Në Vëmendje

Deputeti i Partisë Demokratike, Bardh Spahia, ka denoncuar sot atë që ai e quajti vendosjen e shërbimit mjekësor në dispozicion të konçesionarit të Check-Up. Sipas Spahisë kontrata e zbardhur së fundmi mes konçesionarit dhe FSDKSh-së, përbën shkelje edhe të Kodit të Punës. Spahia ka deklaruar se kjo skemë e detyrimit të mjekëve dhe infermierëve synon të mbulojë dështimin e koncesionit, sa kohë që vetëm 27% e shqiptarëve që përfshihen në gamën e kontrollit, kanë kryer kontrollin falas.

Ish-drejtori i Autoritetit Rrugor Shqiptar, Dashamir Xhika, do të qëndrojë në burg. Ky është vendimi i Gjykatës së Elbasanit që ka dhënë sot masën e sigurisë për Xhikën, i arrestuar nën akuzën e shpërdorimit të detyrës dhe korrupsionit. Ai akuzohet se ka abuzuar me dëm 5.3 miliardë lekë me fondet e rrugës Elbasan – Gjinar. Në seancë ka qenë edhe ish-ministri i Transporteve, Edmond Haxhinasto, ndërkohë që goditja e Xhikës po perceptohet se luftë politike ndaj LSI-së.

Dalja përpara Gjykatës për t'u njohur me masën e sigurisë e ish-zyrtarëve të LSI-së, të arrestuar pak ditë më parë për shpërdorime në projektet e rrugëve u shoqërua me tension. Në seancë ishte i pranishëm edhe ish-ministri i Translorteve, Edmond Haxhinasto, 

Gazeta Zëri në Kosovë shkruan sot se tre liderët politikë të ardhur nga radhët e Ushtrisë Çlirimtare të Kosovës, presidenti Thaçi, kryeministri Haradinaj dhe kryetari i Kuvendit Veseli janë tërhequr përfundimisht nga iniciativa për shfuqizimin e Gjykatës Speciale firmosur pak javë më parë nga 43 deputetë të Kuvendit

Zvicra dhe Shtetet e Bashkuara të Amerikës janë dy vendet kryesore për sekretin financiar në botë. Tax Justice Network ka publikuar së fundmi Indeksin e Sekretit Financiar për vitin 2018, i cili përfshin 112 vende dhe në krye qëndrojnë edhe vende si Ishujt Kajman, Hong Kongu, Singapori, Luksemburgu, Gjermania, Tajvani dhe Emiratet e Bashkuara Arabe.

Me sekret financiar, ky indeks konsideron nivelin e sekreti dhe përqindjen e shërbimeve financiare që u ofrohet jorezidentëve.

Prangat e para për një zyrtar të rëndësishëm, por jo të rangut të lartë i janë vënë një njeriu të LSI-së. Bëhet fjalë për ish-drejtorin e Autoritetit Rrugor Shqiptar, Dashamir Xhika. Arrestimi u bë me urdhër të Prokurorisë së Krimeve të Rënda, pas një hetimi që lidhej me rregullshmërinë e ndjekjes së kontaratave për ndërtimin e aksit Tiranë-Elbasan. Xhika u kallzua penalisht nga ministri i Infratrukturës Damian, Gjiknuri i cili urdhëroi një audit të Brendshëm për abuzimet me ndërtimin e aksit Tiranë-Elbasan.

Që prej janarit 2017, Shërbimi i fshehtë Gjerman (BND) për botën e jashtme mund të bëjë pa e vrarë ndërgjegjia atë që ka bërë vite me radhë ilegalisht: të përgjojë gazetarët. Lejen për këtë e dha Bundestagu, pas zbulimeve të Edward Snowdenit. Në kuadër të aferës së përgjimeve të NSA, të cilën e bëri publike Snowdeni u bë e ditur edhe se Shërbimi Informativ Federal gjerman bashkëpunonte ngushtë me NSA. Me skandalin transatlantik të përgjimit u mor për tri vjet me radhë edhe një Komision Hetimor Parlamentar, i cili paraqiti në verë 2017 raportin e tij përfundimtar.

Arkivi i Autoritetit të Informimit mbi Dokumentet e ish Sigurimit të Shtetit është ende i paplotë. Kryetarja e Komisionit të Autoritetetit të Dosjeve, Genta Sula shprehet se kjo situatë vështirëson punën e institucionit dhe, si pasojë, në disa raste përgjigja nuk ka qenë definitive. Ajo kërkon që institucionet dhe personat që kanë informacionet që parashikon ligji për autoritetin e dosjeve t’i dorëzojnë ato. Mungesa e të gjitha dokumentacioneve të mundshme, ka bërë që ky institucion në disa raste të mos jap përgjigje përfundimtare.

Zbatimi i ndryshimeve kushtetuese në Republikën e Maqedonisë shihet si formula që mund të zhbllokojë zgjidhjen e çështjes së emrit me Greqinë. Gazeta greke "Ta Nea" duke iu referuar burime të Ministrisë së Jashtme shkruan se pas bisedimeve me negociatorin ndërkombëtar Methju Nimetz, Athina kërkon një zgjidhje të përgjithshme që do të mbulojë të gjitha përdorimet.

Zyra për shtyp e ministrit të bujqësisë, Niko Peleshi është detyruar të reagojë pas denoncimit nga LSI për emërimin në administratë të një personi me probleme ligjore. Pavarësisht se kush është denoncuesi, Peleshi ka pranuar se emërimi i Drejtorit të Përgjithshëm të Bordit të Kullimit për rajonin Korçë, Elbasan, Nexhip Merolli është bërë në injorim të ligjit të dekriminalizmit. Ai rezulton i dënuar nga Gjykata e Korçës për fallsifikim dokumentash, vulash etj.