Blloku Politikë

Presidenti i Këshillit Evropian Donald Tusk deklaroi se Bashkimi Evropian duhet të hapë negociatat për anëtarësimin e Maqedonisë Veriore dhe Shqipërisë, por ky vendim nuk do të merret brenda ditëve të ardhshme, pasi disa shtete anëtare e pengojnë këtë.

"Unë personalisht besoj se vetëm një vendim mund të merret: për të filluar negociatat me Maqedoninë Veriore dhe Shqipërisë, siç rekomandohet nga Komisioni Evropian”- tha Tusk, pas bisedës në Bruksel me Presidentin e Maqedonisë Veriore, Stevo Pentarofski.

Pak ditë më parë kryeministri Edi Rama deklaroi në një takim me simpatizantë të Partisë Socialiste, se ai e ka ditur që presidenti Ilir Meta do të anullonte zgjedhjet.

Unë jam tre hapa para tyre gjithnjë

u mburr Kryeministri.

Ilir Meta bëri daljen e dytë publike brenda 48 orësh ku mbrojti sërish vendimin për shfuqizimin e datës së zgjedhjeve, duke thënë se kishte të dhëna se  për shkak të interesave të grupeve brenda dhe jashtë  situata vendit mund të shfrytezohej për akte qe do cënonin stabilitetin dhe rendin publik.

Ai foli për një darkë sekrete me Edi Ramën ku i komunikoi vendimin  për të shfuqizuar dekretin, pasi  kryeministri nuk kishte rënë dakord për të ofruar një datë.

Qeveria e z. Rama ka ndërmend të stabilizojë situatën politike përmes Kushtetutës dhe jurisprudencës. Së fundmi po qarkullon një material në anglisht që trajton dhe analizon aktin e Presidentit të Republikës për shfuqizimin e dekretit për caktimin e datës së zgjedhjeve , që thuhet se u është dërguar ambasadave të ndryshme.

Nëse lexon materialin që është një renditje dhe asryetim i vendimit të fundit të Komisionit Qendror të Zgjedhjeve aty vëren lehtësisht nivelin e juristëve të PS-së, apo atyre që mbrojnë qëndrimin e saj përmes një kontradikte flarante.

Dy deklaratat e zëdhënëses së Komisionit Europian, Koçijançiç dhe kreut të radhës së OSBE-së, Lajçak që populli shqiptar të votojë brenda afateve, reflektoi pozicionin e tyre afër qeverisë lidhur me krizën. Nuk dihet sa ky pozicion është i ndikuar nga ambasadorët, të cilët Rama i thirri dje në zyrë për t’u kërkuar mbështetje. Nga zyra për shtyp e kryeministrit, por edhe nga selitë e huaja diplomatike nuk pati ndonjë njoftim mbi këtë takim, por mediat e huaja kanë zbardhur detaje.

Në orët e fundit në Shqipëri kanë ndodhur shumë gjëra që duket se po çojnë vendin drejt një krize apo kolapsi institucional me pasoja. Është thënë dhe shkruar shumë për atë që po bën opozita shqiptare, por nëse analizën e situatës do ta vendosnim në kontekstin e qëllimit për të mos lejuar zbatimin e reformës në drejtësi, atëherë mund të arrijmë në konkluzionin se shkaktari kryesor për prishjen e reformës në stadin e tanishëm është Kryeministri. Edhe pse pretendon se është kampioni i saj. 

Të gjithë juristët e njohur të vendit kanë komentuar së fundmi se dekreti i presidentit mund të gjykohet për vlefshmërinë e tij vetëm nga gjykata.

Edi Rama ka vepruar ndryshe. Ai ka autorizuar Komisionin Qendror të Zgjedhjeve që të shpallë pavlefshmërinë e dekretit, edhe këtu me anë të anëtarëve të zgjedhur prej partisë së vet.

Kryetari i KQZ-së, Klement Zguri, ka braktisur mbledhjen dhe vendimin e ka marrë Denar Biba.

Në një intervistë për agjencinë gjermane Deutsce Welle, konstitucionalistja Aurela Anastasi shpreh mendimin se pavlefshmëria e dekretit të fundit të Presidentit të Republikës mund të vendoset vetëm me vendim gjykate.

Pavlefshmëria e dekretit të Presidentit mund të vendoset vetëm me vendim gjykate…Mendoj se dekreti i Presidentit të Republikës mund të ankimohet në Gjykatën Administrative, si gjykatë kompetente për të shqyrtuar pajtueshmërinë e aktit të Presidentit të Republikës me Kodin Zgjedhor

shprehet Anastasi.

Ashtu siç kishte paralajmëruar presidenti i Republikës ka dhënë sot në një konferencë të jashtëzakonshme për shtyp argumentat për anullimin e datës së zgjedhjeve.

Ai tha se Presidenti është i vetmi autoritet kushtetues për caktimin e datës së zgjedhjeve dhe se anullimi i tyre bëhet në kushtet kur cenohet procesi elektoral dhe rrezikohet stabiliteti demokratik i vendit.

Nënkryetari i grupit parlamentar të Unionit Kristiandemokrat dhe Kristiansocial në parlamentin gjerman (Bundestag) Johann David Wadephul, reagoi të dielën në një deklaratë për redaksinë e Deutsche Welles ndaj vendimit të presidentit të Shqipërisë, Ilir Meta për anulimin e zgjedhjeve vendore më 30 qershor.