Shpipëri Hesapi

Kisha e Shën Prokopit pritet të fillojë së shpejti kthimin në identitet. Kryetari i Bashkisë së Tiranës, Erion Veliaj e lançoi projektin si punë të përbashkët të Bashkisë me kishën, por, e vërteta, në fakt duket të jetë ndryshe. Kontributi i Bashkisë nuk është asgjë më tepër, por vetëm leja për rikonstruksionin. Kjo bëhet e ditur në një prononcim të At Ilia Maznikut për TvT, përgjegjës për Kishën, të cilën sot Erjon Veliaj pretendon se po ua dhuron besimtarëve.

Dieta e re e vendosur në çerdhe dhe kopështet e Tiranës vazhdon të prodhojë debate. Pak javë më parë diskutimi u përqendrua te fakti se dieta pranohej me vështirësi nga fëmijët, por tani mundet që tezat kundër saj të zgjerohen.

Report Tv raporton se sipas mjekut natyropat, Arben Gjoni, i cili praktikon mjekësinë komplementare, përdorimi i tërëshërës në dietë është i paparanueshëm.

Ajo që ndodhi në Kosovë i meriton të gjitha analizat. Kushtetuta dhe ligji kanë rënë në tokë. Kosova mund të jetë çdo gjë, por vetëm subjekt i denjë për t’u quajtur shtet jo. 

Rrëmbimi i gjashë shtetasve turq që strehoheshin dhe banonin në Kosovë me urdhër të presidentit turk, Erdogan, realizuar dhe kryer nga shërbimet turke me miratimin e dy zyrtarëve është një akt që ka poshtëruar në çdo drejtim institucionet e Kosovës. 

Çështja e verifikimit të pronave në bregdet ku po pezullohet kalimi i pronësisë me një vendim të Këshillit të Ministrave, i ngjan përherë e më shumë kaosit informativ që rrethon kapjen e drogës në Maminas. Njëherë qeveria deklaron se e ka kapur me ndihmën e partnerëve, pastaj e vetme, pastaj me ndihmën e italianëve e së fundmi po sërish vetëm. Natyrisht që fajtori këtu është media kazan dhe jo qeveria.

Ndoshta është hera e parë që Sali Berisha po bëhet i bezdisshëm. Ndaj tij ka patur mllef, urrejtje, inat, kundërshti, admirim apo edhe frikë. Por bezdi vështirë të thuash se ka patur ndonjëherë. Duket se kjo kohë ka ardhur.

Dhe këtë ndjesi ta krijon sa fakti se mikrofoni për të vihet në një kohë kur ai po humbet rolin real publik për të kaluar në rolin e avokatisë së interesave personale, aq edhe për faktin se teknika e tij e sulmit politik është e vjetëruar dhe jashtë kohe saqë mund të quhet e papranueshme.

ResPublica e paralajmëroi se Shqipëria do të ndiqte praktikën e diplomacisë së lëpirjes zyrtare duke dëbuar diplomatët rusë. Sot Ministria e Jashtme, njofton se i është komunikuar ambasadorit rus në Tiranë, Aleksandër Karpushin kërkesa verbale për shpalljen non grata të dy personave pjesë e stafit të ambasadës për shkak se “veprimtaria e tyre nuk përputhet me statusin diplomatik”. 

Sot përfaqësues të opozitës kanë bërë zhurmë rreth vendosjes së tarifës 5 euro për kalimin e çdo automjeti në aksin Durrës-Kukës. PD-ja dhe LSI-ja kaë folur për grabitje dhe taksë ndaj marrëdhënieve Shqipëri-Kosovë.

Kreu i PD-së, Lulzim Basha ka pranuar se modelin e taksimit e ka iniciuar së pari PD-ja që në vitin 2011, por sipas tij kjo do të ndodhte sipas dy kushteve: kur qytetarët të kenë alternativa kalimi pa pagesë dhe duke hequr taksën e qarkullimit. Sipas tij mjafton kjo e fundit madje që rruga në fjalë të mirëmbahet.

Këto ditë në Tiranë ishte ish-kryebashkiaku i New Yorkut, Rudy Giuliani, një njeri i njohur edhe në arenën ndërkombëtare. Padyshim që një vizitë e tillë ka rëndësinë e vet të pamohueshme, sikurse ka rëndësi edhe për median dhe opinionin një intervistë me këtë personalitet. Dhe intervista u realizua në fakt nga Blendi Fevziu në emisionin “Opinion”. Një njeri si Giuliani ka shumë për të thënë dhe prej tij ka shumë çështje për të cilat ai mund të sqarojë opinionin shqiptar edhe për vendime të politikës për të cilat nuk flet askush.

Zëvendëskryeministrja Senida Mesi deklaron se qeveria nuk do të shpallë emergjencën civile për Shkodrën, por do të shtojë forcat dhe ndihmat. Ky qëndrim i zyrtares së lartë me origjinë nga Shkodra hedh poshtë propozimin e kreut të Emergjencave Civile, Shemsi Premçi i cili kërkoi shpalljen pjesshme  të gjendjes së emergjencës.

TemaTv

Pas shumë debateve, përfundon ndërtimi i bar-kafesë në mes të Parkut të Butrintit. Dru dhe xham në objektin që do të menaxhohet nga biznesi privat për pesë vite. Kumbaro thotë se dosja në prokurori është mbyllur, ndërsa arkeologu Ceka e quan aferë korruptive. 

TemaTv