Politikë

Top-Channel raportonte dje se qeveria ka bërë disa ndryshime në ligjin “Për Statusin e dëshmorit”. Sipas këtij televizioni statusin në fjalë  e bashkë me të edhe përfitimet minimale që burojnë prej tij e përfitojnë personat që kanë marrë pjesë të paarmatosur në tubimet paqësore dhe pa armë për respektimin e të drejtave dhe lirive themelore të njeriut. 

Presidenti i Republikës, Ilir Meta ka deklaruar sot në një intervistë për syri.net lidhur me ish-ministrin e Brendshëm, Sajmir Tahiri: 

Afera “Babale” çoi në largimin e ministrit të Brendshëm, Fatmir Xhafaj. Duket se qeveria shqiptare, më saktë kryeministri Edi Rama ka pranuar të sqarojë diçka për ikjen e ministrit nga detyra, ikje që mbeti enigmë në arsyet e veta. I ftuar në emisionin “Open”, gazetari Baton Haxhiu, i afërt me z. Rama, në mos këshilltar i tij, ka deklaruar se Xhafa iku në respekt të opinionit publik.

Në emisionin “Të Paekspozuarit” është publikuar sot një dokument me kokë “Prokurorinë e Krimeve të Rënda pranë Gjykatës së Shkallës së Parë” në Tiranë, në të cilin paraqitet transkripti i një bisede mes dy personave, posedues të numrave: 0698967765 dhe 0692099300. Mbajtësi i numrit të parë i drejtohet bashkëbiseduesit me emrin “Gjushi”, kurse i dyti të parit me emrin “Niçe”.

Mbrojtja e marrëdhënieve dypalëshe mes Greqisë dhe Shqipërisë duhet të jetë në krye të prioriteteve të Athinës dhe Tiranës, pas fërkimeve që u krijuan me vdekjen e 35-vjeçarit  homogjene Kostandin Kacifas. Kathimerini shkruan për këtë ranë dakord në një bisedë telefonike që kishin të mërkurën, zv/ministri i Jashtëm, George Katrougalos dhe ministri ti Jashtëm shqiptar, Ditmir Bushati.

Fatmir Xhafa ka luajtur sa me misterin aq edhe me nënkuptimet që pas dorëheqjes. Fillimisht me heshtje dhe më vonë me mesazhe sa andej këndej pa i shpjeguar publikut pse braktisi detyrën e ministrit të Brendshëm, pa dhënë arsye.. DW shkruan sot se Xhafajt shihej me rezerva në Gjermani, për shkak të lidhjeve që kishte vëllai i tij me krimin e organizuar,  një nga kushtet që grupi parlamentar CDU/CSU ka vendosur për Shqipërinë për të hapur negociatat e anëtarësimit në BE.

Një prokuror në Athinë do të nisë hetimet për vrasjen e Konstandinos Katsifas, që humbi jetën gjatë përplasjeve me armë në Bularat në datën 28 tetor. Lajmi bëhet i ditur nga mediat greke që shkruajnë se dosja është dërguar në Athinë nga zyra e një prokurori në Janinë, pas ankesës së familjarëve të Katsifas. 
Formalisht çështja është hapur pasi e motra e të vrarit ka paraqitur dokumentet që provojnë se Katsifas ka patur kombësi greke dhe për rrjedhojë hetimi mund të hapet edhe në Greqi. 

Zyra e shtypit e ambasadës së Rusisë në Tiranë njofton se dje, ambasadori Aleksander Karpushin ka zhvilluar një takim me kreun e Kishës Orthodhokse Autoqefale të Shqipërisë, Kryepiskopin Anastas.

Ambasadori Karpushin zhvilloi sot një takim me Primatin e Kishës Orthodhokse Autoqefale të Shqipërisë, Kryepiskopin e Tiranës, Durrësit dhe gjithë Shqipërisë, Fortlumturinë e Tij Anastas. Gjatë bisedës u diskutuan disa çështje në lidhje me bashkëpunimin midis kishave vëllazërore orthodhokse të Rusisë dhe Shqipërisë

Diskutimi i fundit për çështjen e Teatrit Kombëtar, kur një ambasador i Bashkimit Europian ngre supet për kushtetueshmërinë e dyshimtë të nismave të qeverisë, rrëzon edhe garancinë e fundit, sidoqoftë efemere, se kjo kauzë do të ketë si minimum një trajtim ligjor të qartë. Sepse Teatri është kauzë tashmë, jo një zhurmë pakicash siç ka qejf ta cilësojë kryetari i Bashkisë, z. Erjon Veliaj.

Kauza mori dy dekrete të Presidentit në favor, çka e vendos qeverinë dhe mazhorancën para një fërkimi institucional që e relativizon bazën prej nga ku ajo nisi të impononte projektin e vet.

Aleanca për Mbrojtjen e Teatrit njofton në faqen e vet në Facebook për një takim të zhvilluar dje mes përfaqësuesve të saj dhe ambasadorit të BE-së në Tiranë, Luigi Soreca. Përmes deklaratës së saj, Aleanca bën me dije për faktin se ambasadori është sjellë ftohtë dhe nuk ka dalë nga kostumi I diplomatit, duke aplikuar parimin e mosndërhyrjes në çështje të brendshme të vendit.