Politikë

Protesta që po zhvillohet për ndërtimin te Parku i Liqenit ka nga pas edhe një kallëzim të përfaqësuesve të shoqërisë civile. Kallëzimi penal ndaj Bashkisë së Tiranës adresonte shqetësimin se për ndërtimin nuk ka një leje të saktë, nuk ka as projekt të miratuar. Sot nga Lushnja, ku ndodhej me rastin e prezantimit të drejtuesit të ri të prokurorisë, Llalla, ka bërë këtë deklaratë: “Prokuroria e Tiranës do të vazhdojë verifikimet, në varësi të rezultateve do të vendosin mbase për përfundimin e hetimeve”.

Vetëm tre ditë pasi Gjykata e lartë ndryshoi masën e sigurisë në detyrim paraqitje, Armando Prenga i është rikthyer Kuvendit. Këtë të hënë ai ka qënë në komisionin parlamentar të Sigurisë, ku është anëtar, raporton TCH. Gjykata e Lartë ndryshoi masën e sigurisë nga arrest shtëpie në detyrim paraqitje, për deputetin Prenga, i përfshirë pak kohë më parë në një konflikt mes dy fiseve në Laç.

Nuk çudit Nishani me piruetat akrobatike 360 gradë. Ndoshta i vetmi president në botë që ndryshe fle e ndryshe zgjohet. Dy ditë pasi iu drejtua Gjykatës Kushtetuese për intepretimin e nenit 98 të Kushtetutës lidhur me procedurat e dekretimit të ministrave zyra për shtyp e Presidentit ka njoftuar se Presidenti ka dekretuar emërimin e Arben Ahmetajt si Ministër i Financave dhe Milva Ikonomit si ministre e Ekonomisë. Një akt që konfirmon mungesën e madhe të seriozitetit në qëndrimet e presidentit të Republikës së Shqipërisë, i cili po bëhet lolo me iniciativën e tij.

Partia Demokratike ka organizuar një protestë të paralajmëruar përpara Bashkisë së Tiranës për të protestuar kundër rritjes së çmimit të shërbimeve.
Por ndërsa këshilltarët e djathtë ishin duke folur një e nga një një i moshuar i revoltuar, iu shkëput turmës dhe u ngjit në foltore duke i rrëmbyer njërit prej të djathtëve mikrofonin duke u ngjitur në foltore. Pavarësisht kundërshtimit nga të djathtët ai ka mundur të flasë.

Top-Channel raporton sot se kërkesa e Presidentit të Republikës drejtuar Gjykatës Kushtetuese nuk ka mbërritur akoma në këtë fundit. Pra ajo nuk është protokolluar, duke na zbuluar kështu inteligjencën e Bujar Nishanit, se përse e publikoi kërkesën e tij ditën e shtunë. Nëse kërkesa depozitohet të hënën, atëherë Gjykata  do të duhet të mblidhet sa më shpejt për të vendosur për interpretimin e një çështjeje që është zgjidhur nga vetë praktika e punës që edhe Bujar Nishani ndër të tjerë ka vendosur ndër vite për këtë çështje.

Çështja e çamëve duket se nuk ka trazuar vetëm ujërat politike mes dy vendeve, por edhe ndjeshmëritë fetare. Së fundmi është mitropoliti i Konicës që ka bërë një deklaratë ku shpreh shqetësimin e tij për pretendimet e çamëve, të cilat sipas tij po rrezikojnë integritetin e Greqisë.

Pas protestave të sotme te Parku i Liqenit, kryeministri Edi Rama, ka postuar një video ku shfaqet sipas tij projekti që do të realizohet. Mirëpo kohët e fundit ka patur spekullime dhe shqetësime se pas këtij projekti fshihet investimi për ndërtime të reja. Ndaj ky video mesazh i kryeministrit ka vlerën e një qëndrimi zyrtar, pas të cilit do të shihet nëse kemi të bëjmë thjesht dhe vetëm me një kënd lojërash.

“Jeta osh qef”, një faqe shumë e vizituar në internet, ka realizuar një sondazh me pyetje të pazakonshme për mënyrën si zhvillohen sondazhet në Shqipëri. “Kush mendoni se ju vjedh më shumë?” është pyetja, e cila pavarësisht se ka brenda një element sugjestionues, sërish i bën apel një realiteti dhe një perceptimi. Në rreth 1 600 votues përgjigjet japin hierarkinë e “hajdutëve” me në krye Ilir Beqjan, pasuar nga Erjon Veliaj, e me radhë, Adrian Çela, Taulant Balla dhe Vangjush Dako.

Sot presidenti i Republikës, Bujar Nishani i është drejtuar Gjykatës Kushtetuese për të interpretuar nenin 98, pika 1 të Kushtetutës. Gjithçka për të kuptuar rolin e tij në procesin e emërimit të dy ministrave, proces që e ka bërë disda herë pa asnjë problem të këtillë. Me këtë rast, çdo koment është i kotë, pasi “loja” e Bujar Nishanit nuk është loja e Bujar Nishanit. Ajo është zbatim i “betejës për emërimin e Arben Ahmetajt” që paralajmëroi Lulzim Basha, por që duket qartë se dora e kujt është.

Kishte vite që nuk i dëgjohej më emri, por këto ditë Komisioni i Garancive Statutore në Partinë Socialiste do të duhet të shprehet për zbatimin e dokumentit kryesor të partisë: Statutin. Përmes një letre të firmosur nga disa përfaqësues, anëtarë të PS-së, kërkohet interpretim për shkeljet që ata kanë konstatuar. “Kërkojmë, zbatimin dhe interpretimin e nenit 3 pika 1 të Statutit të PS që sanksionin parimin e kolegjialitetit, në lidhje me drejtimin, funksionimin dhe veprimtarinë e Kryesisë së  PS, që prej vitit 2013, e deri në ditën e kësaj kërkese.