Politikë

Zgjedhjet e parakohshme për bashkinë e Kolonjës janë fituar nga kandidati I shumicës aktuale, Ilia Stefo.

Një ortodoks në një zonë të përzier mes ortodoksëve dhe bektashinjve, kandidati Stefo ka arritur një fitore me të vërtetë të pazakontë: në 49.6% të pjesëmarrjes nga 16 700 votues, Stefo ka marrë 2100 vota më shumë se rivali i tij Dritan Hajro, i propozuar nga Partia Agrare dhe i mbështetur nga PD-ja. Ndërkohë në vitin 2015 e majta zyrtare mori vetëm 750 vota më shumë. 

Lindi si një ide e bashkëshortes së kryeministrit për të mbledhur samitin e diasporës dhe në përfundim kryeministri Edi Rama lajmëroi se si rezultat i këti samiti është vendosur që të ngrihet Këshilli Kombëtar i Diasporës, një institucion që do të kordinojë bashkëpunimin mes qeverisë dhe bashkëatdhetarëve jashtë vendit.

Një nismë që pavarësisht propozuesit nuk duhet paragjykuar për aq kohë sa zgjoi interesin e një pjese të diasporës, ndonëse pati edhe qëndrime kundër një takimi formal siç u perceptua nga disa.

Sa herë që në Shqipëri hapetr çështja e dosjeve të bashkëpunëtorëve të Sigurimit të Shtetit, do të shfaqet Fatos Klosi. Përherë me terma relativizues, gati nihilistë për rëndësinë e hapjes së dosjev, ish-kreu i Shërbimit Informativ e ka kryefjalë të prononcimeve të veta se “dosjet janë zhdukur”, ose “asgjë nuk do të ndodhë”. Nuk mund të mungonte as kësaj radhe, kur me një prononcim për gazetën “Sot”, Klosi, që ka fituar një si lloj ndjesie prej menaxheri për sekretet e shtetit, ka dalë e ka përsëritur të njëjtën gjë:

Pas sinjaleve nga Athina zyrtare për pengim të hapjes së negociatave të anëtarësimit të Shqipërisë, disa analistë grekë ndajnë opinione të ndryshme për këtë qëndrim, teksa flasin për mikrofonin e Abc News. Ka prej tyre që veton greke e cilësojnë një mundësi të fundit të politikës së Athinës, ndërsa të tjerë bëjnë fajtor kryeministrin Rama për klimën e tensionuar Greqi- Shqipëri. Gazetarë dhe anlistë të gazetave kryesore shohin një situatë që mund të rrëshqasë kollaj në dëm të dy vendeve.

Pas ikjes së Ben Blushit dhe krijimit të formacionit LIBRA, një tjetër iniciativë kundër ekipit drejtues të Partisë Socialiste, është zyrtarizuar dje. Ish-deputeti Koço Kokëdhima, njofton se ka mbledhur në Sarandë, rreth 400 mbështetës të tij për të nisur lëvizjen për ndryshim në PS. Një ndryshim i cili deri më sot që flasim thjesht artikulohet, por nuk po zbulon shprehi programore, apo organizative. Gazeta “Shekulli", pronë e Kokëdhimës, publikon të plotë fjalën e tij në aktivitet, në të cilën, mbyllja përbën ndoshta momentin më të rëndësishëm:

Presidenti i Republikës, Bujar Nishani ka refuzuar propozimin e Kryeministrit Rama për dhënien e një mandati të dytë shefit të Shtabit të Përgjithshëm të Forcave të Armatosura, Jeronim Bazos. Propozimi ka mbërritur pak ditë më parë në zyrën e kreut të shtetit, pas përfundimit të mandatit trevjeçar të gjeneralmajor Bazos. Panorama shkruan se Presidenti Nishani ka refuzuar t’i japë një mandat të dytë shefit të Shtabit të Forcave të Armatosura, Jeronim Bazos, për shkak të shkeljeve kushtetuese që ky i fundit ka kryer gjatë mandatit të tij 3- vjeçar.

Ministria e Jashtme ka reaguar më në fund për incidentin diplomatik me dy nëpunësit e saj që u ndaluan teksa transportonin në Greqi libra shkollorë, të cilat Gjykata e Janinës i çmoi si material propagandistik. Në reagim thuhet se Ministria po e ndjek çështjen në rrugë diplomatike dhe se procedura e ndjekur nga autoritetet greke bie në kundërshtim të plotë me rregullat e së drejtës ndërkombëtare.

Reagimi i Ministrisë së Jashtme:

Dënimi i dy nëpunësve të ministrisë së jashtme shqiptare nga Gjykata e Janinës për futjen në Greqi të materialeve ku propagandohej Shqipëria e Madhe ka gjetur jehonë edhe në mediat e vendit fqinj, të cilat kanë zbardhur detaje nga seanca gjyqësore në ngarkim të Agim Asllanit dhe Altin Tafës.

Pas presionit ndaj Gjykatës Kushtetuese, kryeministri Rama ka stigmatizuar trupën e kësaj Gjykate, duke mos e fshehur frikën për një rrëzim të mundshëm të Ligjit të Vetingut dhe për pasojë moshapjen e negociatave të anëtarësimit në dhjetor, ashtu siç ka deklaruar vetë ai.
Në ceremoninë e diplomimit të studentëve të Fakultetit të Drejtësisë, Rama i quajti gjykatësit e Kushtetueses njerëz që kanë tmerr nga Vettingu dhe nga një sistem që funksionon.