Blloku Bota

“Thashë që ishte e vjetëruar. Por nuk është më e tillë”. Kështu deklaroi presidenti amerikan Donald Trump për NATO-n vetëm dje gjatë një konference për shtyp me sekretarin e Përgjithshëm të aleancës, Jens Soltenberg.

Një aeroplanmbajtëse, një kryqëzor dhe dy destrojerë janë dislokuar në afërsi të ujërave koerane pas testeve të kësaj të fundit.

Grupi i vendeve të G7 nuk ka rënë dakord për shtimin e sanksioneve ndaj Rusisë siç propozoi Britania e Madhe pas sulmit me armë kimike në Siri. Propozimi britanik synonte drejtuesit e lartë ushtrarakë rusë por për këtë çështje nuk është rënë dakord, njësoj siç është vënë në dukje se pa Bashar al Assad nuk ka zgjidhje të krizës siriane. Takimi po mbahet në qytetin Italian të Lukës dhe i paraprin vizitës së Rex Tillerson në Moskë.

Politika e Jashtme amerikane ka rimarrë fillin e vet aty ku e la administrate Obama. Presidenti aktual Donald Trump ka firmosur sot protokollin e anëtarësimit të Malit të Zi në NATO, duke përfunduar hallkat proceduriale të SHBA në këtë drejtim.

Ekzekutimet si pasojë e vendimeve gjyqësore në Kinë kalojnë ato të kryera në të gjithë botën të marra së bashku. Kjo statistikë është për shtrirjen kohore një vit dhe provon rreptësinë juridike të Pekinit zyrtar që menaxhon dhe qeveris mbi më shumë sesa 1 miliardë njerëz. Kina nuk e zbulon publikisht identitetin e të ekzekutuarve përveç familjarëve, ndoshta me synimin që të mos japë idenë e një represioni ekstrem. Por edhe vende të tjera nuk mbeten pas. Vietnami thuhet se ka ekzekutuar 429 njerëz në vitet 2013-2016, duke u renditur i treti në botë.

Senatori amerikan John McCain ka deklaruar gjatë takimit me kryeministrin/president serb. Aleksandër Vuçiç, se do të informojë Senatin, presidentin dhe popullin amerikan se “çdo gjë që ndodh në Europën Lindore është me rëndësi vitale për sigurinë kombëtare të SHBA”.

Berlusconi mbetet në qendër të vëmendjes. Sërish me një goditje pas së cilës vjen një faturë e kripur. Pjesëmarrja e tij në një fushatë vegjetariane dhe adoptimi i pesë qengjave që do të thereshin  për Pashkë, ka tërbuar industrinë e mishit në Itali. Kështu raporton Reutes sipas të cilës ish-kryeministri Italian ka dalë në një video të Ligës Italiane për Mbrojtjen e Kafshëve ku ai shfaqet shumë i dashur me një qingj të cilit i jep edhe për pirë me biberon.

Goditja ushtarake ndaj Koresë së Veriut ngjan të jetë çështje kohe teksa edhe Pekini zyrtar ka dhënë mirëkuptimin për atë që sekretari amerikan i Shtetit, Rex Tillerson, e quajti “nevoja për veprim ndaj një niveli të caktuar kërcënimi”. Deklarata e Tillerson u bë në një intervistë për CBS, përmes të cilës ai ka bërë të ditur se në takimin mes presidentit kinez, Xi Jinping dhe Trump, u ra dakord që situata në gadishullin korean është serioze.

Grupi separatist Bask ETA, nëpërmjet " misionarëve" të shoqërisë franceze dhe strukturës së pavarur Komisionit Ndërkombëtar të Kontrollit (CIV), u dorëzoi autoriteteve franceze një listë të 12 depove të  armëve të fshehura në jugperëndim të Francës. Këto 12 depo armësh janë ato që ka mbetur nga arsenali i ETA-së, e cila hoqi dorë nga lufta e armatosur në vitin 2011, por pavarësisht kësaj vazhdon të konsiderohet si një organizatë terroriste nga Bashkimi Evropian.

Ish – kryeministri maqedonas Nikolla Gruevski ka bërë thirrje për përgatitje të popullit për rezistencë në eventualitetin që sipas tij Platforma e Tiranës do të vihet në zbatim. Ai ka deklaruar se qëllimi i këtij dokumenti është ripërkufizimimi shtetit, por edhe ndryshimi i emrit. Ky deklarim i fundit është si të thuash sqarim i mëtejshëm i shqetësimit të hedhur edhe nga presidenti Ivanov se Platforma synon të krijojë një shtet binancional.