Blloku Politikë

Kryeministri në detyrë, Edi Rama, ka kërcënuar sot hapur Prokurorinë e Posaçme që të qëndrojnë larg zgjedhjeve duke parë tek Task Force e firmosur mes saj dhe KQZ një proces survejimi. Të mbahet parasysh se KQZ-ja ka vendosur bashkëpunim për krimet zgjedhore edhe me Prokurorinë e Përgjithshme, për të cilin do të firmoset edhe një Protokoll për hetimin e shkeljeve të ligji zgjedhor. Por ky protokoll nuk përmendet, ndoshta sepse SPAK me përkufizim heton implikimin e zyrtarëve.

Erion Veliaj ka reaguar sërish sot. Në mënyrë banale siç di ai, duke sharë e akuzuar prokurorin e çështjes së tij dhe gjykatësin që konfirmoi masën e arrestit. Pas reagimeve të përditshme të këtij personi, nis mandej “debati” dhe opinionet lumë për shkeljen që i është bërë me masën e arrestit.

Të vihet re: Veliaj po konteston masën e arrestit në përgjithësi. Bashkë me gazetarët e vet.

Erion Veliaj ka kaq shumë avokatë. Që kanë të gjithë mundësinë të flasin, të shkruajnë, të flasin prapë e të shkruajnë sërish. Erion Veliaj sot përjeton inflacionin më të madh të jetës së tij: për të po bëhen thirrje që SPAK të shkrihet. Ky njeri e çoi jetën nën marzh inflacioni: mbeti gjithë kohës duke u përfolur për diçka që nuk ishte e tija.

Erion Veliaj ka tri ditë në burg. Është brenda. Në qeli. As firmos, as vulos. Vetëm shkruan në Facebook. Ka ndodhur gjë? Erdhi fundi? Po shpërbëhet jeta? Jo. Çdo gjë vazhdon si më parë, madje edhe më qetë. Një variabëel e pistë ka dalë nga ekuacioni i jetës publike. Kaq. Do kalojë java, muaji; ai brenda, dhe Tirana do vazhdojë. Procesi gjyqësor patjetër duhet të jetë i rregullt. Me domosdo. Llapjet në Facebook patjetër janë një e drejtë e pamohueshme. Vjen marsi, zgjatet dita, hapet koha. Fundjavat në plazh. Nuk do ikë jeta duke u marrë me një Zdroms. 

Janë ngritur në këmbë të gjithë: Erion Veliaj është viktimë e një prokurori me emrin Olsi Dado. Ky ka konflikt interesi, është pervers na thonë dhe për këtë shkak ka futur në kurth Erion Veliajn. Dhe që këtu me vrap të reagojmë sepse kryetarit të Bashkisë në burg i është bërë padrejtësi. Atij i është mohuar e drejta bazë dhe i është deformuar akuza.

Kryeministri I Shqipërisë Edi Rama është duke folur tani në një takim me rastin e 105 vjetorit të shpalljes së Tiranës, kryeqytet, prej nga ku ai akuzuar operacionin e arrestimit të Erion Veliajt nën një interpretim unik juridic.

Ka reaguar sot në Facebook edhe Klotilda Bushka, e cila flet për “ferrin ku po kalon sot Ajola Xoxa” shoqja e saj e fëmijërisë. Zonja Bushka, e cila mbulon detyrën e Kryetares së Komisionit të Ligjeve, deklaroi në komision se për çështjen e hetimit penal ku figuron si person nën hetim paraprak, ajo “do të fliste atje ku duhej dhe ku flitet për këto gjëra”. Pra në prokurori. Mirëpo zonja në fjalë ka rendur në Facebook për të sqaruar pozicionin e vet të cilin refuzoi ta sqaronte si përgjegjësi morale në Komision.

Në një diskutim në Komisionin e Ligjeve, deputeti Dashnor Sula ka kërkuar dorëheqjen e kryetares, Klotilda Bushka, për shkak se është objekt hetimi nga SPAK. Bushka ka refuzuar duke deklaruar se është person i dinjitetshëm: 

Kryeministri i Shqipërisë, një njeri i mandatuar për të drejtuar ekzekutivin e Shqipërisë ka deklaruar sot në një koment për BIRN se arrestimi i Erion Veliajt përbën një moment kur hetimi penal ka dalë jashtë shinave kushtetuese. 

Dosja hetimore ngjan me një roman voluminoz mbi gërmimet e kryera në jetën e tij dhe të bashkëshortes së tij.

Në deklaratën e sotme të SPAK evidentohet edhe një akuzë për Ajola Xoxen që është si më poshtë: