Blloku Bota

8 muaj luftë urbane dhe më në fund trupat e qeverisë irakene kanë marrë pjesën më të amdhe të Mosulit dhe xhaminë e rrëuar al-Nuri. Shteti Islamik ka humbur kështu atë që konsiderohej de facto si kryeqyteti i tij, ndërkohë që beteja e Mosulit pritet të përfudojë këto ditë.

“Ballkani për ballkanasit”. Ky është sllogani që kreu i Zyrës së Qeverisë serbe për Kosovën dhe Metohinë, Marko Xhuriç, ka propozuar se duhet adoptuar nga vendet e rajonit tonë. Ai ka folur në një panel “Realiteti i ri Ndërkombëtar – Sfida dhe Perspektiva” dhe ka nëvizuar se ansjë prej vendeve tona nuk është i aftë të zgjidhë i vetëm problemet strategjike. Ai ka bërë thirrje që të gjitha vendet e rajonit duhet të mbështesin nismën e Vuçiç për rrëzimin e barrierave ekonomike në Ballkan.

Komisioni Europian ka zyrtarizuar nismën paneruropiane për pensionet. Që do të thotë se operatorët do të kenë mundësi që ofertat e tyre t’i bëjnë më konkuruese dhe të prezantohen jashtë tregjeve kombëtare. Oferta mund të prezanohet nga kompani sigurimi, banka, fonde pensioni, firma investimi etj.. Komisioni do të kërkojë nga të gjitha shtetet që të aplikojnë të njëjtën taksë me synimin që produkti të gjejë terren shpejt.

Kandidati socialdemokrat për kancelar të Gjermanisë, Martin Schulz ka bërë thirrje që të ndalohet mitingu që parashikohet të mbahet nga Presidenti turk, Reccep Tayyip Erdogan në Hamburg. Sipas Schulz një aktivitet i tillë nuk duhet lejuar për shkak të sundimit autoritarist të Erdogan si dhe të faktit se nuk duhet lejuar që ndasitë e politikës së brendshme turke të importohen në Gjermani.

“Nuk dua që z. Erdogan, i cili burgos politikanët opozitarë dhe gazetarët në Turqi të zhvillojë takime të mëdha në Gjemani”, është shprehur Schulz.

Kisha Katolike ka ardhur sërish në qendër të vëmendjes për një akuzë të rënë: abuzim seksual me minorenë. Akuza është ngritur kundër kardinalit australian  Gorge Pell, emëruar nga Papa Françesku si Prefekt I Çështjeve ekonomike. Pell do të paraqitet në gjykatën e Melburnit më 18 korrik dhe ai është mbrojtur përherë ndaj kësaj akuze duke hedhur poshtë ato si të pavërteta.

Ballkani Perëndimor ka nisur të fitojë vëmendjen e mediave të njohura dhe Europës për shkak se ai qëndron si xhep pasigurie në kufij të kontinentit. Në fakt perspektiva e leximit të realiteteve të këtij rajoni vaarion: dikush flet për radikalizmin, një tjetër për nacionalizmin, ka edhe që përmendin rrezikun rus dhe atë turk. Të gjitha analiza të njëanshme, pasi të gjithë këta elementë nuk janë të rinj në këtë zonë.

Zëri i Amerikës, seksioni shqip, raporton sot për një diskutim ekspertësh, zhvilluar në qendrën Ëodroë Ëilson në Uashington. Raportimi mban titullin: “Ndikimi rus dhe radikalizmi fetar, kërcënimet kryesore për Ballkanin” dhe referon tri tema kryesore që janë trajtuar. Mirëpo nëse i hedh një sy tekstit kupton që ekspertët që kanë marrë pjesë nuk e shohin kështu çështjen, pra sipas titullit të medias në fjalë. Eksperti kryesor që I mëshon idesë së kërcënimit rus është Daniel Serëer, i njohur për qëndrime të këtilla edhe në të shkuarën.

Bashkësia Islame e Kosovës, konkretisht Këshilli I Bashkësisë në Kaçanik, njoftoi me një lajmërim nga xhamia vdekjen e Lavdrim Muhaxherit, ish-luftëtar i njohur i Shtetit Islamik. Kjo sjellje ka krijuar një lloj diskutimi pas BIK është distancuar nga ISIS, ndërkohë që përfaqësues të saj janë justifikuar sot përmes një prononcimi për Radio Evropa e Lirë. 

Presidenti serb Aleksandër Vuçiç ka provokuar reagime me përzgjedhjen prej tij të Aleksandër Vulin si kandidat për ministër të Mbrojtjes. Nuk ka ende asgjë zyrtare, por agjencia shtetërore Tanjug referon mediat e shkruara serbe për atë që po cilësohet si “presion i jashtëzakonshëm amerikan” ndaj presidentit të ri të vendit. Sipas gazetës “Vecernje Novosti” amerikanët i kundërvihen emrit të Vulin që zëvendëson Zoran Xhorxheviç, për arsye të qëndrimeve të tij ndaj kroatëve dhe shqiptarëve, përshkrimin e NATO-s si djall dhe promovimin e marrëdhënieve me Rusinë.

Diplomati austriak Wolfgang Petritsch, ish-negociator kryesor për Kosovën në Rambuje dhe ish-ambasador i Austrisë në Jugosllavinë e Millosheviçit, thotë se Ballkani Perëndimor do të bëhet pjesë e BE-së brenda 10 vjetëve. Sipas çelsi i stabilitetit rajonal është Serbia, kjo për shkak të rëndësisë ekonomike që ky vend ka në rajon, por edhe për shkak të neutralitetit ushtarak që ka zgjedhur. Në një intervistë për gazetën serbe “Politika”, Petritsch shprehet se në Bosnjë është e nevojshme një marrëveshje e re që të vijë nga brenda dhe të përfaqësojë dëshirat e njerëzve të vet.