Blloku Politikë

Socialistët kanë vendosur të bëjnë atë që do bënte çdo i dëshpëruar: të mbrohen duke sulmuar. Sot zv. kryeministri Erjon Braçe ka hedhur poshtë faktin se në përgjimet e publikuara nga gazeta “Bild” ka ndonjë akuzë, duke interpretuar se në këto materiale nuk provohet asgjëkundi blerja apo vjedhja e votave.

Publikimi i të tjera përgjimeve nga gazeta gjermane "Bild" mbi zgjedhjet në Dibër ka ekspozuar edhe më shumë degradimin e qeverisë në një bandë ordinerësh që nuk gëzon më asnjë legjitimitet moral ligjor për të qëndruar në pushtet.

Përmbajtja e bisedave ku janë të përfshirë ministri Gjiknuri, shefa policie, deputetë dhe ku përmendet babloku ose kryeministri nuk kanë nevojë për më shumë koment. Vetëm sa kanë konfirmuar natyrën kriminale të organizatës së  Rilindjes

Përgjimi 1:

Prezenca e OSBE-së i dënon me forcë sulmet e dhunshme të këtyre ditëve kundër organeve përgjegjëse për organizimin e zgjedhjeve, në disa bashki në Shqipëri.

Të gjitha proceset politike dhe administrative duhet të zhvillohen në përputhje me parimet e shtetit ligjor.

Çdo përpjekje për të nxjerrë nga shinat procesin demokratik, përmes veprimeve të dhunshme, përbën shkelje të ligjit, pengon përparimin e vendit dhe njollos reputacionin e tij ndërkombëtar.

Ministri i Brendshëm, Sandër Lleshaj, ka dalë sot në një konferencë për shtyp përmes së cilës ka bërë thirrje ndaj të gjithë personave që po sulmojnë mjediset e KZAZ-ve të heqin dorë nga aktet e dhunës. Ministri ka njoftuar se “askush nuk do të tolerohet”, ndërkohë që ka shtuar se qeveria shqiptare ka vendosur të shkrijë disa njësi të Policive Bashkiake që janë përfashirë në aktet e fundit dhe në sulme ndaj institucioneve publike.

Lleshaj ka bërë një apel edhe për prokurorët dhe gjykatësit e zonave ku po ushtrohet dhunë që të zbatojnë ligjin dhe vetëm ligjin.

Nuk ka asnjë dyshim se vendimi i Këshillit të Ministrave të Jashtëm të BE-së për të shtyrë për në vjeshtë vendimin për negociatat e Shqipërisë me Bashkimin Europian është veto e Gjermanisë ndaj një qeverie të pamerituar si ajo e zotit Rama dhe ndoshta një konteksti më të thellë zhvillimesh që gjithsesi lidhen me qëndrimet e Tiranës, e cila mori në qafë edhe Maqedoninë.

Në një shfaqje pocaqi e kanë kthyer shefat e vegjël të Rilindjes përkthimin simultan të hajdutërisë së votave në Dibër. Shefi i madh çau ferrën në Londër duke lëshuar pas cicërima pa vlerë ndërsa dallkaukët e tjerë të legjendës së purpurt po përrjmerrin një retorikë të shëtmuar se as nuk shiten dhe as nuk blihen dhe se këto episode që u publikuan nga "Bild" janë një tjetër keqkuptim apo keqinterpretim i fabrikuar.

Kryetari i Partisë Demokratike LUlzim Basha ka dalë sot në mbrëmje në një konferencë për shtyp për të folur për atë që ka ndodhur së fundmi me përgjimet e publikuara nga gazeta “Bild”. Në një fjalë të hapur, Basha e ka quajtur Edi Ramën si kriminelin perfekt të një sistemi që ka kapur Shqipërinë.

Duke pranuar se kjo që ka ndodhur nuk shpjegohet vetëm me Edi Ramën, por me një sërë dështimesh edhe të PD-së për t’u marrë me korrupsionin, Basha ka deklaruar se vendi tanimë ka nevojë për reforma reale, kushtetuese, por edhe të partive politike.

Gazeta Bild publikoi një tjetër përgjim ku dëgjohet kryeministri Rama të komunikojë me  një person të quajtur Arben Keshi, drejtor në Ministrinë e Brendshme në 2017.

BILD thotë se publikon regjistrime të gjera telefonike – të bëra nga hetuesit shqiptarë – për të treguar për herë të parë se ka pasur një plan sistematik të Partisë Socialiste në pushtet dhe kryeministrit Edi Rama për të manipuluar zgjedhjet në vitin 2017! Objektivi: mashtrimi elektoral, blerja e votave, shantazhi i votuesve të opozitës.”

Deutsche Welle citon Komisarin e BE-së për Migrimin, Dimitris Avramopulos të jetë shprehur se Shqipëria rrezikon rikthimin e vizave me Bashkimin Europian.

Carlo Bollino sjell në një shkrim të sotshëm shembullin e Italisë për funksionimin e demokracisë në standardet europiane. Në Bari është hapur një hetim për shitblerjen e votave në zgjedhjet vendore të 27 majit. Sipas Bollinos në këtë rast çdo gjë po tregon funksionimin e demokracisë pasi ndër të tjera sipas tij:

1) Asnjë media dhe asnjë politikan nuk ka guxuar të vejë në diskutim legjitimitetin e kryetarit të Bashkisë dhe këshilltarëve të zgjedhur më 27 maj, pavarësisht nga dyshimet e ngritura nga hetimet e prokurorisë