Në Vëmendje

Disa media të njohura perëndimore i kanë lënë vend raportit vjetor të shërbimit sekret estonez, që trajton në mënyrë të përmbledhur kërcënimet kryesore konvencionale ndaj Estonisë dhe vendeve balltike. Bloomberg e cilëson shërbimin estonez si një nga agjencitë më të specializuara në botë për çështjet ruse, nisur nga njohja e gjuhës dhe e kulturës, por edhe penetrimi në brendësi të zhvillimeve që mundëson një pasqyrë më realiste të situatës sesa ajo që rëndom përcillet nga mediat perëndimore.

Merr një kthesë të papritur çështja Tahiri. Aty ku mendohej se procesi po shkonte në favor të Tahirit, Prokuroria për Krimet e Rënda i ka bërë rekurs në Gjykatën e Lartë vendimit të Apelit që i rirtheu pasaportën ish-ministrit të Brendshëm.

Prokuroria kërkon nga Gjykata e Lartë që të vendosë sërish masën shtrënguese për ndalimin e daljes jashtë vendit të ish-minitrit Tahiri. Organi i akuzës e ka depozituar kërkesën për rekurs në datë 7 shkurt, ndërsa ende nuk është caktuar se kur do të zhvillohet seanca e parë.

Arrihet marrëveshja përfundimtare mes qeverisë shqiptare dhe asaj greke për ri-demarkacionin e ZEE (Zonave Eksluzive Ekonomike), sipas informacionit të bërë publik në gazetën greke online "energypress.gr". Ky zhvillim sipas gazetës është drejtpërdrejt i lidhur me interesin për kërkimin e hidrokarbureve në bllokun detar 1 dhe 2 në detin Jon. 

Skandali me rryshfetet me kompaninë faramaceutike "Novartis" dhe rimbursimin e barnave ku përfshihen 2 ish-kryeministra dhe 8 ish-ministra të Greqisë është një dosje që u është përcjellë autoriteteve greke nga FBI amerikane. 

Avokati grek i tre personave paditës, emrat e të cilëve nuk bëhen të ditur,  tha për mediat se FBI ka në posedim të gjitha provat materiale që vërtetojnë përfshirjen e një pjese të politikanëve të akuzuar.

Lajmi se mbi Ujëvarën e Osumit ka filluar shtrirja e tubave për ndërtimin e një HEC-i të dhënë me konçesion në vitin 2013 nxori në sipërfaqe një tjetër skandal të gatuar në zyrat e shtetit, ku qeveria aktuale u kap gafil, pasi ka tjetërsuar kordinatat për ndërtimin e veprës energjetike. Këtë e pranoi vetë ministri i Mjedisit, Blendi Klosi në një ndërhyrje telefonike në emisionin Opinion ku debatohej mbi denoncimin e bërë nga shoqata Raftin Albania .

Gjykata e Lartë turke ka vendosur të lejojë ekstradimin në Shqipëri të Izet Haxhisë, i cili rezulton idënuar nga gjykata shqiptare me 25 vite burg për vrasjen e ish-deputetit demokrat Azem Hajdari.

Haxhia jetonte në Turqi me statusin e azilantit politik që prej vitit 1998.Autoritetet shqiptare nuk kanë komentuar zyrtarisht, por vetë Haxhia pohoi për mediat se është njohur me vendimin e Gjykatës turke dhe se fjala e fundit i takon Ministrisë turke të Drejtësisë.

Nis krijimi i bazës së të dhënave  të ADN-së për të identifikuar të rënët e luftës italo-greke. Procesi i identifikimit të eshtrave të zbuluara, kërkon marrjen e dy mostrave të gjakut përkatës nga të afërmit e të ndjerit dhe veçanërisht 1 mostër nga "linja" amtare dhe një mostër nga linja  "atësore".

Nuk ishte suprizë emërimi në krye të policisë së Shtetit i 46-vjeçarit, Ardi Veliu, i cili deri dje mbante postin e drejtorit të  Policisë së Tiranës. Një propozim i ministrit të Brendshëm, Fatmir Xhafa dhe i miratuar nga kryeministri Rama.

Deputeti i Partisë Demokratike, Bardh Spahia, ka denoncuar sot atë që ai e quajti vendosjen e shërbimit mjekësor në dispozicion të konçesionarit të Check-Up. Sipas Spahisë kontrata e zbardhur së fundmi mes konçesionarit dhe FSDKSh-së, përbën shkelje edhe të Kodit të Punës. Spahia ka deklaruar se kjo skemë e detyrimit të mjekëve dhe infermierëve synon të mbulojë dështimin e koncesionit, sa kohë që vetëm 27% e shqiptarëve që përfshihen në gamën e kontrollit, kanë kryer kontrollin falas.

Ish-drejtori i Autoritetit Rrugor Shqiptar, Dashamir Xhika, do të qëndrojë në burg. Ky është vendimi i Gjykatës së Elbasanit që ka dhënë sot masën e sigurisë për Xhikën, i arrestuar nën akuzën e shpërdorimit të detyrës dhe korrupsionit. Ai akuzohet se ka abuzuar me dëm 5.3 miliardë lekë me fondet e rrugës Elbasan – Gjinar. Në seancë ka qenë edhe ish-ministri i Transporteve, Edmond Haxhinasto, ndërkohë që goditja e Xhikës po perceptohet se luftë politike ndaj LSI-së.