikane mbajti pas seancës së tensionuar për zgjedhjen e kryeprokurores së përkohëshme. Në deklaratë shprehen hapur rezervat për ambasadorin LU, që sipas Partisë Demokratike nuk u shërben as interesave të shqiptarëve dhe as të qeverisë amerikane.

Në media qarkulloi një lajm se kryebashkiakut socialist të Durrësit, Vangjush Dako dhe familjes së tij i është refuzuar apo anuluar viza amerikane.Si referim ishte cituar një burim nga një diplomat i lartë i selisë diplomatike të Shteteve të Bashkura në Tiranë, duke e përcorcuar bindjen me raportime në media për përgjimin e një kryebashkiaku të rangut të lartë të Partisë Socialiste dhe investigimin e BIRN  se firma e nr 1 të bashkisë Durrësit  ishte përdorur për lirimin më të shpejtë nga burgu të Lulzim Berishës.

Zbardhen arsyet përse Ambasada e SHBA në Tiranë refuzoi vizën e kreut të Prokurorisë së Durrësit, Agron Gjana. Në shkresën e ambasadës ngrihen dyshime se Agron Gjana mund të mos kthehej në Shqipëri dhe se do ta përdorte këtë vizë për arsye emigrimi.  Sipas ambasadës, Gjana nuk kishte demonstruar se ka lidhje të forta që do ta detyronin të kthehej sërish në Shqipëri pas vizitës në SHBA. “Aplikantët zakonisht i përmbushin këto kërkesa duke demonstruar se kanë lidhje të forta jashtë SHBA-ve dhe se do të kthehen në vendin e tyre pas një vizite të përkohshme në SHBA.