Blloku Bota

President përjetë. Xi jinping është që nga dita e sotme kreu absolut dhe i pakonkurueshëm I Kinës. Associated Press raporton se ai është caktuar sot president pa kufizim mandate nga Kongresi Kombëtar i Popullit që ka caktuar si zv.president, Wang Qishan.

Xio u betua me dorën e majtë mbi Kushtetutë dhe dorën e djathtë të ngritur duke dhënë fjalën për zbatimin e saj dhe për besnikëri ndaj vendit dhe njerëzve.

Një grup ligjvënësish amerikanë të drejtuar nga senatori Bob Menendez kanë kërkuar sqarime nga Departamenti i Shtetit informaciome mbi raportet e mundshme të Rusisë me vende të tjera në shitjen e sistemit ajror mbrojtjës S 400.

Konsulli britanik në Moskë, Lordi Bristoou u thirr mëngjesin e së shtunës  në Ministrinë e Jashtme ruse për t’u informuar mbi reagimin e Rusisë ndaj masave të marra nga Londra pas helmimit të ish-agjentit rus Sergei Skripal, i cili është shtruar në spital në gjendje kritike pas sulmit me agjent neuroparalitik.Disa ditë pasi Tereza Mei komunikoi dëbimin e 23 diplomatëve rus nga Britania,  Moska vendosi të mbyllë konsullatën britanike dhe të dëbojë një numër të barabartë të diplomatëve britanikë nga vendi, të cilët kanë  afat një javë për të lënë Rusinë.

Turqishtja osmane do të mësohet në shkolla. Kjo është bërë e ditur nga Presidenti i Turqisë, Recep tayyip Erdogan, sipas të cilit reformat e periudhës së hershme republikane, shkatërruar gjuhën turke.

Është një nga problemet më të mëdha në historinë e afërt që gjuha jonë është bërë subjekt i diskutimeve politike. Në emër të “reviolucionit të gjuhës”, turqishtja jonë u sulmua nga fjalë të papëlqyeshme, të mërzitshme dhe të pashpirta. Lidhja mes kombit tonë dhe qytetërimit të tij të vjetër u synua të dobësohet

 Gazeta amerikane “The Washington Post” raporton se pas Rex Tillerson, është radha e këshilltarit për sigurinë, H.R. McMaster për t’u larguar. Sipas gazetës, lëvizja e tij nuk pritet të bëhet menjëherë, por ai është vënë në shënjetër të presidentit amerikan që duket se po zëvendëson ekipin kryesor me të cilin drejton në SHBA.

Ish-kryeministri izraelit Ehud Olmert është rikthyer në vëmendje të debatit publik në Izrael me një libër biografik ku përmenden disa figura të njohura të jetës politike, përfshirë kryeministrin aktual, Beniamin Netanjahu. Pjesë të librit janë publikuar tashmë nga gazeta “Yedioth Ahronoth” dhe në to flitet edhe për periudhën e burgut. 

Në Maqedoni po konsumohet episodi i dytë i krizës kushtetuese-politike që kësaj radhe nuk ka të bëjë me zgjedhjet, por me ligjin për përdorimin e gjuhëve. Menjëherë pas vendimit të Parlamentit, presidenti I vendit George Ivanov, ka deklaruar se nuk do ta dekretojë ligjin, pasi sipas tij ai favorizon shqipen dhe krijon kushtet për ndarje etnike. Çështja e dekretimit hap spiralen e debatit kushtetues pasi ligji kaloi pa marrë në konsideratë 35 mijë amendamente të partisë së ish-kryeministrit Nikolla Gruevksi.

Rreziku për shpërthimin e një Lufte të Tretë Botërore sipas presidentit turk Erdogan është i dukshëm. Ai bëri thirrje turqve të  jenë të përgatitur për çdo eventualitet.Shkak sipas tij mund të jetë fakti se SHBA po ndërton 20 baza ushtarake në Siri, të drejtuara kundër Rusisë.

"Njëzet baza ushtarake janë krijuar në Siri. Pse janë ngritur këto baza? Nuk besoj se do të përdoren kundër Rusisë. Ndaj dhe objektivat janë dy, Turqia ose Irani. Epo kjo nënkupton shpalljen e Luftës së Tretë Botërore. Ndaj dhe duhet të jemi gati."- shtoi Erdogan

Duket se ka disa ndryshime, apo diferenca në politikën e jashtme amerikane, e cila që nga ardhja në pushtet e Donald Trump, po flet me disa zëra. Largimi i Tillerson nga posti i sekretarit të Departamentit të Shtetit është një shenjë se qasjet e Donald Trump nuk përtypen dot kollaj, ndërkohë që një tjetër sinjal i tillë ka ardhur kësaj radhe nga ushtria.

Një nga aspektet më të rëndësishme të zgjedhjeve të fundit parlamentare italiane ëstë humbja e qendrës politike. Në një opinion të vetin në gazetnë “Corriere della Sera”, Angelo Panebianco shkruan se rezultati i tanishëm i faturohet pikë së pari edhe gabimeve të kreut të qendrës së majtë Matteo Renzi, i cili duke mosrespektuar Paktin e Nazarenos me Berlusconin për kryerjen e disa reformave, provokoi kalimin e tij drejt armiqve të dikurshëm.