Çështja Skripal, Putin përgjigjet me të njëjtën monedhë

Konsulli britanik në Moskë, Lordi Bristoou u thirr mëngjesin e së shtunës  në Ministrinë e Jashtme ruse për t’u informuar mbi reagimin e Rusisë ndaj masave të marra nga Londra pas helmimit të ish-agjentit rus Sergei Skripal, i cili është shtruar në spital në gjendje kritike pas sulmit me agjent neuroparalitik.Disa ditë pasi Tereza Mei komunikoi dëbimin e 23 diplomatëve rus nga Britania,  Moska vendosi të mbyllë konsullatën britanike dhe të dëbojë një numër të barabartë të diplomatëve britanikë nga vendi, të cilët kanë  afat një javë për të lënë Rusinë.

Gjithashtu, sipas deklaratës së Ministrisë së Jashtme e Rusisë, Britanisë iu revokua leja që mori për të hapur një konsullatë të përgjithshme në Shën Petersburg. Kremlini ka mohuar çdo përfshirje në rastin "Skripal", i cili u dënua nga Rusia si një spiun i britanikëve, por u lirua në bazë të programit të shkëmbimit të agjentëve.

Pas akuzave të drejtëpërderjta të kryeministres Tereza Mei në Rusi, ministri i Jashtëm britanik, Boris Johnson, deklaroi se është shumë e mundshme që pas sulmit të fshihet Presidenti rus Vladimir Putin.