Blloku Politikë

Dikush qëlloi dje Fredi Belerin me vezë. Akuza ishte e rëndë: Ke vrarë dhe vjen këtu na bën karshillëk!

Sigurisht që është e lehtë të qëllosh mbi Belerin. Armik I Shqipërisë zyrtare, shqiptarisë analfabete dhe servile ndaj një kryeministri që ka humbur pusullën, por edhe një gjest patriotik medemek.

Dakord. Po sa deputetë nga Parlamenti shqiptar dolën se ishin vrasës, tutorë prostitutash, hajdutë e banditë? Sa? Pse nuk qëlloi dikush me vezë mbi ta? Pse nuk u tha kush një fjalë?!

Plarent Ndreca u shpall i pandehur për çështje tenderash. Del kështu nga skena edhe një zhurmues vullnetar që donte të hynte në politikë. Radha duket e gjatë.

Askush nuk e di se kush do të arrestohet. Radhët e shumicës socialiste dominohen nga një shumicë të akuzuarish dhe kallëzuarish saqë qeverisja tashmë është bërë një mision i vështirë.

Po diskutohet prej dy ditësh mënyra sesi u arrestua ish-presidenti i Republikës Ilir Meta. Pati edhe një reagim të ministrit të Brendshëm Hoxha që mbronte mënyrën e ekzekutimit të një vendimi të prokurorisë. 

Akti i policisë mund të japë disa mesazhe mes të cilëve edhe ai që po celebrohet më shumë: poshtërimi i Ilir Metës që ka luajtur me imazhin e kapedanit që nuk preket me dorë. Dhe këtu mësimi është se askush nuk është i paprekshëm. 

Monika Kryemadhi e cilësoi goditje politike me urdhër të Edi Ramës arrestin e Ilir Metës dhe masën për detyrim paraqitjeje dhënë ndaj saj.

Në një dalje një ditë pas arrestimit të bashkëshortit, Kryemadhi nuk la pa përmendur edhe ambasadorët e huaj  në Tiranë. Fillimisht pa emra, Kryemadhi foli për “njerëz tranzitorë”, që “bëjnë dhe moral”, se “vijnë me Zara dhe Piaxhio dhe ikin me Fendi, Range Rover dhe vila në bregdet”.

Kryemadhi përmendi emrin e ish-ambasadores së BE-sënë Tiranë, Romana Vlahutin, pas insistimit të gazetarëve.

Kreu i Partisë së Lirisë dhe ish- president i vendit, Ilir Meta, është vënë sot në pranga. Ndalimi është bërë me urdhër të prokurorëve Altin Dumani, Arben Kraja dhe Sotir Kllapi.

Ndalimi është bërë në kuadër të hetimeve për dosjen CEZ-DIA dhe dosjen e lobimit, të cilat janë bashkuar në një.

Ilir Meta bëhet kështu zyrtari më i lartë i arrestuar. Ish-president, ish-kryetar i Kuvendit dhe ish-kryeministër. 

Opozita serbe po shndërrohet përherë e më shumë në një vektor antagonist me qeverinë dhe Aleksandër Vuçiç. 

Lituimi po trajtohet si Kauzë për të ardhmen e Serbsë, Kosova quhet e humbur dhe e shitur ndërkohë që për një politikan të vjetër si Borko Stefanoviç e ardhmja europiane e vendit nuk varet nga dy çështjet në fjalë, por nga eliminimi i autoritarizmit. 

Sipas tij Perëndimi po dëshmon hipokrizi me mbështetjen e Vuçiç teksa marrëdhënia institucionale dhe anëtarësimi ka si parakusht demokracinë. 

Gazeta “Koha Ditore” sjell në vëmendje një shkrim të një politologu gjerman, Alexander Rhotert publikuar në “Tageszeitung” të Berlinit. Ideja qendrore e autorit në fjalë është se tashmë është përvojë e konfirmuar se politika e paqëtimit që BE-ja dhe SHBA ndoqën ndaj Serbisë së Aleksander Vuçiçit nuk funksionoi. Madje dështoi.

Gjyqtarët e seksionit të emigracionit në gjykatën e Romës kanë vendosur kthimin në Itali të 12 emigrantëve të sjellë në Shqipëri pak ditë më parë, pavarësisht se kërkesat e tyre për azil janë refuzuar nga komisionet territoriale.

Gjykata nuk e gjeti në përputhje me ligjin ndalimin e dymbëdhjetë azilkërkuesve nga Egjipti dhe Bangladeshi, të shpëtuar natën e 13 tetorit nga Policia Financiare në ujërat ndërkombëtare të zonës italiane SAR dhe të sjellë përmes anijes Libra në qendrën e paraburgimit Gjader tre ditë më parë.

Afrimi i vendeve të Ballkanit Perëndimor me Bashkimin Europian ka nisur t’i ngjajë përherë e më shumë përvojës së Europës Qendrore. Nuk është thjesht puna te lëshimi në sovranitet, por te mënyra sesi po kooptohen këta anëtarë të rinj të unionit që duket se janë asgjë më shumë se çirakë që marrin urdhëra. Sjelljet e sotme të Orban, apo përfaqësuesve polakë dhe çekë në raport me Brukselin, nuk janë aventurizëm personal, por sintetizim i një perceptimi se në atë që quhet familja europiane detyrohesh të votosh pro edhe kundër interesit tënd. E ca më keq identitetit tënd.

Kreu i bektashinjve, Baba Edmond Brahimaj, kërkon që ideja e hedhur pak ditë më parë nga kryeministri Rama për shtetin bektashi të çohet përpara.

Në një intervistë për Jerusalem Post, Brahimaj Kryegjyshata ka nisur hartimin e strategjive për vënien në jetë të kësaj ideje.

“Shteti shqiptar gëzon të drejtën e aprovimit të ligjit për këtë çështje.

Më pas ne do t’i drejtohemi komunitetit ndërkombëtar duke i kërkuar njohjen.