administrata

Fituesit e zgjedhjeve nuk e kanë marrë me ngut riformatimin e kabinetit qeverisës dhe as të ekipit ekzekutiv që do jetë në nivel drejtorish. Kryeministri e ka quajtur periudhë tranzitore deri në shtator kur përfundon mandati i qeverisë aktuale dhe ka paralajmëruar një tur dëgjesash me qytetarët. Jo vetë ai por edhe drejtuesit politik të Partisë do të marrin Ide të vlefshme për të bashkëqeverisur më mirë. Taulant Balla dha dje një sinjal se operacioni i parë do jetë në administratën publike.

Shqipëria ka ambicjen për të hapur në dhjetor negociatat e anëtarësimit me Bashkimin Europian duke qenë se përmbushi një nga kushtet kryesore që kishte të bënte me miratimin e paketës së reformës në drejtësi. Mirëpo nuk është vetëm ky kusht që na hap dyert për në BE, kriter kryesor është edhe depolitizimi i administratës, një pikë që mbetet ende e pa plotësuar. BE nuk do t'i hapë dritën jeshile Shqipërisë me një administratë të mbushur me militantë politikë.

Komisioni Qëndror i Zgjedhjeve ka dhënë alarmin për mostrajnimin në kohë të 757 komisionerë e të Komisioneve Zgjedhore për zgjedhjet e 25 Qershorit. Në një deklaratë për shtyp, zëdhënësja e këtij institucioni tha se mosdhënia e lejeve për punonjësit e administratës për të ushtruar funksionin e komisionerit zgjedhor po pengon administrimin e procesit zgjedhor, pasi komisionerët nuk mund të kryejnë detyrat e tyre të ngarkuara nga Kodi Zgjedhor.  

Shkarkimet dhe pezullimet nëpunësve civilë për përfshirje në fushatë kanë krijuar konfuzion në administratën publike.  Komisioneri për Mbikëqyrjen e Shërbimit Civil që është duke monitoruar sjelljen e nëpunësve civilë gjatë fushatës zgjedhore, sqaron se detyrimi i tyre për të mos marrë pjesë në veprimtari politike është vetëm brenda orarit zyrtar

Kreu i PD-së po bën fushatë i qetë, me mesazhin dhe idenë se edhe sikur të marrë vetëm votën e tij, do jetë në pushtet. Ai propozon disa gjëra programore që mbeten interesante, si heqje taksash, ulje TVSH-je, likujdim të taksës së transaksionit të pronës dhe kalimin e saj në tarifë fikse, por me to nuk po merret njeri, sepse shohin Lulzim Bashën e Marrëveshjes.

LSI-ja po bën fushatë thuajse iracionale, duke folur në përgjithësi për rininë, vendin e parë dhe punësimin.

Pas shkarkimeve të disa nëpunësve civile nga ministrat teknikë me argumentin se kanë marrë pjesë në fushatë Drejtoresha e Departamentit të Administratës Publike, Albana Koçiu kërkoi nga administrata t’i referohet urdhërit të kryeministrit për sjelljen në fushatë. Sipas saj çdo nëpunës civil ka të drejtë të marrë pjesë në veprimtari politike, për sa kohë, kjo bëhet vetëm jashtë orarit zyrtar dhe pa u bërë protagonist në këto veprimtari.

Kontrolli i Lartë i Shtetit raporton se administrata publike i ka shkaktuar taksapaguesve 169 milionë euro dëme në katër muajt e parë të këtij viti. Buletini i sapopublikuar i Auditit përfshin periudhën janar-prill të këtij viti. KLSH vlerëson se pjesa më e madhe e këtij dëmi, 162 milionë euro vjen nga mosarketimi korrekt i të ardhurave që duhet të shkonin në arkën publike, ose nga abuzimi me shpenzimet e kryera nga administrata, ndërsa pjesa e mbetur prej 7.1 milionë euro i takon parregullsive dhe shkeljeve financiare nga institucionet e audituara.

Komisioneri për Mbikëqyrjen e Shërbimit Civil ndalon çdo përfshirje të nëpunësve civilë në fushatën që u paraprin zgjedhjeve të 18 qershorit. Në një njoftim të shpërndarë nga KMSHC-ja thuhet se janë marrë masat që nëpunësit civilë të jenë tërësisht të paanshëm dhe pa asnjë angazhim në fushatën e zgjedhjeve parlamentare.

Departamenti i Administratës Publike, ka prezantuar një sistem të ri të unifikuar për gjenerimin e pagës së punonjësve të administratës. Ky sistem u prezantua nga minister e Inovacionit, Milena Harito dhe Zvministri i Financave, Ervin Mete. Ky sistem sipas zvministrit Mete është pjesë e strategjisë së qeverisë për mirëmnaxhimin e financave publike. 

Mbrojtje politike nga mësuesit ka kërkuar ministrja e Arsimit Lindita Nikolla nga akuzat që i bëhen për reformën në arsim dhe nepotizmin politik sistemin arsmimor. Në një takim të paralajmëruar si i një rëndësie madhore, Nikolla ka folur para arsimtarëve të Tiranës për sulmet që po i bëhen duke u kërkuar drejtëpërdrejtë të mos heshtin, por të mbrojnë të vërtetën e reformës në arsim.